هذه طريقة الوالده الله يحفظها ويطول بعمرها بعمل عجينة السمبوسه
((ترى النك اللي بالصور نكي بمنتدى ثاني عسب لاتقولون منقول))

أولاً :العجينة:
طحين رقم (1) بالكمية اللي تبونها + ملح
وتعجن جيداً حتى تتكون عجينة لاقوية بزياده ولارخوة..مثل عجينة الفطائر
ويفضل ان تترك العجين لترتاح ساعه
[img]https://s3-eu-west-1.amazonaws.com/edgecast-upload/PE/2008/09/02/08/********c378685929-1.jpg[/img]
وهذه صورة اوضح للعجينة وسمكها
[img]https://s3-eu-west-1.amazonaws.com/edgecast-upload/PE/2008/09/02/08/********deb96bf984-1.jpg[/img]
وبعدين نقصها كور بحجم البيضه وتضغطين عليها بكف الايد اشوي وتنحط في صحن مرشوش طحين حتى ماتلزق
[img]https://s3-eu-west-1.amazonaws.com/edgecast-upload/PE/2008/09/02/08/********aceff727b0-1.jpg[/img]
وندهنها بالسمن السايح (اي نوع سمن) الوالده استخدمت سمن اصيل
ونتأكد انه يلامس الاطراف زين وبكمية سخيه مب مسحه خفيفه
[img]https://s3-eu-west-1.amazonaws.com/edgecast-upload/PE/2008/09/02/08/********f2865e92ea-1.jpg[/img]
نحط فوقها قطعة بنفس الحجم والشكل
[img]https://s3-eu-west-1.amazonaws.com/edgecast-upload/PE/2008/09/02/08/********c3de45f721-1.jpg[/img]
ونكمل مع باقي العجين بنفس الطريقة..وعقب تتغطى وتترك ترتاح اشوي نص ساعه
ثانياً: الفرد:
نرش السطح اللي بنفرد عليه طحين ونضغطها العجين بإيدنا اشوي
[img]https://s3-eu-west-1.amazonaws.com/edgecast-upload/PE/2008/09/02/08/********b0d597d3d4-1.jpg[/img]
نبدى نفردها قد مانقدر ونقلبها على الجهه الثانيه ونرشها اشوي طحين حتى ماتلزق وتنفرد اكثر
[img]https://s3-eu-west-1.amazonaws.com/edgecast-upload/PE/2008/09/02/08/********f727e0fdc9-1.jpg[/img]
نقص الاطراف الزايده ونرتب شكل العجين على شكل مربع او مستطيل
[img]https://s3-eu-west-1.amazonaws.com/edgecast-upload/PE/2008/09/02/08/********fc048409b3-1.jpg[/img]
وسكينة تقطيع البيتزا اسهل في التقطيع

وباقي العجين لاتفرونه حطوه على جنب واذا خلصتوا..جمعوا الباقي وردوا اعجنوه عادي وافردوه سواءا لعجينة السمبوسه او تحشونه وتقلونه
تابع

نكون مسخنينها من قبل والنار لاعاليه زياده ولا خفيفه..وماتندهن بشي
[img]https://s3-eu-west-1.amazonaws.com/edgecast-upload/PE/2008/09/02/08/********3c1da2281c-1.jpg[/img]
طريقة تسهل شل العجينه وهي انج تحطين المفرده بوسط العجين وتقلبين طرف العجين عالجهه الثانيه وتشيلين العجين بالمفرده..سامحوني هالخطوة ماصورتها
[img]https://s3-eu-west-1.amazonaws.com/edgecast-upload/PE/2008/09/02/08/********f274183c77-1.jpg[/img]
ونحط العجينه ونتريا لين تستوي اشوي ونقلبها
[img]https://s3-eu-west-1.amazonaws.com/edgecast-upload/PE/2008/09/02/08/********1dd2c3886a-1.jpg[/img]
وبتنتفخ اشوي خليها لاتضغطينها..وشليها مجرد تستوي لاتحمر انتبهوا لهالنقطه
مثل الصورة لاحظوا لونها فاتح
[img]https://s3-eu-west-1.amazonaws.com/edgecast-upload/PE/2008/09/02/08/********971ce730c5-1.jpg[/img]
وكل ماخلصنا وحده نغطيها

ثالثاَ: التقطيع:
نحط الخبزه على لوح التقطيع ونقص الزوايد الغليظه ونرتب الشكل مره ثانيه مستطيل او مربع
[img]https://s3-eu-west-1.amazonaws.com/edgecast-upload/PE/2008/09/02/08/********2c1fd61abc-1.jpg[/img]



تااااابع
نلاقي طرفي الخبزه بوسطها مثل الكرت..نفس الصورة ويكون الطرف اليمين واليسار متساويين
[img]https://s3-eu-west-1.amazonaws.com/edgecast-upload/PE/2008/09/02/08/********44270cabbd-1.jpg[/img]
نقطعها من الوسط ..وانا محدده بخط بني وين مكان القص
بعدين نمسك كل نص ونفتحها ونرد انقصه من الوسط..حتى نضمن القطع تنقص متساويه...
[img]https://s3-eu-west-1.amazonaws.com/edgecast-upload/PE/2008/09/02/08/********5a74a3aca0-1.jpg[/img]
وهذا شكلها عقب ماخلصنا التقطيع

والحين المهمه الدقيقه..نحاول نمسك كل مستطيل ونفتحه بشويش من الوسط..وكل قطعه بتنفتح معانا لثنتين وبيكونن رقاق فانتبهوا..وهذا سبب وضع السمن بين كل قطعتين عجين
[img]https://s3-eu-west-1.amazonaws.com/edgecast-upload/PE/2008/09/02/08/********57a762f93b-1.jpg[/img]
اذا هالخطوة ماضبطت تقدرين تفردين العجينه عادي بدون خطوة السمن..بس تفردينها زياده..بس خطوة السمن عشان تضاعف الكميه وتخليها ارق
واهنيه حاولت ابين رقة العجينه
[img]https://s3-eu-west-1.amazonaws.com/edgecast-upload/PE/2008/09/02/08/********4fecb6fb06-1.jpg[/img]
وسامحوني اذا شرحي (خليط العاميه والفصحى خخخخخ) ماكان واضح
واللي عندها اي استفسار حاضرة..مع اني ادري محد بيغامر ويسويها لانها تعب بس شنسوي للوالده مب مقتنعه بسويتز وربعه...الصراحه معاها حق...جربوا وبتعرفون الفرق .^_^.
ماشاءالله
بس الصدق تعب <<< احنا عندنا جاهزة في محلات السمبوسة اخذها اسهل ههههههههههههههههههه

الله يعطي امج العافية ويديمها على راسكم يااااااااااااارب




حملة المقاطعة الشعبية القطرية
الله يوفقك ويسعدك ويخليلك امك ..


الساعة الآن 10:23 .