السلام عليكم ياطباخات

شخباررررركن...؟؟؟ حبيت ابارك لكن برمضاااااااااااااان

كل عام وانتم بخير

وحبيت اسال كل وحده تقول لي طريقتها الحلوه عشان تسوي عجينه للقلي

انا محتاره وش اسوي لرمضان اول مره يعتمدون علي هالكثر
انا متزوجه وعمري 20 وادرس بالكلية بس اول كنت اسوي لهم خفايف وحلا واشكل يعني مايكفي الوقت
والحين ماعندهم شغاله والشغل كله علي لاني حمواتي مايشتغلون الا بشققهم كل وحده غسلت يدها من الشغل حق ام ازواجهم انا مادعاني قلبي وكرفت لين طلعت روووحي ويبون اكثر
المهم مابي اشتكي واقول قصة حياتي

اللي ابيه كل وحده تساعدني اولا بالعجينه اللي نقليها كور ونقصها نصين ونحط همبرجر وخيار او فلافل ومايونيز

ابي العجينه كيف؟؟!!!!!! يعني اي عجينه وبس

وابي اكلات تقترحون اسويها للايام الجايه
انا متورطه
اول يوم بسوووي شوربة كويكر ومعكرونه بالتونه وشعيرية وكريم كراميل بسوية من الليل
وافكر اسوي حلا ثاني

وثاني يوم فكرت اسوي سينابون بالسندويش الجاهز وافكر اسوي دونات

بس والله خايفه ... ماعرف شسوي تكفون اسعفوووني الله يتقبل منكم صيامكم
28-08-1429 هـ, 01:35 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الطريقه الي تكلمتي عنها تصلح لها عجينة الفطاير العاديه

وكل يوم سوي فطاير بس غيري في شكلها ونوع الحشو داخلها

وسوي شوربة حب او جريش تراها سهله مره وبعد البف سهل

شوفي اطباقي <<شوربه الحب+البف>> راح تساعدك كثير

ان شاء الله اكون افدك ورمضان مبارك عليك
28-08-1429 هـ, 03:44 صباحاً
 
اختي فية طبق سهل وخفيف خصوصا للي مايبي قلي وهو :
جيبي خبز عادي وافتحية من النص بحيث يتكون عندك طبقتين متفرقة وخفيفة خذي كل وحدة لحال جيبي الاولى واحشيها دجاج محموس مخلوط معة مايونيز او خلطة بيضا (مايونيز وجبن وقشطة وشوية ثوم9على رغبتك المهم احشي كل طبقة من الخبز بالحشوة ولفيها كانها سندوتش واقطعيها قطع متساوية كانها سندويتشات صغار وكل وحدها لفيها بقصدير ولفي اطراف القصدير زي اللاوة واذا جا وقت الفطور سخنيها بالفرن مو الميكرويف مايصلح وبعدين سوي سمبوسة وحطيها بالفريزر السمبوسة المثلثة اسرع من العجينة ويوم سوي عجينة وربي يعينك.
28-08-1429 هـ, 04:09 صباحاً
 
منى الدلوعه

ياقلبي ماقصرتي كفيتي ووفيتي وانا بشوف طبخاتك ياعسوووله
عسى ربي يحقق امانيك ويوفقك ويتقبل صيامك ويقويك ..
28-08-1429 هـ, 05:02 صباحاً
 
كوكو نانا حبيبتي

اشكرك على كل حرف كتبتيه وعسى ربي يتقبل منك
ويحقق رغباتك ويعينك ... انا بحاول اسوي اللي قلتي عليه

حنا نسوي الخبز الصغار نشق شوي منه ونحشية همبرغر وجبن وخيار
واحيان فلافل وجبن او مايونيز وخيار وطماط

بسوي كل اللي قلتوه ام شاء الله والله يعيننا كلنا
ويبيض وجوهنا ... والله رمضان حلووو

بس احب اني اكثر حلا خلال رمضان بس للأسف يبيلي اطبخ ثقيل وخفيف والحلا بسوية بالليل

مشكوورات حبيباتي اموااااااااااااااه لكل وحده فيكم
عسى ربي يستجيب كل دعواتكم
28-08-1429 هـ, 05:05 صباحاً
 


الساعة الآن 01:52 .