بنات انا قد ذقت عند ناس سمبوسه هنديه جناااااان اذكر فيه بطاطس مكعبات و بازيلا و سالت الحرمه و قالت لي الطريقه بس نسيتها


لكن اللي اتذكره ان فيها بصل كثير

رحم الله موتى المسلمين اجمعين
سهله
بطاطس مقطع مربعات ومسلوقه
وبصل
وبازلا
وبهارات الكاري السر في الكاري
حطي البصل على نهار لين يشقر بعدين البطاطس المسلوقه والبازلا والبهارات والملح
وبس
مرحبا اختي شوفي انا قد اخت طريقتها من هنا من عالم حواء قبل 4 سنين بس والله مادري من اللي كاتبتها الله يجزاها خير والصرااحه صدق طعمها سمبوسه هنديه صح ان خرابيطها كثيره بس سهللللللم مره والسر في العجينه تبعها انا سويت طريقة البنت اللي قالتها بس ماعجبتني لاني شكلي ماظبطتها زين صارت سميكه انا ابغاها تقرمش اتوقع انفع عجينه لها اللي يسمونها السمبوسك وهي خرابيطها مو كثيره شويه مره ام زوجي تسويها وتحشيها لحم مفروم وتقليها جنااااااااااااا ااان

والله ماعرف من اللي كانت كاتبتها وانا مانسبها لي
الطريقه جااااايه بالطريق
بجيب كتاب الطبخ ورااااجعه


المقااااااااادي ر:
ملعقة زيت + ملعقة صغيره ثووم مهروس + ملعقة صغيره زنجبيل مهروس (انا ماعندي فحطيت بودره)+ بصله متوسطه مقطعه
تقلب هذه المقادير على النار حتى تنعم البصله ثم نضع ملعقة طعام عصير ليمون + ملعقة صغيره كزبره ناشفه + نصف ملعقه صغيره ملح (عاد انتي ضبطي الملح بمزاجك) + رشة فلفل احمر مطحون + 2 ملعقه صغيره كاري (انا والله قمت ازود بالكاري ابي النكهه تبين )
نقلب ماذكر سابقا على النار لمدة تقريبا 2 دقيقه
ثم نضيف 3حبات بطاطس مسلوق ومقشر متوسط الحجم ومقطع ونقلب الى ان يتسبك مع المقادير السابقه قليل فقط ثم قبل ان نطفي النار عليه نضيف له ربع كاس بازلاء المجمده ثم نقلب عالنار ثم نرفعه من عالنار ونضع عليه 2 ملعقة طعام كزبره خضراء مفرومه

اما الان فطريقة العجينه:
2 كاس دقيق ابيض + 2 ونص ملعقة زيت + نص ملعقه صغيره ملح + ربع كاس ماء (انا قعدت اضيف ماء على مزاجي لانها صارت قاسيه )
نضع المقادير مع بعضها البعض ونضيف الماء بالتدريج الى ان تتشكل العجينه باليدين نغطي العجين ونتركه لمدة 20 دقيقه (انا اقترح تسوين العجينه بعدها تسوين الحشوه) بعدها نقسم العجينه قسمين ثم نفرد القسم الاول ونقطعه من 6 الى 8 دوائر صغيره مثل المطازيز ثم نأخذ من الدوائر هذي ونقصها نصفين فتكون نصف دائره ثم نحشيها ونسكرها مثل القطايف ثم تقلى بالزيت (انا طبعا سكرتها زي السمبوسك سكرتها نفس طريقتهم بالمطاعم للسمبوسه الهنديه خليتها مثلثه ومجموعه من فوووق)

انا يابنات صرت اسوي تقريبا حشوه قريبه منها بالضبط بس بدل ماسلق البطاطس اقطعه ني هو وجزر مبشور واقلبهم سوى عالنار لين يستوي البطاطا واحشيها بالسبرينغ رول وافرزها لرمضان واقليه بزيت خفيف بقلاية البيض مره جنننناااااااااا اااان

هذي الطريقه واتمنى تدعون لي ان الله يجعل قبري روضه من رياض الجنه ولايجعله حفره من حفر النار واياكم والمسلمين اجمعين





مزوون


الساعة الآن 08:13 .