السلام عليكم ورحمة الله وبركاته .


شخباركم بنات ان شاء الله تمام ..

ومبروك عليكم الرمضان والله يجعلنا من صيامه وقيامه ويعتقنا من النار ..

الرمضان جاي وزي ما انتم عارفين اول خمس ايام تجديد وعقبه كله تكرير لنفس الاكل ..

عشان كذا حطيت هالموضوع عشان نتبادل فيه حشوات المعجنات ..يعني كل وحده عندها حشوه ما تبخل علينا ..

حتى لو كانت بسيطه ..

اتمنى الفكره ما تكون مكرره .

وتعودونه ان شاء الله كل سنه بصحه وسلامه
26-08-1429 هـ, 07:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
up
26-08-1429 هـ, 08:14 مساءً
 
كونشست

يسلمو ع الرفع في انتظار البنات .
27-08-1429 هـ, 12:43 صباحاً
 
يعطيك العافيه على الموضوع

حشوة الدجاج بالمايونيز
تسلقين الدجاجه وتفتتينها وبعدين تحمسينها مع بصل وماجي وشوي بهارات وحطين عليها جزر مبشور او فلفل اخضر وبعد ماتشيلينها من على النار تحطي المايونيز وتحشين الفطاير واذا حطيتي معها خس تكون اطعم

حشوة سمبوسة مررره لذيذة
بيض مسلوق مقطع مكعبات صعغيره مع بصل اخضر مع جبن شيدر مبشور
انا تعجبني مرره حتى زوجي دايما يطلبها
طبعا تقلين السمبوسه

حشوة فلافل
تشترين فلافل او تسوينها اللي يريحك وبعدين تفرمينها وتحطين عليها الطحينه(بالخلاط شوي مويه وطحينه ومايونيز شوي ليمون وشوي ملح)بس لاتكثري الطحينه الى ماتصير زي المويه
وتحشين فيه الفطاير مع شرايح طماطم وشطه حسب الرغبة


هذااللي في بالي الحين واذا تذكرت شيء حطيته لكم
27-08-1429 هـ, 01:42 صباحاً
 
وعليكم السلام ورحمة الله وبركاته

بشارك معاكم ببعض الحشوات اللي اسويها للمعجنات برمضان


حشوة السبانخ السادة .. باللبنة .. بالجبن

* بصلة كبيرة مقطعة جوانح ناعمة تحمر بالزيت ثم يضاف كيس سبانخ مثلج
ويلقب حتى ينشف الماء
* تضاف ملعقتين طعام سماق + ملح + فلفل أسود ويقلب الخليط حتى يمتزج
جيداً
* نطفىء النار ونضيف عصير ليمونة ونقلب ،ونترك الخليط حتى يبرد ، ثم نبدأ
حشو المعجنات

ملاحظة: ممكن نضيف للسبانخ في الخطوة الأخيرة جبن شيدر أو موزريلا
وممكن نضيف للسبانخ لبنة






حشوة الدجاج بالمشروم والباشميل

* دجاجة مسلوقة ومزال عنها العظم ومقطعة قطع صغيرة
* بصلة تحمر بالزيت ثم يضاف لها الدجاج ثم المشروم + ملح + فلفل أسود
* يضاف القليل من الباشميل أو ملعقتين طعام طحين + ربع كأس من مرق
الدجاج
* تترك الحشوة تبرد ثم تحشى بها المعجنات






حشوة اللحم المفروم بالجبن

* بصلة مفرومة تحمر بالزيت ثم يضاف اللحم المفروم ويحرك قليلاً
* يضاف البقدونس المفروم + البهارات المشكلة + الملح + الفلفل الأسود
* بعد استواءها تماماً تطفىء النار وتترك تبرد
* عند حشو المعجنات توضع قطعة من الجبن السلايس على العجين
ثم القليل من اللحم المفروم ثم تشكل العجينة بالشكل المطلوب






حشوة اللبنة بالجبن

* تفرد العجينة بالشكل المطلوب ويوضع بوسطها ملعقة من اللبنة وفوقها
القليل من جبن الموزريلا ثم تقفل العجينة جيداً

ملاحظة: ممكن عمل معجنات اللبنة بالجبن بشكل البيتزا ، أي فرد العجين
بشكل دائرة ومسحها باللبنة ثم نثر الجبن فوقها وادخالها للفرن

ممكن حشو المعجنات باللبنة والزعتر






حشوة البطاطس المسلوق + الآجار الأخضر ( آجار الفلفل والليمون الحار )

هاذي حشوة لذيذة ولكن حارة وتصلح للمعجنات والسمبوسة

* بطاطس مسلوق ومهروس بشكل ناعم ، يضاف له القليل من الحليب أو الماء
ليصبح بشكل بيوريه
* يضاف له ملعقتين من الآجار الأخضر ويخلط جيداً ثم يحشى به المعجنات
والسمبوسة



هذا اللي اتذكره .. إذا تذكرت شي ثاني بخبركم
27-08-1429 هـ, 02:26 صباحاً
 


الساعة الآن 02:05 .