وكل عام وانتم بخير قبل الزحمة




حبيت اعرفكم على طريقتي في عمل الحلبه ووالله يابنات انها لذيذة مره مره وعندي ثلاث انواع من الحلبه وحسب الاذواق بنزلكم طريقة وحده والباقي سهله بقولكم على طريقة عملها فقط ولا تخافون من الريحه انتوا جربوها وبسسسس!!!!!!




المقادير
2م حلبه مطحونة
قطعة متوسطه من التمر الهندي (الحمر)
حبة طماطم متوسطة
فص ثوم متوسط
عصير ليمونه كاملة
قليل من النعناع وهذا يقضي على الرائحة
3اغطيه من الخل
ملح..
(نسيت اضيف الثوم والنص الثاني من الليمون للمقادير اللي في الصوره).





الطريقة

توضع الحلبة في وعاء عميق ويصب عليها الماء عن بعد حتى يصل الماء الى اسفلها ولايهم كميته لاننا سنتخلص منه في النهايه ونتبع نفس الطريقة مع التمر الهندي ينقع في مقدار كوب ماء وتترك جميعا لمدة لاتقل عن ساعة كاملة(انظري للصوره في المقادير)..

بعد ذلك تخلصي من ماء الحلبة وسوف تلاحظين عليها طبقة لزجة ولونها افتح قليلا ايضا تخلصي من هذه الطبقة لان مرارة الحلبة فيها كما في الصوره (انا تخلصت من نص وخليت نص علشان ابين لك الطريقة)





وهذه بعد ازالة الطبقة العليا..





ضعي الحلبه في الخلاط الكهربائي وصفي التمر الهندي وصبي مائه فوقها واضيفي لها ثلاثة اكواب ماء واخلطيها جيدا لمدة عشر دقائق..



ثم اضيفي لها الطماطم والليمون والخل والملح ودعيها تخلط جيدا واخيرا اضيفي النعناع
(وخليها تاخذ لها لفه ) توهقت في اللغة الفصحى!!

وهذا شكلها النهائي ...




وهذا طبق للي تحبها وطبعا تؤكل بالملعقة اومع الخبز وجربيها مع السمبوسة جنااااااان...





ملحوظة/ انتبهي للملح والليمون والخل هذا اهم شي في الحلبه وهيه اللي تتحكم في لذتها انتي اضيفي وذوقي لازم تكون حامضه شويه..

وكمان بأمكانك تعملينها بالحلبه الحبوب والطريقه انك تغلينها واذا بدت مويتها تغمق تغيرين المويه كل شويه وهكذا حتى تصير المويه صافية والحبوب لينه وتصفينها وتتبعين نفس الطريقة..


الطريقة الثانيه / اللي قلت لك عليها هي انك تحطين الحلبة والتمر الهندي في الخلاط بس ضاعفي كمية التمر الهندي واضيفي لها فلفل اسود وكمون وليمون وملح فقط وخليها تخلط زين حتى هيه لذيذه مره بس لونها يكون غامق شويه والمويه اللي تنضاف عليها كوب ونص فقط..


الطريقة الثالثة / نفس الثانية بس تتحلى بسكر وانا عن نفسي ما احبها بس ناس كثير يفضلونها كذا .. والناس اذواق..

ملحوظة ثانية/
{لاتتربطون بالمقادير ممكن تتحكمون فيها حتى توصلون للطعم اللي تحبونه}


هذي هي وياريت تجربوها مع تمنياتي لكن بالصحة والعافيه..



*والى اللقاء*

تسلم ايدك حبيبتي ^ ^
الحلبه ارتبطت عندي بالولاده عشان كذا اكرهاااااا ولو اني اسمع عن فوائدها العظيمه
مشكورة
لا إله إلا أنت سبحانك ,,, إني كنت من الظالمين

؛؛

عاند الدنيا الرديئة وأبتسم *** إن بعد الليل فجرا يرتسم
يعطيك العافيه


الساعة الآن 07:01 .