(((( أمحــــق حــــرمــــه))))

سلاااااااااامون عليكم ...

سألت البريد الوارد
ماجاك اليوم مرسال؟
رد بصوت بارد ..
يمكن مانت عالبال!!>>>> كخخخخ ابغى أسوي فيها زي البنات شوية رومانسية لكني من جنبها هع هع هع:o الله يسهلها عموما :23:



عموما كيفكم مصرقعاااااااااات؟ إن شاء الله تمام ...

المووووضوع للمعلومية شكله جامد وبدايته مسوية فيها رسمية شوي تحته يجي الهبال (الله يعينكم على ثقالة دمي مقدماً:







أترككم مع الموضوع:

كلنا يحمل بداخله تجاربه الأولى إلى أول ما بدينا فيها بدعنا كثير مثل الطبخ إلى أكيد كل وحده فينا سوت العجايب لين ما أتقنت لو شيء بسيط فيه ..

لكن إلى أنا حابه أتعرف عليه هو تجربتك الأولى وبدايتك بلبس العباية والحجاب ...
أكيد مرت عليك مواقف ولحظات حرجه وقفشات حلوه لمن تذكرينها تموتين ضحك على نفسك ..


وأبدا أنا الموضوع بنفسي وببدايتي الزاحفة:23::

أذكر أني أنا لبست العباية بدون لكاعة يعني يوم دخلت سادس ابتدائي وقتها حسيت إني رززززه وحرمه وأجلس مع الكبار واترك سوالف البزارين (أية يهين تتركينها) ..
قسمن بالله كانت فتره عصييه ذيك السنة بدعت يوم أطيح بحفره ويوم يتحرشون فيني البنات نهاية الدوام يسحبون غطوتي ويكشفون وجهي بشارع ويسوون فيني الهوا يل لكن ربكم يسرها ..

المهم أنا بديت تجربه لبس العباه أووول مره وحنا بإجازة الصيف قبل ما أدخل صف سادس طبعا المهم أنا لحيت على أمي لين اشترت لي العباه أيامها كنا نجهز لسفر (لولايتنا) كنت حاطه العباية والطرحة جمبي عشان أول ما نوصل البسها وادخل على بنات عمي وأنا لابستها على بالي مسسسوية فيها كبيرة وعاقلة (وحنا عادة وقت الإجازة تكون العالم مجتمعه إلى عند أهله وإلى عند إخوانه وإلى بيت عمه >>> مثل حالتي كنا نجلس بيت عمي وكانت البيوت جنب بعض وأكيد راح يكون فيه أولاد ورجال لازم أتغطى منهم غصب ورا خشمي دام إني مسوية فيها زحمه المهم اليومين الأولى مشت معي تمام كنت ما أجلس مع البنات لأنهم يطلعون لشارع وصعبه إني أطامر معهم بشوارع لكن بعد أيام بسيطة صرت أروح معهم للبقالة بغطوتي كخخخخ والله من الهبال ما قدرت الصبر وبعدها ما أدري وين اختفت طرحتي وبعدها بفترة رحنا لزواج وصعبه أروح لزواج بعبايه وأنا لابسه ثوب منفوش حق بزارين طبعاً ما بد هاش تركت العباية ودجيت مع البنات لين تنتهي الإجازة وأرجع ألبسها مره ثانيه كخخخ(أمحق حرمه) اقسم لكم إنا رجعنا لرياض وأنا مضيعه العباية والطرحة ما بديت أصير حرمة سنعه إلا يوم دخلت بأولى متوسط.:27:




وراح أقولكم سالفة بنت عمي يوم تغطت كانت تروح معنا لسوق وهي لابسه عبايتها ومتحجبة المهم حنا بشارع وقبل ما ندخل للمحل تشوفونها حرمه تكااااانه وسنعه لكن إذا دخلنا للمحل فتحت كشفت عن وجهها وشوفوا أنواع المبزره يمه ابغى هذااااا وصياح وهبال قسمن بالله إنا نشوف الضحكة بعيون راعين المحلات كأني بهم يقولون (أمحق حررررمه)..:23:



سالوفه تجر سالوفه اكيد (هذي بنت معنا ايام المتوسط والله صغنونه تجنن تلمحين الطفولة بوجهها لكن لازم تغطىىى إذا جات تطلع وهي داجه والله اقسم لكم بالله أن أمها بداية ما كنت البنت تدرس بالأيام الأولى تجي بنفسها للمدرسة نهاية الدوام عشان تصلح عباية وغطوة بنتها وحنا ما يحتاج نتفرج بسسس من دون تعليق...:42:




يالله عاد ما أطول عليكم ابغاكم تقولون لي عن بداية لبسكم للعباية ..

وإذا ما أعجبكم الموضوع عاااااديه طقوها تطنيشه وكأنكم ماشفتوا حاااااقه يا بعدي..

تحياااااااااااتي لكم باااااايات