Analysis Services
مرحبا
بما انكم ما جاوبتوني على اسئلتي في موضوعي الأساسي طرحت موضوع جديد عل وعسى القى رد
الحين لا صارت عندكم عزيمة كبيرة لفطور وعدد الضيوف فوق العشرين وحريم ورجال وتبون تخلصون بدري قبل لا يجون وتفضون تسنعون عمركم قبل ما تستقبلونهم .........
متى تصلحون السلطة ؟ ممكن اقطعها بالليل وحطها بعلب البلاستيك في الثلاجة مثل الفتوش ؟
متى تقلون السمبوسة والسبرنق رول ؟
متى تدخلون الفطائر الفرن ؟
وبعد انا ناوية ان شاء الله اسوي مسقعة ممكن اسويها الفجر واقصدرها واحطها بالثلاجة ؟
الكنافة تخرب لو اسويها بالليل تيبس مثلا ؟
متى الدونات تنقلى ؟
متى تبدون تفرغون في الصحون ؟
الله يفرجلكم جاوبوني بكرة عزيمتي ....
وديما انحاس
ودي اخلص بدري افزعولي بسررررررررررررعة ...
14-09-1429 هـ, 07:03 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي حبيبتي بالليل جهزي الحلا وصواني التقديم والصحون والكاسات وخليها جاهزة ..




وممكن تبدين في الأشياء اللي تنحط بالفرن مثل المسقعة أو المكرونة بالباشميل .. جهزيها وحطيها بالثلاجة ويوم العزية طليعها من الثلاجة بدري لأنها لازم تكون بدرجة حرارة الغرفة ودخليها الفرن الظهر..







أما بالنسبة للدونات تقدرين تقليه بعد صلاة العصر والباقي سمبوس وسبرنج رول مو حلوه يكون بارد فالأفضل تقليها وعلى طول تتجهزين للضيوف ..







ولازم تحطين لك جدول بالأشياء اللي تسويها ..





والسلطة لا تسويها الا بيوم العزومة .. إذا سويتها قبل راح تذبل تعرفين احنا بالصيف وبسرعة هذي الأشياء تخرب ..





وخلي الملح والليمون آخر شي ..







اتمنى أكون أفدتش وأي استفسار احنا حاضرين ..
14-09-1429 هـ, 07:34 مساءً
 
أهم شي التنظيم
نظمي وقتك بالدقيقة

انا رح فيدك بخصوص السلطات

انتي ممكن تقطعيهم وتخلطيهم وتوجديهم وقت الظهر


بس الملح والليمون ما تحطيهم غير قبل لا يجوا الضيوف

ونصيحتي خوذي قارورة حطي فيها عصير الليمون والملح عشان يكون
مثل صوص جاهز للسلطة ولما تسكبي السلطة في الصحون اسكبي فوقها شوي من هالقارورة
عشان يكون اسرعلك

تحياتي
14-09-1429 هـ, 07:41 مساءً
 
هلا وغلا اختي
انا برد عليك وارجواني افيدك
اول شي السلطه ماتصلح من الليل تسوينها اساسا لوتخلينها ساعتين بتفسد على طول خليها اخر شي تسوينه
سوي الحلى من الليل والكنافه عادي اتوقع ماتخرب
والاشياء اللي تصلح تجهزينها من الليل سويها مثل ورق عنب
المسقعه جهزيها بس دخليها الفرن ماهو الفجر
والفطاير جهزيها من الظهر مايصير لها شي ووزعيها وغليفها
اي شي مايخرب وزعيه وغلفيه الين موعد الفطور وحطي كل الاشياء اللي خلصتي منها بغرفه فاضيه عشان بعدين توزعين على السفر بسرعه
وخلي وقت الفطور ماتغرفين غير الاشياء اللي لازم تكون ساخنه

ويعني مثل كذا سوي وتلقين نفسك مرتبه
ان شاء الله اكون افدك يارب
وربي ياخذ بيدك ويوققك
14-09-1429 هـ, 07:48 مساءً
 
مشكورة عيوني الله يسعدش
بس صديقتي تقولي قطعي السلطة وحطيها في علب بلاستيك وماراح تتأثر !!!
والمسقعة برايك اسويها الليلة وما ادخلها الفرن الا الظهر ؟


الحلوات الباقيات
تجاربكن لا عدمناكن
14-09-1429 هـ, 07:50 مساءً
 


الساعة الآن 06:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