مرحبا..

صباح الخير..بشهر الخير
صباح الذكر..والاجر..وا لاستغفار ان شاء الله..



بنات بيتقطع قلبي..


مشتهية شوربة.. "الطماط"

اذا تعرفونها تجي في المطاعم الهندية وستيك هاوس


المهم ..الله يسعدكم ويتقبل منكم صيامكم..


من تعلمني طريقتها فديتها..


تخيلوا اكون اتوحم...يطلع بولدي طماطه خخخ

يااااقلبي انتي ياليتني اعرف تاكدي ان الاخووووووات مارح يقصروووووا
لا إله إلا أنت سبحانك إني كنت من الظالمين
اهلين وسهلين حبيبتي وكل عام والجميع بخير
انا والله بقولك عن تجربتي مع شوربة الطماطم ....انا قبل اسبوع جت على بالي هالشوربه واشتهيتها مررررره وحنا متعودين ناكلها انا وزوجي في مطعم هندي عندنا بالقولد كوست باستراليا بس قلت ليش ما اسويها انا واشوف شطارتي ان زانت والا يا دار ما دخلك شر وما علمت زوجي اني بسويها قلت خاف يتحمس وبعدين ما تطلع حلوه......المهم يا طويلةالعمر سويتها وحطيتها على الفطور مفاجأة والله يوم ذاقها زوجي مررررررررره اعجبته وقالي انها احسن من شوربة المطعم الهندي بعد...........
احم احم نبدء بالمقادير :
2طماطم ، 1بصله ،صلصل ،قشطة خفق ،ملح ،بهارات ،ماجي
الطريقه:
قطعي البصل والطماطم وحطيه في قدر صغير واضيفي عليه مويه وحطيها على النار تطبخ لمده ساعه او لين يذوب البصل والطماطم
اذا شلتي البصل والطماطم من على النار خليه لين يبرد شوي واخلطيه في الخلاط مع مويته وزيدي شوي مويه بعد وحطي الصلصل تقريبا ملعقه كبيره
الحين جيبي مصفايه فتحاتها صغيره مره وصفي الطماطم والبصل في قدر راح يبقى بالمصفايه بقايا الطماطم والبصل ...طبعا ما بغاها البقايا
الحين حطي الماجي والملح والبهارات وخليها تطبخ شوي
وبعد 10 دقايق اضيفي قشطة الخفق تقريبا 4 ملاعق او حسب تذوققك وخليها تطبخ شوي بعد .بس اهم شي لا تطول على النار
واذ حسيتي انها محتاجه اضافت مويه ما فيه مشكله اضيفي شوي
طبعا نسيت اقولك على الفلفل الرومي لا تنسينه قطعيه وحطيه على الشوربه قبل ما تحطين قشطةالخفق
وهذي طريقتي بالشوربه والله كانت تجربه ناجحه والحمد لله واعجبت الجميع واتمنا انها تعجبك بعد ان شاء الله
واذا حابه تسألين انا مستعده .........اهم شي علمينا بالنتيجه .........والف صحه وهنا على قلوبكم مقدما .
وجد..

ربي يسعدك حسيت قلبك معاي مدري ليه


مشمش وخوخ:

ربي يسعد الله يكثر خيرك..


ويجملك بالذكر الطيب والخير..

ابجربها واعلمك وش صار معي...يااميرة


الساعة الآن 06:40 .