Analysis Services
بسم الله الرحمن الرحيم

اهلين بنات حواء والله اني مانخيت الا انتم لاني واثقه فيكم

فطلبتكم الي تدخل تفيدني

والله مره تعبت وأبي أحد يساعدني

مشكلتي مع القهوه ماأعرف أسوي حمسه زينه للقهوه

مدري يصير فيها طعم مدري وشو

وزوجي دايم يقولي ليه كذا

الي تعرف او تعرف احد يبيع قهوه محموسه زينه تكفوووووووووووووووون لاتبخلون علي

والله يجزاكم كل خير وماراح انساكم من دعواتي
06-09-1429 هـ, 05:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي اشتريها من با جه او الرفاعي وفيه هحامص كثير

انا اشتريها فاتحه مو غامقه

وخليها تغلي كتييير
06-09-1429 هـ, 05:37 مساءً
 
هلا بك اختي باذن الله بتصير قهوتك احلى قهوة

اول شيء لازم تشترين بهار القهوة من محلات زينه دورى من المحامص الزينة واشتري قهوة محموسة ومطحونة وهيل وزعفران

باقولك طريقتي وباذن الله تصلح لك

حطي الموية بدلة حقت تفويح القهوة وخليها تخلي(مقدار الموية فوق النص بشوي)
اذا غلت قصري عليها وحطي عليها فنجان وربع قهوة

في ترمس حطي ملعقة كبيرة هيل وشوي زعفران ونتفة زنجبيل مطحون راس ملعقة بس وانا احط شوي حليب ابو قوس ملعقة كبيرة عشان تكون القهوة فاتحة

صفي القهوة وخليها تركد بعدين صبيها بالترمس اللي فيه حطينا فيه الهيل

وسكريها وخليها وتهني باحلى فنجان قهوة وان شاء الله تقر عين زوجك وتعجبه

ابس دعواتك بالذرية الصالحة
06-09-1429 هـ, 05:49 مساءً
 
تسلمــين يــــ هدوء النبض ـــا

يالله هذاني بروح لباجه ان شاء الله تصير حقتهم حلو
06-09-1429 هـ, 08:44 مساءً
 
الله يعطيك العافيه يــ بنتوته ميرال ــا

وأنتي بسوي زي طريقتك والله ماراح انساك من دعواتي اذا صارت حلوه وحتى لو ماتصير حلوه
06-09-1429 هـ, 08:46 مساءً
 


الساعة الآن 12:19 .