اخواتي العسولات بكره عندي عزومه ومن ضمن الاطباق
بدي اعمل كتف غنم مشوي
بس مش عارفه بالضبط كيف ممكن تساعدوني


الاخت العزيزة usha ... تحية لكِ ..والله يعينك وان شاء الله بتطلع عزومة على كيف كيفك

عزيزتي ...راح اعطيكِ مقادير خليط وبنصحك انك تبليه من الليلة علشان يكون اللحم اتشرب طعم البهارات

وكل شئ ...

بصلة متوسطة ...راس ثوم ... فلفل حار ...كوب لبن زبادي .... نصف كوب عصير ليمون

نصف كوب زيت زيتون .. ملح ..وبهارات مخلوطة >>>> حب هيل قرفة جوزة الطيب كبش قرنفل
بهار حلو .. كلهم مطحونين ناعم ..

كل المقادير السابقة ضعيهم في الخلاط حتى يصبح الخليط ناعم قليلا ..

بعدين احضري الكتف ونظفيه جيدا ولا تزيلي الطبقة الدهنية الخارجية ..اعملي عدة فتحات باللحمة

وبعدين تبليها بالخليط جيدا وادخلي من الخليط بهذه الفتحات واتركيها بالثلاجة للغد

إذا ما بدك تجهزيها الليلة ممكن تعمليها بالخلطة من الصبح بدري ..

بعدين لفيها جيدا بالقصدير وضعيها في الفرن بدها حوالي ساعتين ..قبل ما تطلعيها من الفرن بنصف ساعة

ازيلي القصدير حتى تتحمر ...

عند التقديم ..افرشي الجاط بأوراق الخس وزينيه بشرحات الليمون وشرحات البندورة ثم ضعي الكتف

في منتصف الجاط وقدميه بألف صحة وعافية ..
الله يعطيك العوافي رويد حبيبتي الف شكر
انت من اي مدينه بلكي طلعنا بلديات


الساعة الآن 05:27 .