حطيها مع الجريش قطعيها صغار واطبخيها مع الهريس والجريش
01-10-1429 هـ, 01:45 صباحاً
 
زي ماقالو البنات >>>ترها موب اكبر مشكله
01-10-1429 هـ, 04:30 صباحاً
 
نفس طريقة اسطورة الامل قطعيها صغار مررررره وحطيها على نار هاديه بس حطي في بالك كبري القدر شوي عشان ما يعدم لك الفرن وارخي الناااار عليها عشان ماينحرق الدهن بس نزيد عليها شغله وهي بعد ما يفرز الدهن اللي فيه نجيب تفاحه ونقطعها ارباااع ونحطها في القدر على الدهن يقوم يسحب الزفره القويه اللي بالودك ويصير نكهته خفيفه شوي متى تعرفين انه انتهى تشوفين قطع الشحم صارت شبه ناشفه ولونها صار على الذهبي طفي النار عليه وخليه يبرد جيبي الصفااايه وصفيه ..

الاستخدامات الودك (( الدهن ))

**تقدرين تسوين رز ابيض عاادي وقبل ما تقفلين النار عليه جيبي ملعقه حقت غرف الصواني خذي من الدهن وحطيه عليه يطلع مثل الرز العربي ...

**حطيه مع الجريش لذييييييييييذ مرررررره

** خذي منه شوي وسيحيه وحطي عليه فانيليا وحطيه بدل السمن على المعمول بالتمر والا الكليجا واذا ذقتيها تلاقيها نفس نكهة شعبيات القصيم المشهور بهالشغلات السر في استخدامهم للودك وقولي ما قالتها نـــوال بس اهم نقطه حطي التفاح في السمن بعد ما يستوي والكميه اللي تبينها للمعمول حطي عليها فانيليا ويصير هش ولذيذ ولا تقولين لاحد انه فيه ودك ماراح يعرفون ابد

** حطيه للشعر بس وهو دافي بسرعه قبل ما يجمد مررررررره ممتاز يعطي لمعان ومع الاستمرار يفرد الشعر وينعمه بس اخلطي معاه نسكافه عشان الريحه

استخدام الشحم المحمر (( الخليع )):

اول مايخلص رشي عليها بهار وملح وفلفل اسود ويناكل كذا بالحبه لذيذ بصراااحه بس لا تحطين في بالك شحوم وكلسترول ومن هالخرابيط سمي بالرحمن وذوقيه ..

** فيه كمان تقطعي بصل مربعات صغيره وتاخذي من هالخليع وتعجنين دقيق بر مخلوط بدقيق ابيض وملح و خميره وتحطي عليها البصل والخليع وتخبزيها تصير خبزه بالخليع ..


++++++

اما في حال ما سويتي الخليع ابد قطعيه وحطيه بالفريزر للكباب للجريش وعندك للكبسات وكمان لو اشتريتي كبده لحالها بتسوينها في البيت طلعي من الشحم وقطعيه صغار وشوحيه بالاول وبعدين الكبده حطيه في اصياخ المشوي

++++

تخيلي رميتيه في الزباله وانتي والبنات بكرامه شفتي كم خسرتي شغله

وبالنسبه للريحه الله يطولي عمرك اذا مطبخك برا البيت لا تشيلي هم واذا عندك قز خارجي طلعيه وسويه برااا واذا في البيت عاادي ولعي الفحم وطلعي المعمول وحطي 4 مداخل وكثير البخور وبخري البيت وابد ماهنا خلاف كل العالم تسوي هالشي في بيوتهم

وبالعافيه يارب
01-10-1429 هـ, 05:58 صباحاً
 
مشاء الله عليكي يــ نوال >> مبين عليك مرة سنعه

نفس طرق ماما كانت من زمان تعملهاا .

الله يعطيكم الف عافيه .
01-10-1429 هـ, 12:57 مساءً
 
لاترمينها حسافه والله ..
01-10-1429 هـ, 01:13 مساءً
 


الساعة الآن 04:17 .