شااااااااااااعر كبير ... وتوقعته ياخذ البيرق والمليون ...

قصايده روعه بمعنى الكلمه ...بس عيبه الوحيد انه مغرور بشعره ...

وهذا انا اعتبره شي مب ف صالحه ..

بصراااااااحه شااعر مميز وانا تعجبني كللل قصايدة واكثر شي هذي



إن كنت تنشـد ياصديقي عـن الحـال
مالـي علـى كتمانهـا عنـك حيلـه
الصبـر عـن بـوح الاحاسيـس قتـال
والبـوح فـي بعـض المواقـف فشيلـه
لـو كـل مايطـري علـى البـال ينقـال
ماكـان شفـت ان الثقيـلـه ثقيـلـه

ابطيـت اكافـح ضيقـة الـبـال بالـبـال
وادفـع بـلا هاجوسهـا كـل ليلـه
ليـن اقبلـت مثـل السحابـه بهـمـال
تشفـي غليـل اللـي تـزايـد غليـلـه

طاحت ولاوافـق مـن حنايـاك منـزال

وابطلبـك يابـدر تكمـى المخيلـه

ان قيل ترعد قلهـم : صـوت زلـزال
وان قيل تبرق شـف لهـا ادنـاة حيلـه
مابـي تناقلهـا هـل القيـل والـقـال
وتصيـر مـن بعـد القصيـره طويله
يابدر ماني عال لـو صحتـي عـال
شفنـي مـن الصدمـات نفسـي عليـلـه
اشيـل حمـلٍ لـو يشيلنـه جـبـال
الله ، وامانـه غيـر تصـبـح نثيـلـه

أرمي من هموم الزمن واسحب أدبال
وانزل عن ( الجوكـر ) وغيـري يشيلـه
من كثر ماشفت بحياتي مـن انـذال
بديـت اشـك ان النـذالـه فضيـلـه
ماطاح من عيني رجل ..!! طاحوا .. رجال,,,,
ورجـال ( يابـن حنيـف ) ماهـي قليلـه
اقرب من اللي قالهـم ضمـن ماقـال
راكـان بـن حثليـن .. راعـي الجزيلـه
( هذا .. ولد عـمٍ ، وهـذا .. ولـد خـال
وهـذا .. رفيـقٍ مالقيـنـا .. بديـلـه )
سبحـان منهـو يابـدر غيّـر الحـال
وحـط الجفـا بيـن الخليـل .. وخليـلـه
هـذا الزمـن يبغالـه .. لسـان دلاّل ..
مـن يستحـي هالوقـت .. واعزتـي لـه
وقتٍ به ( الراعي ) غدى .. راعـي دلال
كلٍ علـى طاريـه .. ينفـض شليلـه ..!!

ومن كان ساسه للـردى مضـرب امثـال
ليوم .. يحسـب مـن كبـار القبيلـه
المال .. يابن حنيف ملعون .. ابـو المـال
ذل العزيز .. وعز .. نـاسٍ ذليلـه ...!!



واللي اعرفه انه بالقصيدة هذي يقصد بدر الصفوق لانه كان من اعز اصحابه بس صار لهم شي وتغير بدر

الله اعلم؟؟؟؟؟؟

حبيبتي هذا مو غروووووور هذه اسمها ( ثقه )
لازم الواحد يكون واثق بالشي اللي يقدمه