بشري حبيبتي

ام ايمن في جدة عندها معجنات سمبوسة ووكبة وورق عنب خطير جاهر ومفرز

انا حاضرة ارسل لك الرقم ابشري
08-09-1429 هـ, 08:54 مساءً
 
والله انا في الطبخ صفر

بس لاتنسي تزيني الصحون
ولاتنسي الحلى بعد الفطور و الشاي الاخضر والاحمر
وبخريهم بالود
وحاولي يكون كل شي جاهز قبل لايجو علشان لا يحوسوكي في المطبخ لما يجو بحجة المساعده
08-09-1429 هـ, 08:57 مساءً
 
شوفي ع الفطور سوي نوع واحد قلي لقيمات او جبنيه
وسوي حلى بسبوسه سويها قبل يوم وصلحي حلى بالبف باستري
وعلى العشاء شوربه لحم وسوي صياني مكرونه وسميوسه وسبرينق رول وفطاير وكوول هذوول عادي لو تجهزينهم قبل يوم ويويمين ما يتاثرو ولا يخربو
وسوي حلى كريمه او حلى الشعيريه قبل يومين ويكون بااااااارد
08-09-1429 هـ, 09:05 مساءً
 
الفطور الاول

قهوه وتمر ونوع حلى يكفي وبزياده صلحي خليه اولقيمات اوجبنيه مع عصيرات (توت _مشكل _قمر الدين )

الفطور الثاني او العشاء

سلطه -مكرونه سبقيتي بالجبنه -منتو -صينيه الخضار المقليه بالقشطه والجبنه -سمبوسه -شربه

والحلى كنافه وام علي

والله يعينك ويسهل امرك
08-09-1429 هـ, 09:23 مساءً
 
سوي صينية ام علي تشرف وجدا طعمه

طريقتها

جيبي جلاش

خذي ربعه بس (ربع العلبه الطويله لان لو كثر بيصير ثقيل عن تجربه)

وادهنيه بزبده وجه وقفا وحطيه بالفرن بصينية الين يتحمر ويتقمر ممكن بعد كم دقيقه لو تحمر تقلبيه بملعقه بحيث يتحمر كله اقصد الي تحت بعد

طلعيه وكسريه صغار صغار

جيبي صينية بايركس الحجم الكبير

حطي فيها الجلاش المكسر

الطبقه الثانيه حطي مكسرات(لوز حجازي تكوني قاليته بشوي زيت عشان يحمر وتطلع ريحته
ممكن بعد تحطي جوز(عين الجمل) تحطيه بالفرن شوي عشان يحمر


الطبقه الثالثه جلاش
الرابعه مكسرات
الخامسه جلاش

بعدها تحطي هالخليط السهل

(قشطة خفق الحجم الكبير+ ثلاث او اربع حليب السعوديه صغير+سكر)تخلطينه وتحطينه عالجلاش

اخر طبقه قشطه

وحطيه بالفرن

وبالعافيه


انصحك تعمليها جدا سهله والمكسرات جهزيها قبلها بيوم يصير ماعندك غير تحمير الجلاش
او ممكن تحمرينه بالفرن قبلها بيوم وتغطينه

يصير بس تحطي عالطبقات وعالفرن

وصقيني رووووووووووووووووعه بمعنى الكلمه
,..

واهم نصيحه من خلال ملاحظتي اثناء عمل الطبق

الجلاش لاتكثرينه والحليب خليه بكميه كبيره.........ومثل ماقلتلك انتبهي لاتكثري الجلاش ربع الكرتونه كافي
...


طبعا خلي زوجك يجيب فول وتميس خاصة انكم من جده هالشي اساسي

والشوربه


قبلها بيوم اعملي كفتة بطاطس مع الرز........

وقبلها بيوم او يومين السمبوسه جهزيها بالفريزر والساعه خمسه وربع طلعيها من الفريزر وخمس ونص اقليها


الحلى لاتعملي صواني كثير ركزي يكون حلى طعم ولزيز صنف او صنفين من الاساسيه مثل الكريمه والكستر

سبرينق رول بعد سهل سويه قبلها بيوم

..

بيتزا جهزيها قبلها بيوم وقبل الفطور طلعيها من الفريزر وحطي الجبنه وعالفرن

...
08-09-1429 هـ, 10:50 مساءً
 


الساعة الآن 10:56 .