ما شاء الله تبارك الله
الله يبلغنا رمضان ويتقبل منا الصيام والقيام
احنا في الاحساء نسوي القرقيعان في نص رمضان ومثلكم سفرة وأكل وتوزيعات للأطفال روووووووعه

ونص شعبان نسميها الناصفة ونحييها بالذكر والقرآن الله يتقبل

يا حلوكم يا اهل الامارات

مشكورة غلاتي على الصور
ياحظكم ياحظكم ياليت عندنا كذا الا كلن جالس في بيته واذا احد عزم احد تصير رسميه وعندنا كل شي عيب وممنوع

والله امي لمن تقصلنا يوم كانوا صغار ويدرون من بيت لبيت ويغنون اغانيهم الشعبيه عشان يعطونهم الجيران الحلويات انقهر ليش الحين ما نسوي كذا

انا راحت علي بس ودي عيالي ينبسطون

بس ماشاء الله عليكم الله لايضركم ويهنيكم
روووعه تسلمين واحنا بقطر نعملها بالنص من ارمضان مب شعبان لان بشعبان تسمى بليلة النافله الايام البيض وينصام فيهن...تحياااتي
ماشاء تبارك الله


كل سنه ان شاء الله وانتم طيبين


احنا في السعوديه نسميه سيدي شاهن

وهذي اغنيته


سيدي شاهن ياشربيت, خرقه مرقه ياأهل البيت
..اما جواب ولا تواب..ولا نكسر هذا الباب,
لولا خواجه ..ماجينا ,ولا انطاحت..كوافينا يحل الكيس ويعطينا,
والساده..والعاده
,ستي سعاده..هاتي العاده,
سعيد..هات العيد ,
اما مشبك..ولا فشــار
,ولا عروسه..من الروشــان,
ولا عريس..من الدهليز
ويقصدون بالعريس والعروسه..طفل او طفله ترمى او تعطيهم الفشار والحمص والحلاوه وممكن رميها من الروشان وعندما يتم اعطائهم يرددون
قاروره يا قاروره ست البيت غندوره..(وهذا مدح وثناء )
وفي حالة عدم اعطائهم يرددون
كبريته يا كبريته ست البيت عفريته...(طبعا ذم)
عاده كانت جميله تعبر على التضامن والفرحه مابين ابناء الحاره الواحده


الساعة الآن 09:14 .