السلام عليكم ورحمة الله وبركاته
في بعض البنات طلبوا مني بعض الاطباق انزل طريقتها
المكرونة بالدجاج الصيني
تسلقي المكرونة في مرقة دجاج وشوي ملح وزيت
وتحطينها بالصينيه
تسوين كشنه بصل زيت ثوم وفلفل حار شوي حتى تذبل بعدين تحطين عليهم دجاج مقطع صغير وتخلينه شوي وبعدين تحطين عليه الطماطم وتخلينه شوي حتى ياخذ النكهه بعدين تحطين ماجي وفلفل رومي مقطع صغير بعدين بهارات والصلصله وتحطين مويه وتخلينه حتى يستوي بس يكون فيه موي بس مو كثير زي الصلصله الثقيله وتحطين عليها صوص الاكل الصيني هو هذا اللي يخلي الاكل روووووووووووووو عة وطعمه مختلف
تخليه شوي على نار هاديه بس 3 دقايق وبعدين توزعيه على المكرونه بالتساوي وبعدين تخلطين جبن كاسات وقشطه ومايونيز وتحطينهم عليها وتدخليها الفرن حتى تتحمر وبالعافيه

اللقيمات المالحة :

دقيق اي كميه الكميه اللي تبين وملح وخميرة تخليطنهم بالمويه حتى تصير عندك عجينه مثل عجينة اللقيمات شوي خفيفه
وتخلينها حتى تتخمر وبعدين حطي عليها كراث مقطع صغير وجزر مبشور واخلطيهم وبعدين اقليها بنفس طريقة اللقيمات واكليها مع السلطه حقتها اللي هي الحمر

الشفوت :تحطين اللحوح في صينيه وتحطين عليه اللبن حتى يغمره وبعدين تحطين فوقه الكراث والطماطم والفلفل الحار حسب الرغبه والملح والفلفل الاسود والكمون طبعا حسب الرغبه وبس

البليله الباكستانيه
طبعا تسلقين البليله ( الحمص ) حتى تستوي استواء تااااااااام
وبعدين تكشنين عادي بصل وزيت وطماطم وفلفل رومي وشطه وصلصه ومويه شوي حتى يتكون عندك زي الايدام الثقيل وبعدين حطي عليهم البليله وخليها حتى يتسبكون مع بعض وطبعا لاتنسي الملح والفلفل والكمون

التبوله :
بقدونس وبصل وطماطم وبرغل وليمون وزيت زيتون وملح وبس

الدونات : والله انا اخذتها من اختي سديم هي تقول انها حقت ام عزيزان وام عزيزان تقول لا ميب حقتها
بس بكتبها لكم لعيون اللي طلبتها
الدونات

نص اصبع زبده - ربع كأس سكر - 1ملعقة صغيرة فانيليا - ربع كأس حليب بودره - ثلاث أرباع الكأس ماء دافيء - 3 بيضات - 1كأس دقيق - 1 ملعقة خميرة - 1 ملعقة صغبرة بيكنج بودر - رشة بشر ليمون حسب الرغبه ( انا ما وضعتها )

الطريقة:
توضع جميع المقادير في العجانه وتخلط جيدا ( هذا الخليط سائل ) وتترك لتخمر مدة ربع ساعة
ثم يضاف لها كأسان ونصف دقيق ونعجن جيدا حتى تتكون عجينة متماسكة واذا احتاج إضافة دقيق أضيفي بالتدريج
وتترك تخمر قليلا ثم تعجن مره أخرى وتترك لمدة 10 دقائق ثم تشكل ثم تترك قبل القلي لتخمر مره أخيره لمدة 10 دقائق تقريبا

وبالعافيه على قلوبكم حبايب قلبي واسفه اني تاخرت عليكم لازعلون مني واي طلب انا حاضرة

ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
مشكوره حبيبتي


ماقصرتي الله يعطيك العافيه
الحمدلله حتى يبلغ الحمد منتهاه
مشكورة عزيزتي
جزاك الله خير
فيك عين او سحر او مس وتعبتي من المشايخ؟؟ادخلي الرابط وحملي الرقيه واسمعيها كل يوم وادعي لي
http://forum.hawaaworld.com/showthread.php?t=1843110
مشكوره ياعسل الله لايحرمنا من أبداعاتك
والله يرزقك بأحسن زوج بالدنيا في أقرب وقت


الساعة الآن 09:59 .