شوفي حبيبتي


سوي بكره على الفطور هذا معمولي اللي التوقيع واكيد بينجنون عليه

لانه وبصراحه فيه بنات بعمرك جربوه تجننوا اهاليهم

اثبتي لهم انك تعرفين تطبخين وابدي بهالمعمول سهل بالمره ولاياخذ وقت

وسوي فطاير وسمبوسه ومكرونه وشوربة كويكر بس
13-09-1429 هـ, 05:22 صباحاً
 
عادي انا مادخلت المطبخ الا وعمري 17 لاني اخر العنقود زيك وكنت اخاف اذا سويت رز<< اول حاجه تعلمتها وازيدك من الشعر بيت اول مره سويته احرقته والحين اي طريقه جديده للرز اسويها والحين امي ماتعتمد الا علي والحمد لله اصلح كل شي واهم منتدى عندي عالم حواء لان اكلاته كلها مضبوطه...
13-09-1429 هـ, 05:50 صباحاً
 
حبيبتي الانسان ارادته قويه اذا اراد التعلم وانتي عمرك صغير بسرعة بتتعلمين الله يوفقك وتصيري احسن طباخه
13-09-1429 هـ, 06:28 صباحاً
 
انا ابعطيك حاجه سهلة ولذيذة

1- اسلقي صدور دجاج ( جيبي قدر فيه مويه واغسلي صدور دجاج وحطيها على المويه معاها بصله وملح وبهارات )
2- جيبي خبز توست وقصي اطرافه وبعدين مشي عليه الفرادة شوي
3- لما ينضج الدجاج جيبي شوكتين وفتفتيه يصير مثل الخيوط 0
4- بعدين قطعي بصل وحطي عليه الدجاج واكشنيه او احمسيه بشوي زيت لما يذوب البصل حطي عليه جزر مبشور وسكري النار على طول
5- افردي التوست كل وحده لحالها وادهنيها بجبن سائل خفيف وحطي من الدجاج على الطرف وبعدين لفيها كانها سويس رول كانك تطوين سجادة
6- جيبي صينية بايركس وقطعي حلقات بصل وفلفل بار وانثريه بعدين صفي لفائف الخبز فوقه
7- جيبي علبه قشطة + 3 ملاعق جبن سائل + 3ملاعق مويه وحركيها وصبيها على الخبز
8- دخليه يالفرن من اعلى بس بس تراها بسرعة تتحمر

وبالعافية تراني طولت مره ولا الطبق مره سهل بس خفت انك ما تعرفي ابجديات الطبخ فحبيت اسهل عليك

مره لذيذة لذيذة قبل يومين مسويتها لأهلي على طلبهم
13-09-1429 هـ, 06:56 صباحاً
 
اشوى لحقتي على عمرك قبل تتزوجين

انتي اشوى مني ماكنت اعرف غير الرزيوم تزوجت لا وبعد مرات مايضبط

بس الحمدلله اللحين تعلمت من بنات حوا طبخات حلوة

المهم
بالنسبة لبكرة سوي مسقعةحطي بحث عليها وسوي مطبق وطريقته سهلة مرررررررررررررة منزلتها وحدة بالمنتدى قبل كم يوم شفتها
وسوي شوربة كويكر العادية

وبالنسبة للحلا سوي لقيمات بالقشطة لذيذة مرة وسهلة
وطريقتها قشطة التاج وبعدين حطي بنفس علبة القشطة مرتين دقيق وحطي ملعقة صغيرة باكينج باودر وملعقة صغيرة خميرة وخليها تخمر ساعة
وبعدين بتصير معاك عجينة لاسايلة ولا ناشفة مرة كوريها واحشيها جبن وبعدين اقليها بالزيت وبس وعوافي
13-09-1429 هـ, 07:16 صباحاً
 


الساعة الآن 05:09 .