حريم حواء الفاضلات

الله يستر عليكن دنيا واخرة

ابي طريقة رز بالزعفران مع لحم مشوي

تعبت وانا ادور علطريقة بدونش فايدة

مالي غيركم بعد الله
[IMG]http://www.*********.com/vb/customavatars/avatar7196_12.gif[/IMG]

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
في الانتظااااااااااااااااااااااااااار
[IMG]http://www.*********.com/vb/customavatars/avatar7196_12.gif[/IMG]

ولله ماعرف الطريقه ماحبيت اطلع بدون رد
اختي ابشري بسعدك
الكمية تكفي لخمسة اشخاص
مقادير الرز وطريقته / ثلاث كاسات رز مغسولة ومنقوعة بماء وربع فنجال خل ---- بصلة كبيرة مقطعة قطع صغيرة -- ثلاث الى اربع حبات هيل قرن قرفة (دارسين ) اربع حبات قرنفل ( مسمار ) فنجال شاهي منقوع به ملء ملعقة الشاي زعفران ملح وشوي ماجي ابيض
الطريقة : ضعي الطنجرة على النار واضيفي لها اشوي زيت بعدين اضيفي البصل لين يصفر لونه اضيفي الهيل والدارسين والقرنفل وقلبيهن على النار بعدين اضيفي الماء والملح والماجي وخليهن يغلن تقريبا عشر دقائق او لين يصير مقدار الماء مناسب للرز بحيث لو اضفتي الرز يكون الماء يغطية اشوي ولاتنسين تضفين الفلفل الحار اذا بدا الماء بالغليان اضيفي الرز بعد ما تصفينه من مويته وتغسلينه مره ثانية
اذا بدأ الرز يشرب الموية قصرني النار رشي على وجهه الماء المخلوط بالزعفران وكذلك اشوي من ماء الكادي
وحطي عليه كذلك كشنة بصل وطريقتها ( بصل مقطع شرائح + زبدة + اشوي زيت + ملعقة شاهي ملح ليمون قلبيهن مع بعض اتلاحضين ان البصل اصبح لونه زهري اضيفي عليه اشوي هيل مطحون ) هالخلطة حطيها على الرز بعد ما اتحطين ماء الزعفران وقصري النار وخلية نص ساعة على نار هادئة بعد ما يستوي انكبية بصحن وحطي فوقة اللحم المشوي
طريقة اللحم المشوي بالفرن طرقة مجربة ولذيذة تنفع مع الدجاج ولحم الغنم انا ابعطيكي طريقتها بلحم الغنم وانتي لك الاختيار بدلي الغنم بالدجاج
جيبي لحم غنم مقطع قطع وسط ادعكيها بالمنلح والليمون والكركم وشوي بهارات بعدين لفي عليها القصدير انتبهي مو تلفين القصدير على الصنية لا نفس اللحم غلفية بالقصدير واحكمي اغلاقة بعدين حطية بصنية ودخلية الفرن من فوق وتحت لمدة ساعة ونصف شيلي القصدير منه واذا ما شفتيه اتحمر حمرية اشوي واغلب الاحين يتحمر
ارجو ان اكون وصلتلك الفكرة وحصلتي على اللي تبينه
دعواتك لي بالذرية الصالحة
اللهم اشفي اخي وشرح له صدره
اللهم اجمع له بين الاجر والعافيه
دعواتكن اخياتي لاخي بالشفاء العاجل
[IMG]http://*****0.com/sm/smiles/52/muslimah_2.gif[/IMG]
رمضان مبار ك أختي
الطبخة هذي لها اسم ؟؟


بناء على وصفك اسلقي اللحم زين مو أقل من ساعة إذا ماعندك قدر ضغط و حطي معاه عود دارسين و حبات هيل عشان تروح ريحة الزفرة

بعد النضج افرشي قصديرة في صينية و حطي فوقها اللحم وحطي ملح وبهارات مطحونة وبقدونس مفروم و عصير ليمون (نص كاس تقريبا ) وانتي ذوقي شوفي البهارات و الملح زين والا زيدي و ادعكي اللحم زين وتقدري تقطعي شرايح فليفلة خضرا أو أي شي ثاني بصل أو جزر أو طماطم و شغلي الفرن من فوق بس لا تكون الصينية قريبة مرة من النار عشان ما يحترق وجه اللحم وراقبيه زين و قلبيه كل شوي لين يكون شكله متحمر و مشوي.

بالنسبة للرز انقعيه في موية مدة كافية يعني مو أقل من نص ساعة وكل ماكثر النقع كان أحسن

بعدين اسلقي الرز في موية مع ملح نص سلقة يعني ما نضج تمام الرز
صفي الرز و خليه فترة لين تنزل كل مويته

حضري نص بيالة ماء ورد و انقعي فيه شوية زعفران (اذا عندك مكرويف سخنيه كم ثانية عشان ينقع اللون بسرعة ) وزيدي الكمية على حسب رزك

جيبي القدر و حطي فيه مقدار وافي من الدهن أو الزبدة و كبي فوقه الرز و بعدين جيبي الماء الورد بالزعفران و صبيه فوق الرز في اماكن مختلفة زي بقع يعني

وصبي دهن زيادة و حركي الرز بشويش لين ينتشر لون الزعفران و غطي القدر على نار خفيفة لين يطلع بخار من القدر و بالعافية

لا تنسيني من الدعاء


الساعة الآن 09:04 .