السلام عليكم ورحمه الله وبركاته

بليز بنوتات محتاجه حشوة سمبوسه بالخضروات والله لا يهينكم ابغى طريقتها شلون تسلقوها

بليز لا تطنشوني ردوا علي واللي ما تعرف ترفع الموضوع الله يرفع قدرها
ولكم مني خالص الدعاء
ومشكووووووووووو وووووووووووووري ن مقدما



للرفع
مشكورة شهد حائل الله يرفع قدرج دنيا واخره

**********************
بليز بنوتات معقولة ما تعرفوا حشوه خضار محتاجتها ضروري


الحل عندي وانا ابوهندي

اول شي المقادير>> بصل مفروم+بطاطس مقطع صغير جدا+جزر مثله+كزبره خضراء

فلفل حار عند الرغبه+كركم +ملح وفلفل اسود

انا عن نفسي ما اسلقها احس طعمها وهي مشوحه مع البصل الذ الف مره

المهم 00 حمسي البصل على النار واضيفي البطاطس والجزر معه على نارجدا هاديه

اضيفي الكزبره والبهارات والفلفل الحار المفروم طبعا

وغطيها وكل شوي شيكي عليها واذا بدأت تنشف صبي عليها شوي

ماء قليل جدا واذا نضجت الخضار طفي عليها


وصحتين على قلبك عيوني
حبيبتي اخذي حشوتي الكل متهبل عليها انتي جربيها و اذا عجبتك اعتمديها

حبه بطاطس وسط+ حبه كوسى + حبه جزر + ثلاث و رقات ملفوف + حبه بصل + فلفل اخضر رومي نصف حبه + بزاليا مفرزه + ذره مفرزه او علب جاهزه و شوي بقدونس + ماجي و ملح و بهار على ذوقك + و انا افضل اضع ملعقتين من الصويا صوص بس اختي عندها عادي

الطريقه:

قطعي كل الخضار تقريبه نفس الحجم و حاولي يكونو صغار و بشكل طولي و رقيق و لا تسلقينهم . حطي البصل في التاوه و حمريه خفيف و بعده الجزر ثم الكوسا ثم الفلفل ثم الملفوف وبعدهم البازاليا و الذره و اخر شي البطاطس المقليه و ضروري تقلينها في الزيت قبل اما باقي الخضار لا تقلينهم حطيهم على البصل على طول . ثم تبلي الحشوه بالماجي و الملح و البهار و البقدونس و الصويا صوص . و خلي حركتك سريعه و انتي تسوين الحشوه يعني بالكثير عشر دقايق و انتي منتهيه منها


الساعة الآن 01:42 .