السلام عليكم ورحمة الله وبركاته

مبارك عليكم الشهر وتقبل الله منا ومنكم صالح الاعمال


انا في حيرة مدري شلون اجهز هالفطور لعائلتنا للرجال فقط يعني ماشاء الله ماشاء الله نقول العدد 30 شخص

انا برمضان اللي طاف كنت اجهز بنفس اليوم وكنت بس احط الفطور لهم اروح انسدح على طول لان ظهري انكسر من الوقفه والتوزيع حتى اني وقتها فطور ما اكل بس تمرة وماي وانام على طوووول من التعب

بس هالمرة انا حامل وبالشهر الثامن ماراح اقدر اسوي مثل قبل لاني اتعب بسرعه وما ابي افشل زوجي واحط لهم فطور اي كلام

فكرت اجهز السلطات قبل الفطور بيوم يعني بالليل واحطهم بالثلاجه بس السلطات تذبل وتتغير بالثلاجه

شلون شنو الطريقة اللي اقدر احافظ عليهم فرش لاني دايما اقرا اللي يسوون بوفيهات يسوونها قبلها بيوم وماتتغير

وساعدوني بأكلات اقدر اسويها بيوم واحطها بالثلاجه وشلون طريقة حفظها بحيث انه مايتغير طعمها ولايطلع لها ريحه

ياليت تفيدوني ابي اكلات غير السمبوسه والكبب لانهم جاهزين وبالثلاجه




خلوني اعطيكم فكره عن الاساسيات بهالفطور واللي راح اسويهم بنفس اليوم

الشوربه اساسي وماراح تاخذ وقت اسويها الظهر واذا خلصت اطفي النار عليها واخليها على جنب

وبعدها اسوي المرق سواءا لحم او دجاج المرق راح يكون للتشريبه وللرز يعني راح اسوي واجد مو شوي

يعني تقريبا 6 دجاجات هذا راح ياخذ وقتي كله لانه راح ياخذ مكان على الفرن

واللقيمات اسويهم قبل الفطور بساعه ونص

الحين خلصنا من الشوربه والتشريب والرز واللقيمات

انا متعوده اسوي اكلات ثانيه لانه بعضهم يبون خفايف وسلطات مايبون ثقيل
فابي باقي الاكلات اسويها قبلها بيوم

بس شنو اهي؟؟؟؟؟؟


ياليت تساعدوني بهالشهر الفضيل وجزاكم الله خير
الله يعينك ياقلبي ويهون عليك
بالنسبه للشوربه والمرق والرز واللقيمات احسها ما تنفع الا بيومها
بس السلطات سويها قبل بيوم .. دايم نسوي هالحركه اذا كانت عندنا عزيمه
نقطع كل شي ونحط بعلب الجزر لوحده والخيار لوحده وهكذا وقبل التقديم اخلطيها وحطي عليها الصوص
ولو بتسوين صواني مسقعه او اي شي عليه صلصه جهزيها وصبي عليها الصلصه وغطيها ومن بكرا بس تطلعينها وتسخنيها من تحت وتحمريها من فوق
والسمبوسه والمقال اريح لك فرزنيها مره وحده وبنفس اليوم طلعيها لين يذوب الثلج بعدين اقليها

اتمنى اكون ساعدتك لو بشي بسيط
اسطوا على الحياة ... أمتصوا نخاعها كل يوم مادام يُمكننا ذلك ..!
فَ ذات يوم .. لن تكونوا شيئاً سَ ترحلون وكأنكم لم تأتوا ..!
أحلام مُستغانمي . ...
هلا حبيبتي والله كسرتي خاطري

على كذا لازم شغالات مو شغاله وحده

أسمعي السلطات قطعيهم باليل واحفضيهم زين
وقت التحضير حطي الصوص بس احنا نسوي كذا دايما ماتغير بس
لازم برودة الثلاجه تكون زينه

بالنسبه للمقالي انتي تقولين جاهزه والمرق قطعي الخضار وفرزنيها

بس على طول طلعيها وحطيها بالمرق واذا بتسوين صواني جهزيهم من اليل

قطعي الجاج وبهري وجهزي كل شي وحطيه بصينيه الفرن وغلفيه وحطيه بالفريزن واذا قمتي

بس حطيه بالفرن وخلاص والمعجنات اعجني العجينه واحفضيها بالفريزن

وطلعيها قبل وقت الاستعمال بفتره واستعمليها والحشوات تقدرين اتفرزنينها

واذا عندكم شغالات خليهم يجهزون كل شي بحيث انك بس تطبخين انتي بس

وعلميهم الاسايات والقلي علشاانه بصراحه متعب ,,,,

الله يعينك بصراحه تعب عليك الله يجزاك خير
جهزي صياني وخليها بالثلاجة وقبل التقديم حمريها بالفرن مثل (المصقعة- مكرونة باشميل -صينية خضار)
السلطات قطعي مكوناتها وخلي كل واحد لحاله في علبة بالثلاجة وقت التقديم اخلطيها وحطي الصوص عليها..أنا كذا أسوي في العزايم الكبار...والله يعطيك القوة
السلطة نفس ماقالوا البنات حطي كل شي بعلبه بروحه وممكن تقطعينها باخر الليل بعد السحور وتغلفينها تمام
وتخلطين وتحطين الصوص عليها وقت التقديم

والعجينه خمريها بدري او اطلبي معجنات من برا لانها تاخذ جهد ووقت هي والكنافة متعبة وتحتاج وقت بالفرن

وحاولي تخلصين قبل الفطور بساعه عشان الترتيب وتنسيق السفره وتجهيز القهوة

الله يساعدك ويبلغنا ووالدينا رمضان



jb12870057961

تسلم الايادي اللي اهدتني هالتوقيع


الساعة الآن 06:18 .