.. وبه نستعين ..
السلام عليكم ...



اللهم صلي وسلم على سيدنا محمد وآله وصحبه وسلم
لا حول ولا قوة الا بالله ...
الله أكبر .. ما شاء الله
لا اله الا الله
اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير

السفرة ..







الهريسه .. الصورة مرجوجة شوي لأني كنت مستعجله على الأكل لا يحترق تالي تقولون ماتعرف تطبخ جذب جذب



اللقيمات


المطبق + سمبوسة الجبن ..



المطبق حطيته في سفرة رقم 4 ..
طريقته ..احمسي بصل ولحم مفروم وملح .. فلفل أسود وبهار مشكل وكمون ..
ابعديه عن النار ..اضيفي بقل (كراث) مفروم .. وطماطم مفرومه وبيضه .. واخلطيهم

شرايح سمبوسه مثل ما تشوفون في الصورة ..على شكل (+) ...حطي عليهم الحشو


وطبقيهم




صفيهم في صينيه مدهونه وادهنيهم بالفرشاة بزيت ... وغطيهم بالألمنيوم وادخيهم الفرن لينضجوا ..

سمبوسة الجبن...
شرايح سويتز او لوزين ..
احشيهم جبن أبيض + جبن شيدر + جبن كيري ..
لفيهم واقليهم ..وشوفي طعمهم ...راااااائع
ما راح يبقى ولا حبة بالصحن ...جربي ورح تدعي لي

يتبع ..

كرات البطاطس بالجبن ..



اسلقي بطاطس نص سلق وابشريه ..
اخلطي معاه جبن شيدر مبشور .. صفار بيضه .. فلفل أسود . شوووي ملح
وشوي بكينج بودر .. وشوي بقسماط ..
اخلطيهم مع بعض واعمليهم كور .. حطيهم في الثلاجة ساعتين .. ثم اقليهم


مجبوس دجاج .. طبعاً كلنا نعرف نسوي كبسة



خبزات الجبن بالثوم ...



قطعي خبز الصامولي (احنا نسميه صمون) الى شكل اسطواني ..
احمسي ثون مدقوق حوالي 20 فص في زبدة .. ابعديه عن النار واقسميه الى نصفين ..
حطي في القسم الاول 3 ملاعق جبن كاسات .. وملعقتين مايونيز واخلطيهم على النار ليمتزجون ..
وحطي بقدونس مفروم وزعتر ..

والقسم الثاني حطي عليه زعتر وبقدونس مفروم ..
بالفرشاة .. امسحي وجه الثامولي بخلطة الجبن والوجه الثاني امسحيه بالثوم والزبدة

الكيمة كلها .. صفيهم في صينيه فرن وحطيهم بس يسخنون ..

بسكويت مغطى بالشوكولاته ..


يعشقه الاطفال
ومحبي الشوكولاته
بنتي جابت طريقته واصرت انها تسويه .. وسوته ويهبل
وهذا طريقته

المقادير

بسكوت ( اولكر او هلال )
علبة قشطه
فنجال شاي سكر
نص فنجان زيت
3 ملاعق حليب بودره
3 ملاعق شوكلاته بودره
نستله
شعيريه باكستانيه


الطريقه ...

1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..
2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..
3/ نغمس البسكوت بالخلطه اللي سويناها قبل ونلصقهم ببعض
4/ونسويه ثلاث طبقات
إلى هنا حلويييين؟؟؟
طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل عن ساعه
عشان تجمد الشكولاته وتتماسك ...
4 / نكسر الشعيريه كسر صغيره مرره ونحمسها ع النار لحد ماتتشقر..

5 / نطلع البسكوت من الفريزر ونغمسه بالنستله وبعدين يقلب بالشعيريه الباكستانيه
طبعاً انا ما غطيته بالحليب المكثف ولا حطيت عليه شعيريه لأني جربتها مرة وماعجب الكل
وخليته بدون الحليب والشعيريه
بس انصحكم .. اذا طلعتوه من الفريز .. حطو على الوجه شوي بس حليب محلى وشوي شعيريه .. زينه
دعواتي لكن بالتوفيق
واتمنى ان تعجبكم أطباقي ..
اسألكم الدعاء كلما ذكرتوني .. او طبقتم احد اطباقي
ماشاء الله تبارك الرحمن


سفرة عامرة
ماشاء الله تبارك الرحمن


سفرة دايمه والله يسلم هالايدين
لا إله إلا أنت سبحانك إني كنت من الظالمين
لا إله إلا أنت سبحانك إني كنت من الظالمين

دعواتكم لي بالشفاء ...
ماشاء الله تبارك الرحمن


سفرة دايمه والله يسلم هالايدين


الساعة الآن 09:57 .