شايب في الستين دخلت عليه غرفته .. وآه من اللي شفته ؟؟

السلام عليكم ورحمة الله وبركاته

****************.. شايب مليونير ستيني تقريبا
ضعيف البصر بالقوه يشوف اللي قدامه احفاده يتراكضون حوله .. دخلت عليه غرفته

لقيته فاتح الكمبيوتر

وبالقوه يحرك الماوس

يديه ترتجف هزيل صحته قاضي مررره منتهي

فيه ضغط وسكري وقلب وشرايين والتهاب الكبد السيني اللي هو اخطر نوع

و ينذر بالموت باي لحظه وفوق هذا قد سوى ماسوى من عمليات القلب

لقيته شابك الكمبيوتر شابكينه عياله له وهو يدور فيه

تتوقعون وش يدور ؟؟


آآآه .......... يدور مواقع الأغاني

بدال مايقرا بالقران ويحط التلفزيون على قناة ملتزمه .. للحين يدور الاغاني

تصدقون .. قسم بالله مايشوف يبي يضفط ايكونه يضغط اللي جنبها

ويده ترتجف من كبر السن بالقوه يمسك الفاره .. ومع كل هالامراض .. للحين يركض ورى الاغاني

أعـــــــــــــــــــــــــــــوذ بالله

تتوقعون بأي خاتمه هذا بيختم له

رجعت للبيت وانا افكر وافكر .. بس اني متاكده من شي واحد .. اني مابغى اوصل لها العمر

وانا بها الحاله

بنات

الاغاني شجره تغرسينها انتي بقلبك كلما كبرتي بالسن هي كبرت واشتدت ومدت جذورها بقلبك
وانتي تزدادين ضعف وهي تزداد قوه والنتيجه يصير قلعها من قلبك صعب ومستحيل
لانها قويه وانتي ضعيفه
وكأن الله خلاص طبع على قلبك
اما ان حاولتي من الحين الشجره مازالت ضعيفه وجذورها ضعيفه وانتي بعز قوتك
يمديك تقلعينها وترمينها بره

وتصدقون ان قلنا مانقدر الحين .. يمكن جدا مانقدر بعدين و يختم الله على قلوبنا

زي الطفل الرضيع اول ماتفطمينه يصيح طول اليوم وبعدها بايام تقربين منه حلمت الرضاعه يعكف وجهه مايبيها

بنات .. ترى حنا نمشي على جسر وعن قريب بنوصل .. ترى الحياه جسر بين محطتين .. ولا قدامنا الا

محطة الاخره ومادمنا نمشي نبي نوصل غصب علينا :(

نقول متى يجي بكره متى نخلص جامعه متى متى وكل يوم يمر علينا يقربنا من الموت والقبر

ولا نفكر ان حياتنا تحت الارض اطول من حياتنا فوق الارض

بالدنيا نعيش عشرين .. خمسين .. مية سنه ............ بالقبر بنقعد الآلاف السنين ولا مئات والله يعلم لين تقوم القيامه

ومامعنا الا عملنا بقبرنا .. ياصالح ولا .............. :(

ومن يدري نعيش اصلا لين نوصل للستين ولا نموت بعز شبابنا

اللهم اعني انا ومن تريد ترك الاغاني على تركها اللهم ثبتنا واثبنا جزيل الثواب