كل عام والجميع بخير
سويت اليوم صينية خضار بالتوست البر اتمنى تعجبكم
المقادير
توست بر منزوع الاطراف
خضار مكشنه عليها ببصل وثوم وشوي بهار وملح وعلى النار الين ماتستوي وانا حطيت من الخضار الي موجود عندي جزر وبطاطس وكوسه
شوي بقدونس
1 قشطه+ 1بيضه+ملعقتين جبنه سائله كلها بالخلاط
الطريقه
صفي التوست بقاع الصينيه ومسحيه بملعقتين جبنه سايله وبعدين اخلطي البقدونس مع الخضاروصبيه عالتوست ورصيه زين وبعدين حطي طبقه ثانيه توست الين تغطي الخضار
بعد ماخلطنا القشطه والبيض والجبن بالخلاط صبيها فوق التوست ورشي على الوجه فلفل اسود
دخليها بالفرن تحمر من تحت شووووي وبعدين من فوق وانتبهيلها لاتحترق
حمريها وقدميها ساخنه عالفطور الثاني بصرااااحه خيال
هاذي صينيه معروفه من قبل لاكن انا سويتها بالتوست البر وتتسوى بالدجاج
واخليكم مع الصور
وكل عام وانت بخير