الله يخليكم تراني كل كم يوم وأبقي شي أسويه يديد.. المهم هالمرة هافه نفسي على عيش ولحم.. العيش الكركمي واللحم مع الحشو بالنخي .. اللي تعرف ياريت تكتبلي وبالمقادير مثل ماقلت قبل بالضبط نوع البهارات والمقدار بعد..

والله يعطيكم العافية

المسااااااااافرة.....غالي والطلب رخيص
بس اليوم ما بقدر أكتب لك إياه......وإن شاء الله باجر أنزلك إياه ....هذا إذا ما ربيت ...بس إنت ادع لي إنه الله يسهل عليه......
ولنا لقاء في الغد بإذنه تعالى
الله يسهل عليج ياواحة أمل..ويرزقج بالذرية الصالحة يارب.. بس عقب ماكتبيلي الطريقة عاد هههههههه مصلحجية.. وبالمقادير المضبوطة بعد.. مثل ماعطيتيني المقادير المضبوطة للمعمول اللذيذ أممممممممممممم

والله يقومج بالسلامة ****لله .. والدور عليه عقبج بس تراني أتوحم وكل يوم أشتهي شي.. وعاد انتي ماترضين تربين وتخلينها بخاطري صح؟؟!!

آآآآآآآآآآآآآآآآآآآآآآآميييييييييييييييييييييييييين... يا رب العالمين....ويسهل على كل حامل
شوفي عزيزتي هذي الطريقة أنا أخذتها من حرمة تطبخ في الأعراس فالكمية بتكون كبيرة بس إنت سوي قياسك
لحم ماعز أو خروف كامل يعني ذبيحة كاملة بس صغيرة مقطعة
1 من عيش (أرز)
2 علبة(القياس يكون بعلبة السميد الفاضية) نخي مال الحشو
10 بيضات
4-5 بطاطا حلقات مقلية
30 بصل مفروم
6-7 ليمون أسود
2 طماطم
6 ثوم+زنجبيل
مكسرات(كازو-فستق-لوزمقشر-صنوبر)
2/1 1 كيس زبيب
2/1 1 كاس ماء ورد+ زعفران+ ماء (ماء الورد نصف كاس ) + 1 م ط هال
& يغسل اللحم ويوضع على النار في ماء وملح ويزال الزفر الذي يظهر حتى يصبح الماء نظيفا...يضاف 2/1 2 م ط هال حب+ 10 عيدان قرفة+ 2/1 1 م ط مسمار حب(القرنفل)+ 3 ليمون أسود بدون القشر..ويترك يغلي حتى ينضج اللحم...ثم يرفع اللحم من الماء ويبهر بالهال المطحون والقرفة جيدا ويرش بقليل من ماء الورد والزعفران
& يسلق الأرز في ماء اللحم نصف نضج ويشخل ويرش بماء الورد والزعفران ويقلب في المشخلة
& يقلى عدد 8 بصل في زيت عميق حتى يحمر ويضاف نصف كيس زبيب + قليل من المكسرات وتحمر قليلا ثم يرفع من النار
&في قدر توضع طبقات كالتالي....بصل مع الزبيب والمكسرات ثم أرز ويرش بزيت البصل ثم بصل ومكسرات ثم أرز وزيت ....وهكذا وقبل الطبقة الأخيرة يصف اللحم ويرش بالبصل والمكسرات والزيت وماء الورد والزعفران وتوضع طبقة الأرز الأخيرة وترش بما تبقى من البصل والزيت والمكسرات وماء الورد والزعفران ونصف ملعقة طعام هال ويسكر ويترك على نار هادئة...
& لعمل الحشوة:
& يسلق البيض لمدة 20 دقيقة.... ويسلق النخي سلق بسيط
& يقلى البصل في زيت عميق جدا حتى يحمر ثم يضاف الثوم والزنجبيل ويحرك.... يضاف الزبيب(1 كيس) ويحرك حتى تنتفخ حباته ثم المكسرات ويترك على النار
& يضاف النخي والبهارات(3 م ط هال+ 1 م ط قرفة+ ماء الورد والزعفران)+ الملح و5 ليمون أسود
& في الأخير يضاف البيض والطماطم ويترك على نار هادئة حتى وقت التقديم

إن شاء الله ينال إعجابك....وأي استفسار أنا حاضرة
وحووووووحة
روووووعة ياوحوووحه.. هذا اللي أبقيه .. الله يجبر بخاطرج مثل ماجبرتي بحاطري.. بقولج انتي أكيد مسوية الطريقة هذي.. بس عندي سؤال.. الحم بعد السلق وتبهيره مايحتاي قلي والا بيستوي يابس..

سؤال ثاني.. العيش بيكون لونه أصفر فاتح وايد .. أنا أبقيه أصفر غامج.. شو اللي أزيده. أعتقد الكركم بس متى اذا بقيت أحطيه.. يعني أبقي اللون الغامج مثل المجبوس شوي.. ****لله فهمتي قصدي..

من دعواتي لج قبل انج ماتربين الا عقب ماتكتبيلي الطريقة.. بس ****لله الله يسهل عليج.. وتربين وتفتكين يالغالية.. وديري بالج ترى على الياهل .. بس ماقلتيلي أول مرة هذي والا عندج قبل أعتقد عندج.. وشو قالولج بنت والا ولد.. عالعموم الله يسهل عليج ويطلع من الذرية الصالحة وبصحة وعافية وهذا المطلوب..



الساعة الآن 11:51 .