السلام عليكم

قبل كل شي أنا من الرياض.
بخصوص المربية لها شهرين عندي .. وصراااحة الله حق هي خلووووقة ومطيععععععععععة وهااادية لدرجة فظيعة .. ما أقول هالشي علشان أمدحها لااا والله ..وشفتها وجلست معاها وتم الإتفاق .. هي طبعاً خريجة الأزهر قسم دراسات إسلامية ولغة عربية (هي من مدينة طنطا) .
لكن المشكلة في بنتي الكبيرة عمرها 5 سنوات مااااحبتها أبداً وكل يوم تجيني وتقول ماما أبلى رشا سوت أبلى رشا قالت وأنا متأكدة إنه بنتي تسوي كل هذا علشان تخليني أنااااااااام معاهم بغرفتهم .

بعد تفكير قلت لزوجي خلاااااااااص تحطمت... بنسفرها .. فلما فاتحناها بالموضوع تفاجأت فيها تبكي وتقووول لأ خلوني ..
قلت لها خليك عندنا وحاولي تتقربين لبنتي بس والله أشوفها مجتهدة بسس بنتي مااا تطيقها
ففكرت على طول أحط موضوع عنها وتفاجأت بالرسايل اللي جاتني

بسسس بقووول شي قبل كل شي هي بنت أماااااااانة عندنا جااات من بلدها على أساس سمعة زوجي هناك (على فكرة المصريات العازبات مايجون مربيات إطلاااقا) بس معارف زوجي المصرييين سووا كل شي لجيتها بس (يافرحة ماتمت.).
علشان كذا ما ودي تروح إلا لناس بإذن الله ثقة (والكل فيهم خير وبركة ياااااااارب)

ثانياً هي جاية وعلينا كل شي يعني راتبها 1000 ريال مع الاكل والشرب واللبس حتى الكماليات (يعني كل شي من طق طق علينا للسلام عليكم)
عندها موبايل لها الحرية التامة باستخدامه بأي وقت علشان أهلها يتطمنون عليها.
تروح لناس معارفها تزورهم والحقيقة خلاال هالشهرين ماراحت إلا مررة وحده.

تنام الساعه 2 بالليل وتصحى 12 ظهراً .
تلبس على راحتها بحكم إنه زوجي غير متواجد في المنزل أو مسااافر خارج السعودية.
ماتعرف في اللغة الإنجليزية إلا الحروف والأرقام .
جربتها بالطبخ فلقيت ماشاء الله تطبخ حلو (وسريعة ) طبعاً الأكل المصري ممتازة فيه وعطيتها كتاب أمل الجهيمي فسوت لي كام أكلة مرررة حلوة .ماتلمس شي بشغل البيت تحط وتشيل الأكل حق بناتي يعني المرتبط ببناتي بس أما غسيل وكنس تنظيف لااا ولا.. بس مرة كان عندي عزيمة كبيرة وشفتها تساعد الشغالة بالمطيخ يعني تغسل معها هي الأولى والأخيرة.
طبعاً ناوين بإذن الله نخليها تاخذ عمرة بأول رمضان مع معارفها يعني مافيه شي قبل نصف رمضان.

بعد هذا كله وهالمعلوماااااا ات
اللي من جد حابة تكون عندها تراااسلني
وبالنسبة للتنازل
زوجي غير متواجد بالمملكة الحين ... بس يرجع أعلمكم على الخاص
اللهم ارحم ميتينا واجبر مصابنا فيهم
يااارب
صبرنا على فراقم يابوي وياخيتي
xxxxxxx
الموضوع للتنازل وليس للاعتراضات جميع المواصفات مكتوبة
فعلى العضوة الراغبة بالتنازل ان تكتب اما ان يصبح الموضوع لكتابة الاعتراضات فغير مسموح
العضوة كتبت كافة التفاصيل وموضحة كل شيء

(المشرفة)
مره حلو انا ابغى وحده تقعد مع بنتي عمرها سنتين طيب تعرف للمواليد الرضع لاني خلاص واصله وابغى احد معاهم
لاني عندي خدامه بس حابه مربيه للبيبيات ونظامها مره يناسبني
وبكم التنازل وانت باي مدينه لو سمحت ؟
بكم تتنازلون عنها

احس انها صغيرة وشابةما تنفع لوحدة متزوجه زوجها موجود الا اذا كان البيت ما فيه رجال هذا شئ ثاني

افضل شئ في المربيات يكونو كبار في السن

اما ادخل بيتي شابة في مقتبل العمر وزوجي موجود احس انها مغامرة

هذا راي القصد منه نصيحة للمتزوجات اما اللي ظروفها تختلف فمعذورة


الساعة الآن 11:54 .