بسم الله الرحمن الرحيم
ده ملف صغير وسريع فى حاجات ضرورية بنستهلكها كتير وممكن تعمليها فى البيت بنظافه وبطريقه مضمونة ده اللى قلتلكم عليه يا بنات فى ملف الاستشارة المطبخية حاولت احملهلكم بس معرفتش ابدا

يلا نبتدى

الزبادى



كيلو حليب – 4 معالق كبيرة زبادى (غير طازج يعنى بايت عندك فى التلاجة)
الطريقة
يوقد الفرن الى اعلى درجة
نغلى الحليب على النار ونتركة لحد مايصبح دافىء
نضع الزبادى على الحليب مع التقليب جيدا
ثم نصبه فى اكواب او اطباق على ان تكون ايدنا مرتفعه اثناء الصب علشان يتكون عندك رغاوى على الوش (فقاقيع)
نطفى الفرن ونضع الاكواب فى صينية ونضع الصينية فى الفرن لمدة ساعتين دون ان تفتحى باب الفرن فى خلال الساعتين
بعد الساعتين حيتحول الحليب الى زبادى متماسك ثم نضعه فى الثلاجة
ملحوظة
كيلو الحليب بيعمل 5 اكواب زبادى كبيرة




الطحينة



كوب كبير سمسم – كوب كبير زيت ذرة – 1/2 كوب دقيق
الطريقة
نضع كل المقادير فى الكبة ونضربهم جيد جدا حتى تصير سائل غليظ القوام وبذلك تكون هى الطحينة
نضعها فى برطمانات نظيفة وتحفظ خارج الثلاجة لحين الاستخدام فى الصلصات السلطات
ملحوظة : دى اسمها الطحينة البيضاء
اما اذا كنتى عيزاها طحينة حمراء يبقى تتبعى نفس الخطوات ونفس الطريقة بس تحمصى السمسم الاول





الكشك الالماظية وتجفيفه


10 معالق كبيرة دقيق – 3 كوب زبادى غير طازج (غير طازج يعنى بايت عندك فى التلاجة)
الطريقة
نضع الذبادى فى طبق ونضربة كويس بالشوكة
ثم نضع عليه الدقيق شوية شةية مع الخفق الجيد المستمر حتى نحصل على سائل غليظ متماسك
غطى الطبق واتركية مدة لاتقل عن ساعه فى مكان لايتخلله هواء ،فى حالة طهى الكشك السائل فى المرق ، وهذه النسب تكفى 3 طبخات اى عمل حوالى 12 طبق
اما اذا كنا
نرغب فى تجفيف الكشك فيراعى ان يكون سائل الكشك غليظ القوام ، وان يتم اعداده اقراص دون ان يترك كى يخمر وهذه النسب تكفى لاعداد 10 اقراص كشك متوسطة الحجم وفى حالة تشكيل الكشك اقراص :
1- ترش صينية كبيرة بقليل من الدقيق ثم يؤخذ قطعا بالمعلقه من خليط الكشك وتوضع فى الصينية وتبط قليلا فى شكل اقراص وهكذا حتى الانتهاء من الكمية
2- ثم نغطى الصينية بقطعه شاش نظيفة وتوضع فى مكان يتخلله الهواء دون الشمس حتى تجف اقراص الكشك
3- نأخذ الكشك من الصينية ويحفظ لمدة طويلة دون ان يصيبه العفن ليستعمل وقتما نشاء
ملحوظة
الكشك دة كشك فلاحى اسمة الكشك الالماظية المادة الاساسية فية الذبادى لكن
الكشك الصعيدى يصنع من البرغل بدلا من الدقيق




طريقة طهى الكشك المجفف

3 اقراص كشك – 4 اكواب كبيرة من المرق – بصلة – 3 معالق ذيت ذرة – معلقه كبيرة كزبرة جافه مطحونة
الطريقة
ناخد 3 اقراص من الكشك الجاف ونكسرهم وننقعهم فى قليل من الماء حتجديه بيلين
نضع فى حلة على النار حوالى 4 اكواب كبيرة من المرق ويفضل ان يكون دسما مثل مرق الوز او البط او الدجاج السمين (يعنى مش وقته ريجيم احنا حناكل كشك)
نبشر البصلة ناعما ثم نحمرها فى 3 معالق زيت ذرة ثم نضع عليه الكزبرة ونقلبهم مع بعض على النار
نرفع المقلاية من على النار ونشيل نص كمية نركنهم على جنب وناخد النص التانى من البصل ومعاه الزيت اللى حمرناه فيه ونضعه فى الحلة على المرقه ونظبط الملح
لما تغلى المرقه نضع عليها مزيج الكشك شوية شوية مع التقليب المستمر على نار هادية حتى نجده انه اصبح سائل غليظ القوام ثم نرفع الوعاء من على النار
نغرف الكشك فى الاطباق ونجمل الوجه بالبصل المحمر (اللى كنا ركنينه على جنب) ويقدم باردا او دافئا





