السلام عليكم

كل عام وانتم الى الله اقرب وعلى الطاعه ادوم وعن المعصيه ابعد

وكل عام والامه الاسلاميه بخير ............. اللهم بلغنا وإياكم رمضان ........آمين



****************************** *****************


شوفو صور السمن .............. الحمد لله طلع تمام والطعم رااااااائع لا يقارن بسمن العلب والمواد الحافظه الفيه

شوفو الحكايه من اولها

انا بجيب الحليب السايب من محلات الالبان كنت بجيب العلب المبستره وبعدين جبت السايب العادى)( لازم عشان يعمل سمن يكون الحليب العادى لكن مش الحليب المبستر او المعلب وبرده مينفعش الحليب البودر

فى محلات البان بتبيع الزبده والقشطه والجبنه والحليب السايب ده مش معلب



محفوظ فى حاجه معدنيه كبيره خاصه باللبن لكن مش فاكره اسمها ) وبغليه 5 دقائق او اكتر على النار وانا حاطه فواره اللبن عشان ميفورش

ودى صوره الفواره





ودى صورتها من الجنب






وبعدين بحطه فى التلاجه لتانى يوم ....بيكون عمل قشطه سميكه على الوش

الصراحه انا كنت برميها بالرغم من انى مبحبش ارمى حاجه بقول حرام دى نعمه هنتحاسب عليها

لكن مكنتش عارفه اعمل ايه بالقشطه دى

بس الحمد لله ربنا هدانى لطريقه السمن دى والحمد لله بقيت اشيل القشطه فى سرفيس المونيوم فى الفريز لحدما يتجمع عندى كميه كبيره

وبعدين بحطهم فى حله واضعهم على النار الهاديه جدااااااااااااا ااااااااااااااا ااااااااااااااا ااااااااااااااا ااااااااااااااا

نار هاديه جدا ومش مباشره انا بحط ( شياطه ) زى البتتحط تحت الرز عشان يستوى على نار هاديه

وبسيبه على النار الهاديه وبقلبه من وقت للتانى وبياخد على النار كتير يمكن 3 ساعات او اكتر على حسب كميه القشطه وعلى حسب انتى هطحطيها متجمده ولا هتسيبيها تفك الاول وبعدين تحطيها على النار

انا حاسه انى طولت قوى فى الكلام

بس ان شاء الله الصور توضح



1- ده اللبن تانى يوم خرجته من التلاجه وعليه طبقه سميكه من القشطه يمكن مش باينه فى التصوير بس اكيد انتو عارفينها



2- دى القشطه الانا مجمعاها وهى خارجه من الفريزر طبعا هى اكتر من كده بس انا نسيت اصور قبل ما افضيها فى الحله






3- بتبدء القشطه فى الغليان ومهم جدا ان النار تكون هاديه وغير مباشره عشان متتحرقش من تحت

ودى المراحل المختلفه بالصور










يتبع ارجو عدم الرد









وبناخد معلقه من الحله نشوفه لو لقيناه زى الصوره دى لونه فاتح ومتماسك بيكون السمن ليسا مستواش



ونسيبه شويه كمان ونقلبه من وقت لاخر

لحد ما يصفى وش الحله يعنى يكون صافى شويه ومع التقليب تحسى ان الموجود فى قاع الحله بدء يتفكك من بعضه ويكون حبيبات دهبى







بنزلها من على النار ونتركها تهدى شويه لكن متبردش

عشان لو بردت مش هعرف اصفيها






واتبقى شويه حطيطهم فى برطمان


واخيرا





بعد ما بردت وجمدت




وياسلام على الريحه المميزه




ايه ..............تمام ولا ايه





انا نسخت الردود دى للاستفاده منها



*************************




اقتباس مشاركة  (ايزيس 2000)
تسلم ايدك انا عندي فكره بدل ال3ساعات على النار ممكن قبل ما تحطيها على النار تضربيها بسرعه بالمعلقه او المضرب السلك لحد ما تخرج ماء منها وكده تحصلي على الزبده البلدي وبعدين تسيحيها
فكره حلوه قوى ايه رأيكم انا هجربها وان شاء الله تكون النتيجه احسن



****************************** ***

اقتباس مشاركة  (سمارا تمارا)
ليه تحتارون في القشطه ؟ ما تاكاونها في الفطور مع العسل ؟ او تحشوا فيها حلويات كنافه قطايف بف باستري
بس شغل البيت ولا في زيه تسلم ايدك
لا يا حبيبتى القشطه دى متنفعش للحلويات لانها لما بتدخل الفرن بتتفكك من بعضها وتعمل زى الحليب القاطع او الخسران .
يعنى بتبقى زى حتت الجبنه وحوليها مياه

قشطه الحلويات بنشتريها جاهزه من السوبر ماركت

فى فرق بينهم كبير
الله يعطيكي العافية ماشاء الله ابداع صراحة ما توقعت ان هالقشطة بتطلع سمنة بالنهاية ......برافو والله
رب لا تذرني فردا وأنت خير الوارثين
اللهم هب لي من لدنك الذرية الصالحة



«« لا إلـه إلا أنت سبحانك إني كنت من الظالمين »»



اتشوق لسماع كلمة ماما من طفل لي انتظرتة اكثر من 12 سنة ياربي لا تحرمني وكل محروم
ماشاء الله .. جدا روعه
الله يعطيكي العافيه


الساعة الآن 03:58 .