Analysis Services
السلام عليكم ورحمته الله وبركاته
بشرو عسى اخباركم زينه اتمنى ذلك
المهم ابي ادخل بالموضوع عل طول بدون كثرة كلام

اولا اخوي فاتح مطعم واوضاعه ماهي ذيك الزود عطيناه اقتراح انه في رمضان يبيع سنبوسه كفته كبه ورق عنب او ملفوف الي هو الكرنب المهم انه جاب واحد مايدري وين ربي حاطه والله انه يزين ورق عنب لو يطق به راس الكافر اسلم المهم مالكم بطويله اذا فيه وحده تبيع او تعرف احد يبيع راح يكون فيه اتفاق مسبق طبعا والاساس والي ابغاكم تعرفونه انه يقول انا ماراح اشتري شي انا لي نسبه انا شغلتي ابيع طبخات لواخذ نستي من البيعه ولو بقى شي انا مالي شغل يعني ماراح اشتريه يعني بالعربي شراكه في الربح والخساره وان شاء الله مافيه خساره
المهم الي تقدر الله يوفقها ويجزاها خير الي ماتقدر لاتنسانا بدعوه وترفع الموضوع
والله انه محتاج مثل ذا الشغله تزيد من دخل المحل الي مدري وشلون قايل
والي تبي تشارك تراسلني على الخاص
اعيد السالفه لاني عارفه ان الحين تبي تطب في حلقي وحده تقول مدري وش طلبك مافهمنا شي
ابي وحده تبيع طبخات ناخذ طبخاتها ونعرضه بالمحل للبيع ان شاء الله يكون طلبي واضح وقبل كل هذا اتمنى ان مكان الموضوع صح يارب <<خايفه ينقلونه
02-09-1429 هـ, 04:26 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فيه عندك عضوة معانا شغلها شكله نظيف واسعارها حلوة مرة لو انا من الرياض كان تعاملت معاها
اسمها دعوة شخصية وعنده عروض حلوة في رمضان
الله يوفق اخوك وان شاء الله تتوفقون مع اختنا دعوة شخصية
إذا تبين رقمها ارسلته لك
02-09-1429 هـ, 04:36 صباحاً
 
اقتباس مشاركة  (ام الليث)
فيه عندك عضوة معانا شغلها شكله نظيف واسعارها حلوة مرة لو انا من الرياض كان تعاملت معاها
اسمها دعوة شخصية وعنده عروض حلوة في رمضان
الله يوفق اخوك وان شاء الله تتوفقون مع اختنا دعوة شخصية
إذا تبين رقمها ارسلته لك
تسلمين الغاليه الله يوفقك دنيا واخره ايه والله ابي رقمها وحطي رابط لاكلتها خليني اشوفها تكفين
02-09-1429 هـ, 04:42 صباحاً
 
فوق لعيونك ..
02-09-1429 هـ, 04:43 صباحاً
 
اقتباس مشاركة  (prettymermaid)
فوق لعيونك ..
تسلم عيونك يالغاليه
02-09-1429 هـ, 04:48 صباحاً
 


الساعة الآن 10:24 .