السلام عليكم ورحمة الله وبركاته

كيف الحال ؟

كيف موائدكم ؟


يابنات انا وحدة فاشلة في الطبخ ولا اعرف المطبخ ولا ادل طريقه انا والطبخ مرة مو اصدقاء


ودائما اهلي يهزئوني على هذا الشئ ويقولون اذا تزوجتي زوجك بيرجعك اليوم الثاني تعرفون ليه ؟


لاني مااعرف اطبخ
تعرفون احنا في رمضان وعشان كذا انا ابيكم تعطوني طبخة سهلة وحلوة اقدر اطبقها حطوا في بالكم اني

مااعرف اطبخ يعني ابي طبخه سهلة اكشخ فيها على اهلي ويمكن لو طلعت حلوة ارسل للجيران بعد

ههههههههههههه


ولاني اشوف بنات ماشاء الله طبخات ابيكم تساعدوني



اتفقنا يالله ابي اشوف الطبخات اللي تفتح النفس

ومشكورين مقدما
هلا حبيبتي

مبارك عليك الشهر

اولا شوفي ياقلبي لاتقولين عن نفسك فاشله

ادخلي المطبخ وحطي في بالك انك بتنجحين بالطبخه

وان ماضبطت عادي الحياة تجارب

وممكن تضبط المره اللي بعدها

ابدي اول شي شوفي المعمول اللي بتوقيعي بالمره سهله والبنات فرزنوه من لذة طعمه وبإمكانك تسوينه كل يوم

حتى كان بعض الردود علي بنات صغيرات ماتزوجوا طبقوه وانجنوا على الطبق اهاليهم

وانتي من خلال هالمعمول بإمكانك تذهلين اهلك

ويعرفون ان بجد عندهم بنت طباخه ولاتنسين اهم شي ادخلي المطبخ بكل ثقه

وحطي في بالك انك راح تسوين اللي مايطري على بالهم

ومع الايام راح تكونين اكبر شيف بعالم حواء وكل الطبخات بتكون بالنسبه لك سهله

اتمنى من الله ان يوفقك لما يحبه ويرضاه ويرزقك بالزوج الصالح وسائر نساء المسلمين عاجلا غير اجل

السلام عليكم يااختي
لازم تعرفين انه مافيه احد ينجح بسهوله وعادي لو فشلتي مره او ثنتين في الاخير بتنجحين
وموضوع الطبخ ماهو صعب في غايه السهوله بس انتي تشجعي وادخلي المطبخ
والطبخات السهله كثيييييييره مثل مكرونه بالخضار او رز ابيض وايدام او دجاج بالفرن والمنتدى مليان طبخات سهله ولذيذه
اتمنى اكون افدتك واعذريني على الاطاله بس ماحبيت اطلع من غير ماارد
حبيبتي حطي في بالك انك بتفشلين مرتين وثلاث الفشل باب لنجاح واسهل شي طرق التوست((( قطعي توست على شكل دائره بعدين ادهنيها مايونيز وحطي فيها حشوه دجاج لعدين سكريها بعدين حطي فوقها شريحه نقانق وشريحه طماط وزيتون وجبن موزلاء تصير كانها بيزا وخليها لفه بالمكرويف ))
لا اله الا الله وحده لا شريك له له الملك وله الحمد وهو على كل شي قدير
لا اله الا انت سبحانك اني كنت من الظالمين
سبحان الله والحمد لله ولا اله الا الله والله اكبر
راعية البل مشكورة حبيبتي انتظريني باطبق واقولك ايش قالوا اهلي


deer2008 مشكورة على ردك


عسل سدر طبختك والله جنان احسها مره سهلة وفي نفس الوقت لذيذة


مشكورين كلكم


الساعة الآن 09:05 .