مرحبا
كل عام وانتم بخير
اختي طلبتها مني بس وقلتها ماعندي لا طباخات عالم حواء ينشد فيهم الصدر
وقلتها راح اجيب احلي وصفه تبيضين وجهك قدام اهل زوجك وخلي ابو الشباب يفتخر فيكي
من تعرف تسويها وجربتها وكانت تجنن زي المطاعم
ياليت بالتفصيل
انا اذا راح اسويها راح اشتري الكبة الجاهزة الي بالسوبرماركت (السنبله احسها بايخه كبيره ,مرة شفت كبه في كيس مررة صغيرونه بس ماجربتها للاسف ماعرف وش اسمها)
انتظركم صبايا لا تتاخرون علينا فديت قلوبكم
مقادير الكبه:
كوب برغل منقوع ساعه
بعدين يصفى ويفرك باليد وتحطين عليه دقيق ابيض الين يصير متمااسك زي العجينه بس مو قااسي

وانتي تعجنين تحطين معه مكعب ماجي واحد وفلفل اسود شوي

بعدين تشكلينه وتحشينه لحم مفروم
الحشوه: لحم مفروم وبصل وبهارات يعني زي اللي تسوينه
او دجاج اللي تحبين
بعد ماتخلصين من تشكيلها
طريقه اللبن :كوب لبن
علبتين زبادي
بالخلاط ويضاف لها ماء الى ان يمتلي الخلاط
مكعب ماجي
ملعقتين دقيق
وبعدين تحطينها بالقدر الى ان تغلى
وتخفضين النار
وتحطين الكبه كلها
وتخلينه يطبخ على نار متوسطه ثلث ساعه



قبل ان يستوي

وتجيبين ثوم مفروم فصين تكشنينه مع الزيت وكزبره مفرومه شوي
بس لا يحترق وتحطينه على الكبه في القدر 5 دقائق
تتركينه بالقدر شوي بعد ماتطفينه

وبالعاافيه


دعوااتك

واذا ماوضح لك شي ااعيد
مادري احس كتبته بسرعه وبدون ترتيب
ياعمري الكبه اللبنيه لذيييذه وسهله
انا بصراحه اجيب كبه شامي لحم الحجم الميني صغيره ووذفه وشكله حلو يصير
واما اللبن زي طريقه الاخت االي كتبت
بس يعني انا استسهل الموضوع عشان الكبه جاهزه
الكبه باللبن ما فيها اسهل منها
جيبي كبه شامي صغيره وحلوه...انا افضل الدجاج عاد انتي براحتك
بالنسبه لي انا افضل الزبادي لان اللبن يعطي حموضه شويه
انا اجيب 3 او 4 علب زبادي واخففها بالمويه...يعني يصير قوامها كويس مو ثقيل ...خفيف بس مو مويه
بعدين جيبي شويه ثوم وحطيه بالقدر...وحطي معه حبات الكبه حتى تتحمر بس انتبهي لا يحترق الثوم بس يتحمر
بعدين اضيفي عليه الزبادي المخفف بعد ما تحطين معه بيضه علشان ما يفرط معك الزبادي و يتكتل و غطاء علبه الخل .. خل ابيض..
علشان الريحه بس لاتكثرين..حطي ملح وفلفل ابيض او اسود بس شوي
حطي الزبادي المخفف على الكبه اللي في القدر...وخليه لين يطبخ ...بس موحيل
اذا بدء يغلي ذوبي 3 ملاعق نشاء في مويه وضيفيها على الزبادي اللي على النار
خليها تثقل بالشكل اللي انتي تبينه بس انتبهي لا تجمد مره
على جنب حطي السمن النباتي اللي زي مازولا...ملعقه او تثتين في صاج على النار واضفي عليه شويه ثوم واذا تحمر اضيفي كزبره طازجه مقطعه ..
بعدين حطيها على الوجه...ولا تنسين تضيفين رشه نعناع ناشف...
واكيد وازني الملح..
هذي طريقتي وتطلع لذيذه...والخيار لك
انا امي الله يخليها لي تسويها لي فما اشيل همها اذا بغيت اصلحها فقط اطلع الكبه من الثلاجه اخليها شوي تذوب واحط في القدر لبن يفضل الري لانه اقرب شي للبن الطبيعي اذا مالقيتي حطي لبن المراعي او الصافي بس زيديه مويه وحطيه ع النار بس اهم شي عشان تضبط معك الكبه اللبنيه ظلي حركي الين ماتبدى بالغليان طبعا قبل كذا تكوني حاطه ع اللبن ماجي شعيريه وفلفل احمر واستمري بالتحريك الى ان يبدى بالغليان بعدها حطي الكبه وقصري عالناااااااار بتطلللللع روووعه عن تجربه


الساعة الآن 11:48 .