مشكووره ويعطيك العافيه

انا الزبادي اعمله في البيت

الصراحه اوفر من برا
اما الطحينه راح اجربها ***** الله
البسطرمة





عرق لحمة تلبيانكو بقرى
500 ج ثوم
كوب كبير مسحوق حلبة مرة (من عند العطار )
1/2 كيلو ملح حصا(من عند العطار )
2 معلقه كبيرة فلفل ارناؤطى(من عند العطار )
1/2 معلقه ملح ناعم
الطريقة
يحضر العرق ويغز فى اماكن متفرقه بطرف سكين مدبب ويضاف فى هذه المناطق قطعا من الملح الحصا اما باقى الملح يرش على على العرق
ثم يلف العرق بعده طبقات من ورق الجرائد ويربط بالدوبارة جيد جدا مع الضغط الشديد اثناء الربط ويترك لمدة 12 ساعه
يفك العرق من الدوبار والورق وينزع منه حصوات الملح المغروزة بداخله وكذلك الملح الذى يكسوه ثم يغسل جيدا جدا بالماء الغزير البارد الجارى ويجفف جيدا مع الضغط عليه بقطعه قماش نظيفه حتى يجفف جيدا من الماء العالق به
يقشر الثوم ويفرم بمفرمة اللحم ويضاف اليه مسحوق الحلبة المرة والفلفل الارناؤطى وقليل من الملح ويتم خلط كل هذه المواد معا
تغز قطعه من الدوبارة فى مقدمة العرق ليتم التعليق منها (كما نراه فى السوبر ماركت )
ثم يلف العرق بخليط الحلبة مع الضغط عليه جيدا جدا حتى يتماسك هذا الخليط باللحم جيدا
يعلق العرق من الدوبارة فى الهواء الطلق لدمة لا تقل عن اسبوع وممكن ان نتركها اكتر من اسبوع حتى يتكون عندنا احلى رول بسطرمة





صناعه السوسيس



كيلو لحم غير سمين ويفضل من الفخده
500 ج مصران ضانى
معلقه صغيرة فلفل ارناؤطى(من عند العطار )
معلقه صغيرة ملح ناعم
نص معلقه صغيرة فلفل اسود
معلقه كبيرة بهارات خاصة باللحم المفروم (من عند العطار )
معلقه صغيرة عصير ليمون
معلقه صغيرة حبة البركة
الطريقة
يحضر المصران (السجق) الضانى ويكحت من الداخل ويغسل عده مرات بالملح الخشن ومرة اخرى بالدقيق ويشطف بالماء الجارى ثم يشطف فى قليل من الماء
يفرم اللحم ثم يضاف اليه الفلفل ارناؤطى والملح والفلفل والبهارات وعصير الليمون وحبة البركة ثم يعجن الجميع معا ويتم فرم خليط اللحم مرة تانية فرما ناعما
نبدء فى حشو المصران بالحشو وبعد الانتهاء من الحشو يحفظ فى الثلاجة لمدة لاتتعدى اليومين فى الرف العلوى
واذا اردنا الاحتفاظ به فترة اطول يحفظ فى الفريزر




سوسيس بشرائح الفلفل
(طبق يكفى فردين)



حوالى 8 قطع سوسيس – 2 قرن فلفل رومى – بصلة كبيرة – جزرة – فص ثوم مقشر ومهروس – 3 معالق ذيت ذرة او مايعادلها سمن او زبد – ملح وفلفل
الطريقة
نقطع البصل والجزر والفلفل رومى شرائح رفيعه
نضع الذيت فى مقلاية على النار لحد مايحمى ثم نضع السوسيس ونقلب على النار حتى يحمر
نضع على السوسيس البصل والجزر والثوم ونقلبهم كويس على نار هادية لمدة 5 دقايق
ثم يضاف شرائح الفلفل الرومى والملح والفلفل ويقلب الجميع حتى يتم تسوية الجميع
يضاف الى المقلاية 2 معلقة كبيرة ماء ثم نغطى الطاسة على نار هادية
نضع السوسيس بالخلطة فى سيرفيس ويقدم ساخن







الساعة الآن 08:09 .