السلطة اختي بتحكي اعمليها بس ماتحطي البندورة ولا الملح والليمون طبعا
لو بغيتي تقلين وعندك خدامه تساعدك حطي اكثر من قلايه واقلي راح يختصر عليكي وقت
وخلي نوع او نوعين قلي مو اكثر
الحلا خليه قبل بيوم
الكاسات والصحون والملاعق قبل بيوم وفرشي السفره وخلي الاشياء عليها
اهم شي اذا ما في احد يساعدك
غسلي المواعين اول با ااول


يارب نولني اللي ببالي عاجلا لا اجل يارب امين

يارب اعطني فرحا يجعلني اخر لك ساجده لك باكيه لك شاكره
اقتباس مشاركة
يسعدك عيوني بس قصدك المسقعة اسويها كاملة من الليل بس ما ادخلها الفرن الا ظهر يوم العزيمة ؟
وشكلكم اجمعتم ان السلطة اقطعها الظهر ..
لأن يوم العزيمة وراي نوعين شوربة وجريش وحراق صبعه خبز تورتيلا وحشوها وكنافة بالكب ودونات غير التحضير والقلي


الله يعينك شكلك مثل حالتي ماعندك شغاله
شوفي حبيتي افيدك بلاشياء الي جربتها ومرررره ارتحت الحمدلله وفي بعض الافكار قريتها من البنات زمان وبكتبها لكي

الي عرفته من الانواع الي بتطبخيها نوعين شوربه الشوربه تقدري تسوينها اليوم وتحطيها بالثلاجه طعمها مايتغير باذن الله انا جربت شوربة الجريش والكويكر بالعكس طعمها طلع احلى والذ
اذا شفتيها بكره ثقيله زيديها مويه حاره شويه وبس واحلى شوربه

اظن بتسوي سمبوسه كمان سويها وحطيها بصينيه ودخليها الفريزه دقايق لين تجمد بعدين عبيها بعلبه بلاستيك مايببقى غير القلي
الدونات نفس الشي جربتها اكثر من مره والله مزبوطه ماشاءالله فرزنيها وبكره طلعياه شوي لين تفك من البروده شوي مو مره واقليها وتتنفخ وتصير طعم وشكل ماشاءالله
واذا بتسوي فطاير كلها خلصي منها اليوم وحطيها بالفريزر ونفس الشي بكره طلعيها تفك من البروده وسخنيها ملاحظه (الفطاير تسويها لين تستوي بعدين فرزنيها)

الحلويات كلها سويها اليوم ودخليها الثلاجه الكنافه زبطيها ودخليها الثلاجه غلفيها زين بس بكره ولعي عليها الفرن مو اليوم يعني حطيها بالثلاجه وهي مااستوت

