Analysis Services
السلام عليكم

بصراحه انا متوووهقه حدي وماني عارفه شئ

فقلت مالي بعد ربي غيركن

السالفه ان زوجي عازم صديقه على الغداء وجايب لي طيور مدري عصافير اسمهن الفري

ويقول اطبخيهن الرجال مايحب غيرهن ولا يبغى لا لحم ولا دجاج

اختكن بالله ماعندها فكره عنهن ابد لا كيف ينطبخن ولا مدة طبخهن ولاشئ

فتكفون يابنات حواء الفزعه وفرجنها علي الله يفرج عنكن كل هم ويبعد عنكم كل غم

ام خلودي
23-10-1424 هـ, 05:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عزيزتى أن شاء **** مافى مشكلة بس اهم شى اتنظفينهم عدل بخل وثوم والليمون عشان الرائحة وبعدين لهم عدة طرق تسلقيهنم وتقليهنم او تشوينهم اوتقومين بعمل حشوة بافريك وتقدمينة مع السلطة:24: :24: :24:
23-10-1424 هـ, 09:10 صباحاً
 
بسم الله الرحمن الرحيم

اختي العزيزه بالنسبه للفري فكل شخص له طريقه خاصه فيه فعلى حسب ما يفضله الشخص نفسه على العموم انا راح الكتب لج طريقتي الخاصه وانشاء الله تعجبج
اول شي تنظفين الفري عدل وتغسلينه ومن ثم تحطين ماء مغلي على النار وتحطين الفري وحبات هيل كامل واعواد دارسين وملح والبهارات الللي عندج وتحطين راس بصل كامل وليمون اسود حبتين وتخلينهم على النار لحد ما ينضج الفري

ثانيا تقطعين حلقات بصل وحلقات بطاط و حلقات طماطم وحلقات كوسا وتخلينهم على جنب

ثالثا تعصرين ليمونتين وتدقين 3 حبات ثوم وزنجبيل طارج

رابعا تحطين كوبين ارز وتنظفينه وتغسلينه وتنقعينه لمده ساعه ومن ثم تصفينه من الماء وتضيفين له كزبره خضراء واشبنت مفروم وملح وبهارات وليمون اسود مطحون وهيل مطحون واثوم والزنجبيل المدقوق وبصله مفرومه ناعم وطماط مقطع صغير وملعقه معجون طماطم وتخلطينهم جيدا وتحشين الفري بالخلطه وذلك من دون فتح صدر او ظهر الفري اوكي فهمتيني !!!!!!!

خامسا تجيبين صينيه الفرن وتدهن بشويه زيت الزيتون وترص فيها الخضروات المقطعه والفري في الوسط وتسقى بعصير الليمون

سادسا تجيبين 3 حبات طماطم وتحطينهم بالخلاط مع شويه ماء ومعجون طماط وتخلطينهم لحد ما يصير عندج مثل عصير الطماطم وتسكبينه على الفري في الصينيه ومن ثم تضعين الصينيه في الفرن الحار لحد ما ينشف الماء وتحمر وجه الفري وتقدمينه ساخن

اتمنى انه طريقتي تعجبج وعلى فكره انا زوجي يحب الفري وتعجبه طريقتي في اعدادها وانشاءالله تعجب زوجك وصديقه وبالعافيه

اختج من الكويت
فطووووووووومه
23-10-1424 هـ, 03:58 مساءً
 


الساعة الآن 03:47 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