الرجاء من الأخوات..
وضع الوصفة بالقسم المناسب لها.. واي موضوع يوضع
بقسم أطباق عالم حواء نضع هذا الشعار مع اغلاق الموضوع نرجو الالتزام:


مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة



¨°o.O ( شاكرين لكم تعاونكم ) O.o°¨









السلام عليكم ورحمة الله وبركاته

مساكم ورد ياأحلى بنات

سامحوني سامحوني سامحوني لاني من زمان مادخلت المنتدى بس والله كانت عندنا ظروف وحالتنا كانت معتفسه ..
الحمدلله على كل حال

المهم انتو شخباركم؟؟ والله وحشتوني

كل عاااااااام وانتوا بألف خير بمناسبة قرب شهر رمضان الكريم .. الله يعوده علينا وعليكم وبالخير والصحه والعافيه يارب .. والله يتقبل صيامنا وطاعتنا .. اللهم آمين


قبل لا أبدا الاكلات اللي بنزلها مصورتها صار لي فتره بس للأسف ماقدرت انزلهم على طول .. بس بإذن من الله بابدا أول ماصور شي انزله على طول إن شاء الله عشان ماتحمض الصور


وبسم الله نبدأ بالمقادير

- كيلو صدور دجاج
- 2 بصل كبير مبشور أو أكثر حسب الرغبة
- عصير ليمون حسب الرغبه (انا حطيت عصير 10 ليمونات + رشة ملح ليمون لأن الشباب يحبونه حااااامض )
- ثلاث أبراع ملعقة صغيرة كركم
- 1 ملعقة صغيرة فلفل أسود
- فلفل حار (شطة) حسب الرغبة
- على طرف الملعقة هيل مطحون (حبهان)
- على طرف الملعقة دارسين مطحون (قرفة)
- بصل مقطع مكعبات
- فلفل أخضر بارد مقطع مكعبات



الطريقة

في البداية نقطع الصدور مكعبات




وبعدين نحط عليه مح وطحين ونخليه شوي (عشان تروح الريحة منه)




وبعدها نصب عليه ماي ونخليه يتنقع شوي



وآخر شي في الشاور نغسل الدياي ونصفيه





يتبع ...

بعد مانغسل الدياي وتنظف وانشخل نبدا نجهز الخلطه

في جدر مسطح أو صينيه بغطا نحط البصل المبشور





وعصير الليمون




والبهارات




ونخلطهم




وبعدين نحط الدياي والفلفل الأخضر والبصل ونخلطهم




ونصب عليه شوية ماي ونخليه على النار يستوي (تقريباً نص ساعة)




وهذا شكله لما استوى




يتبع ...
طبعاً لما يكون على النار يكون الدياي مغطى

بعدها نرفع الغطا ونوري الفرن من فوق ونحط الدياي يتحمر

وهذا شكله بعد ماتحمر






بعد ماستوى الدياي نبدا نشغل على العيش (الرز)

بنحتاج

- كوبين رز
- كمية مناسبة شعريه
- من 3 إلى 4 أكواب حسب نوع العيش + ربع كوب في كلا الحالتين للشعيريه
- ملح

العيش طبعاً يكون مغسول ومتنقع في ماي

نحط في الجدر زيت والشعريه





نحمر الشعريه




نشخل (نصفي) العيش ونكته عل الشعريه بعد ماتحمرت




ونصب الماي ونحط الملح ونحوسه ونخليه يستوي




وهذا شكله بعد ماستوى




وآخر شي نغرف الاكل في الصحن وناكل

وهذا الشكل النهائي





سامحوني إذا طولت عليكم

سامحوني على القصور

وطبعاً اي استفسار مايردكم إلا لسانكم
شدعوه 75 زياره ومافي ردود كللللللللللللش؟ ؟!!!!!
ما شاء الله تسلم يدك
طريقه جديده العاده نفس فكرتك بس يا اشويه يا اقليه بس اجرب طريقتك حسيتها قريبه من الشاورما يعطيك العافيه


الساعة الآن 03:46 .