اما خبز التورتيلا وحراق اصبعه ماعندي تجربه فيها والمسقعه اقترح عليكي تجهزي الحمه وتحطيها بالثلاجه بدون ماتستوي حتى تمتص طعم البهار اكثر وبكره قطعي البذنجان وسوي الحمه واهم شي اصحي بدري يعني قومي تسعه او عشره بالكثير وابدئي بالجريش حطيه على النار وحراق صبعه وخبز التورتيلا يكون الظهر وخلصي المسقع وخرجي كل الاشياء المفرزنه وسخني واقلي الدونات واذا تبيها حاره حطيها بحافظه بس لاتكتميها مره السلاطات ممكن من اليل الحاره اما البارده فانا اضيف الطماطم اليوم الثاني اخاف تخرب السلطه ومره قرات البنات يسوا حركه يحضروا القهوه بكميه كبيره بس بدون هيل ويحطوها الثلاجه بس اليوم الثاني يسخنوها ويحطوا الهيل وكل شي تبينه بثلاجات القهوه وحتوكني بالعصر مخلصه باذن الله كل شي بس شي مهم السفره جهزيها بكره الصباح اذا حطيتي كل شي على النار روحي جهزي السفره ومناديل وصحون التمر ورطب مغلفه وكاسات ملاعق صحون وباقي الاكلات عندك بالمطبخ قطعي واغرفي وغلفيها بالنايلون حتى لو العصر الحلويات تصير موزعه وبالثلاجه والاشياء الباقيه على الدولاب وموزعه بالصحون مايبقى غير الحار وحبذا لو عندك حافظات يصير قبل الاذان بساعه تسخنيها وتحطيها كلها بالحافظات جريش وشورب وكذا
اتمنى افدتك بشي ولو بقليل
ماشاء الله تبارك الله...بأشرح لك طريقتي وإن شاء الله تفيدك..
البيت أسويله حملة تنظيف قبل بثلاث أيام ويوم العزيمة لمسات تنظيف سريعة..
أسوي حلى السفرة نوعين قبل بيومين وورق عنب وأجهز الصحون وتوابعها بالمقلط على السفرة وأغطيهم بفوط..
العصيرات أسويها قبل بيوم وفي الثلاجة أوزع التمر بصحون على الطاولات مع تجهيز الفناجيل والكاسات بصينية في المجلس وأجهزسمبوسة اللحم و كشنة البيتزا والشوربة وأجهز المويه في دلال تفويح القهوة وأجهز عجينة اللقيمات الجوامد فقط وأغسل الخضار للسلطة وأسوي الكنافة بصينية الميني كب كيك وأوزعها في صحون تقديم وأدخلهم الثلاجة..
يوم العزيمة أقوم بدري أشيك على نظافة البيت أطبخ ورق العنب<<<لما يجهز ويبرد أوزعه بصحون وأغلفها وأسوي شوربة كويكر وأسوي شوربة كريمة الدجاج جاهزة بس أضيف لها ماء وشعيرية وحب بليلة جاهز واللي يشوفها يقول متعوب عليها وتجهيزها ماياخذ مني غير عشر دقايق....أطلع الكنافة من الثلاجة وقاعدات البيتزا والدونات من الفريزر وأخليها لحد مايفك الثلج عنها...الدونات أقليها وأحط عليها الصوص من الظهر ماتتغير..والبيتز ا أحط عليها الكشنه وأولع النار عليها من فوق لحد ماتتحمر بعدها أوزع عليها الزيتون وأزينها بخطوط من الجبن السايل وأطلعها من الفرن وأغطيها بقصدير حتى ماتنشف...
أبدا أجهز الكبسة والحشو والقهوة والسلطة <<<كل هذا من يوم أقوم لحد آذان العصر...
بعده أضيف لعجينة اللقيمات الماء وأتركها تخمر ساعة أقلي معمول تمر <<<(من الفريزر) وأزينه بالهيرشي وأوزعه بصينيتين تقديم وبعد مايبردون أغلفهم وأحطهم بالمجلس مع الكنافة والدونات...ابدا في قلي اللقيمات بدري وأحطهم بصحن التقديم بالمجلس والشيرة أحطها في علبة الصوص اللي تجي مع طقم الصيني أقلي الميني سمبوسة بالجبن<<(من الفريزر)ونفس الشي أحطهم بصحنين تقديم وفي المجلس(الشيرة تنحط لما يقرب وقت الآذان على اللقيمات والسمبوسة)..أصب القهوة بالزمام وأحطهم بالمجلس وأودي العصيرات والمويه وآخذ دش سريع وأتجهز...
بعد الفطور نوعين الشوربة راح تكون حارة لأني أخليهم على نار هادية أصبهم بالحافظات وأحطهم على السفرة أقلي سمبوسة اللحم والسبرينغ رول وأوزعهم بصحون على السفرة مع البيتزا وورق العنب..
أحط حلى السفرة مع الصحون والملاعق الصغيرة على طاولة تقديم في الزاوية السلطات أحط عليهم الصوص وأقسم كل نوع يصينيتين وأحطهم بأطراف السفرة..أغرف الرز بالصحون وأزينه بالحشو واللحم وأغلفه بقصدير وأغطيه بفوطه...
أثناء ماهم يتعشون أجهز الشاي والنعناع بالزمازم<<<البيا ات راح تكون جاهزة بس أوديهم للمجلس وانتهينا..
هذي طريقتي لما يكون عندي ضيوف خذي منها اللي يناسبك وادعيلي..
دعواتي لك بالتوفيق...


الساعة الآن 02:45 .