السلام عليكم ورحمة الله وبركاته

راح اخش بالموضوع على طول انا يابنات ساكنه في تبوك وطبعا المشاغل والكوافيرات فيها نوعا ما محدوده او يعني اللي شغلهم حلو قليل وينعدو عالاصابع طبعا انا عندي موهبه احط ماكياج ومابي امدح نفسي بس بشهادة الجميع رائع جدا وجميع انواع الماكياج واعرف نوعية الماكياج اللي يناسب الوجه واعرف اسوي تسريحات بسيطه طبعا انا مااخذت ولا دورة تجميل ولا حاجه كذا من رب العالمين..

بس المشكله كيف ابدأمابي افتح مشغل ولا شي ابيه يكون مشروع شخصي يعني ازين في بيتي

يعني ايش الخطوات اللي راح اسويها كيف اعلن عن نفسي وكيف راح اشتري الادوات ابي اشتريها بالجمله

الله يوفقها اللي تقولي..

بنات لاحد يستخف بالموضوع من جد ابي اتحرك كل اللي حوالينا اجانب والنعم فيهم بس بنات البلد اولى ايش رايكم
17-08-1429 هـ, 09:23 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله فكره حلوه وموفقه سوي لك توقيع بالمنتدى انك كوفيره

بعدين اكتبي اللي يبي الرقم على الخاص

سوي بطائق برقمك او رقم خاص لشغلك ووزعيه بسوق او عند جيران اهلك وبالتوفيق
17-08-1429 هـ, 09:33 مساءً
 
مشكوره يالغاليه ماقصرتي بس ادوات المشروع كيف ابي تفاصيل اكثر الله يوفقك اعذريني على ثقالة دمي بس من جد عندي عزيمه واراده بالنسبه للمشروع

ويابنات لاتبخلو على الله يوفقكم
17-08-1429 هـ, 09:37 مساءً
 
العزيمه احلى شي لانها هي بداية المشوار او المشروع شوفي حبوبه اشتري من ادوات التجميل كل شي حتى حمام زيت وتفنني عاد انتي وطريقتك وهالله هالله بالاسعار اشتري مكياج وستشوار وشباصات ووووووغيره ما اعرف اسماء محلاتكم

اما بنسبع للمرايه والطاوله الطويله اللي مثل التسريحه عندكم اكيد باسواق الديكور اوتقدرين هنا تسوين طلب مطلوب اثاث مشغل مستعمل
استعمال خفيف

اما بنسبه للعاملات لاتشغلين احد الا بنسبه علشان ماتبلشين بروتبهم ونتي توك بالبدايه

سوي طلب بالمنتدى انك تبين كوفيره بالنسبه في تبوك تاخذ 30% لان كل شي من عندك مكياج مصرف كهرباء وغيره بس وقت الزحمه اوقات مثل العيد وغيره واكيد خليها تسوي بروفا عندك قبل الطلب علشان تشوفين شغلها

اي استفسار عن المكياج او اي شي ثاني انا في الخدمه راسليني على الخاص افضل حبوبه انا كوفيره بس بالشرقيه ممكن اساعدك لله وعندي افكار حق دوراة التجميل وملزمه اذا تحبي كله شغل يدي
17-08-1429 هـ, 10:23 مساءً
 
اعرف وحده بدات من بيتها للصديقات واللجيران واللحين مشهوره

وتسوي دورات تجميل للبنات وطلبتها صاحبة مشغل تشتغل عندها براتب مغري ونسبه

مع العلم انها من عائله ثريه لكنها تحب الشغل وتبي تثبت داتها

اتمنى لك التوفيق
18-08-1429 هـ, 12:18 صباحاً
 


الساعة الآن 12:36 .