بسم الله الرحمن الرحيم
اولا: احس الوحدة اذا ماتحب االطبخ ماراح تتعلم زي اختي عمرها 18 سنة وحاولت فيها من لما كان عمرها 13 انها تدخل معي المطبخ هي ماتبغة وترفض
بس اختي اللي عمرها 13 سنة تحب الطبخ ودايم تترجى امي انها هي اللي تسوي الغدا ولا تسوي بيتزا وحلى بس امي تخاف عليها او بالاحرى ماتثق فيها بس انا دايم ادخلها معي المطبخ واخليها تسوي اشياء خفيفه
وبدت الحين تسوي مكرونة وبيتزا روعة ماشاءالله اسفه طولت عليك اختي تقبلي مروري
ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
بصراحه صادقين البنات وعجبني كلام ام غاده يوم تقول خلي قلبها حي لاشافتك بالمطبخ تنقز تساعدك والله بنات اليوم اغلبهم والله اشوف امهاتهم يكرفون وهم يتسدحون ويتمططون ومايحسون بامهاتهم عااادي عندهم الوضع ومع الوقت يصير مالها خلق لاطبخ ولاشي وبعدين لااعرست قعدت تكتب بهالمنتديات ساعدوني انا مااعرف شي !!!!
واللحين فرصه رمضان اجازه ومناسب لان فيه اشياء كثيره تقدر البنت تسويها مثل حلى الفطور خليه عليها اصابع جبن بف باستري وهالاشياء السهله العصير عليهابعد لف السبرنغ رول والسمبوسه تشكيل العجينه يعني انتي اعجني وخليها تجلس عليها وتشكلها فطاير وبيتزا وشجعيها والسلطه بعد ومن هالاشياء اللي ماتبي احد محترف لين تتعلم والقهوه يابنات علموهم عليها خليها تشوفك وريها المقدار وخليها تصلحها برمضان كل يوم مايخلص الشهر الا وهي تضبطها شوفوا المنتدى كثير بنات متزوجات يشتكون من انهم مايضبطون القهوه والله يبلغنا واياكم رمضان صيامه وقيامه



اللهم لك الحمدكما ينبغي لعظيم وجهك وجلال سلطانك
اللهم اشفي ابنتي ياكريم
جيبيلها كتاب طبح يفتح نفسها للطبخ
وشجعييييييييييي ها
لا اله الا انت سبحانك اني كنت من الظالمين
يارب تشفيني وتكفيني شر كل من فيه شر
وتحفظني من كل سوء
ويارب تحفظ حبايب قلبي وتحرسهم بعينك التي لا تنام

سبحان الله والحمدلله ولا اله الا الله
اقتباس مشاركة  (حلم ليله صيف)
على فكره بتك مو صغيره انا يوم كنت بخامس ابتدائي انا اسوي الغداء بالخميس والجمعه والاجازات حتى اذا كانت امي مو فيه اضيف اللي يجون شاهي وقهوه وزنجبيل والله تطلع امي وبطنها بطيخه صيفي وانا اللي اقوم باليت كنت بجد مكروفه لا واذاكر لاخواني كلهم بعد
ياقلبي
ترى انا كنت كذا بس هذاك اول صح كان فيه شغالات بس ماكانوا امهاتنا معتمدين عليهم في الطبخ كانوا ما يرضون الشغاله تطبخ لازم الام والبنات يقولون وش شغلتكم الشغاله تنظف وتغسل المواعين وخليتوها تطبخ بعد

وترا البنت تتبع نفس اسلوب الام يعني لا تخافين مثلا من النظافه وحوسة المواعين يعني علميها ما تلمس شي الا مغسله ومنشفه يدها وبعض الاشياء اللي تبي مطرسه كثير مثل تكوير حلا مثلا وشي يعني مهوب منطبخ في النار تلبس جلفز ..... المواعين تتعود ما تطلع الا قد حاجتها وتتعلم انها تغسل الملعقه اللي بتستخدمها اكثر من مره موب تفضي درج الملاعق ... نفس الشي الاغراض اللي استخدمتها في الطبخ ترجعها مكانها بعد ما تخلص مثل الدقيق .. يرجع الفريزر .. الزيت يدخل مكانه علبة السكر تقفلها وترجعها مكانها تخلي المكان بعدها نظيف والله لو تعودت على العادات الصحيه هذي انها بتدعي لامها اذا كبرت لانها خلاص بتصير ما تقدر تغيرها
انا بالنسبه لي من جت بنتي في سادس ابتدائي وانا باديه امارس عليها الاضطهاد بس تراهم ينبسطون ويحسونهم كبار ، بس في البدايه تصلح حلا وبعدين مثلا اسوي حشوة لحم او جبن واعطيها تلف السمبوسه ولا اصابع سمبوسه
العجين اعجنه واكوره صغار وهي تبدأ تفرد كل وحده وتحشيها وتسكرها نص دائرة
ويوم جت اولى ثانوي صارت تولع على اللحمه ولا تتبل دجاج وتدخله الفرن تصلح صينية خضار
بس والله عن تجربه ترانا ما ننعطى وجه اذا شفناهم تعلموا خلاص نبدأ نخلي الشغل عليهم ياقلبي
"ربي اجعلني مقيم الصلاة ومن ذريتي ربنا وتقبل دعاء"

شوفي يالغاليه انا عندي بنتين الله يخليهم لي يارب الكبيره تزوجت والحمد لله الكل يمدح طبخها وخاصه بالحلى

مبدعه والصغيره بثاني ثنوي السنه الجايه

الكبيره بديت معها من هي بالمتوسطه بالعصيرات برمضان وتساعدني بالسمبوسه والسلطات وترتيب السفره

وبعدين بالايام العاديه كنت اخلي عليها العشاء واشجعها وكتانت تبدع

وما خليت كتاب ما شريت لها واخر كتاب شريته لها كتاب مبدعات حواء



الحين الصغيره تساعدني بالمطبخ تقطع سلطه وتموت بالسلطه الي بالجبنه البيضاء هرتنا بها

ومن الحين جالسه كل يوم تسوي حلا هي من نفسها تقول لي ابي اسير مبدعه مثل مبدعات حواء


بتشجيع عيوني واهم شي ما تنفخين عليها

استخدمي معاها اسلوب ياعمري ياحياتي الله لا يحرمني منك ومن ذا الدعاوي

والله يخليها لك يارب





الساعة الآن 10:42 .