السلام عليكم ورحمة الله وبركاته


الوالد العزيز عازم صديق عزيز عليه بكرة ع الفطور


أنا وأختي المصون راح نسوي الفطوررررررررر

اتفقنا نسوي لقيمات وجبنيه وسمبوسة وشوربه وأقماع ؟!

وش رأيكم؟!!

وزيادة أبغى اقتراحاتكم راح تفيدني كثير مثل مافادتني مواضيعكم

أبغى حاجة ماتكلف وتبيض الوجه ،،




بارك الله فيكم بالانتظااااار

شوفي حبيبتي

بصراحه الرجال ما احس انهم يحبون الخرابيط <<سوري عالكلمه

بس اهم شي الشوربه واللقيمات <<راس المال هههههههههه


موفقه يارب
فيك عين او سحر او مس وتعبتي من المشايخ؟؟ادخلي الرابط وحملي الرقيه واسمعيها كل يوم وادعي لي
http://forum.hawaaworld.com/showthread.php?t=1843110
سوي الاشياء المهمه
شوربة وسمبوسه ومعجنات وصينية مكرونة ولا مسقعة كريكرة
وحلا
واذا انتوا لازم تسوون رز على الفطور
سوي رز واتفنني فيه مثلا برياني ولا كابلي ولا بخاري اي شي
وصينية حلا وبس
ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
اهم شي المعكرونه والشعيرية والشوربة والسمبوسة واللقيمات
السمبوسة سويها الحين وثلجيها

وسوي جلي وكريم كراميل لو عندك وقت وفيه حلا بسيط اللي تصفين بسكوت مغموس بحليب طبقتين ثم تخلطين قشطه ودريم ويب وتحطين عالوجه وترشين فستق او اي شي تزينينه فيه بس مو لازم

وتقدرين تسوين كليب هاوس تاخذين توست اللي هو بريد
وتقطيعين اطرافه وتقصينه علامة ضرب
وتقلين هميرجر او اي شي وبيض وتحطين خيار وطماط وبعدين توست تغرزينهم بعود اسنان ثم جبن ومايونيز حسب رغبتك ثم همبرغر مقطع علامة زائد يعني تقسميها اربع وتستخدمي وحده وتحطين توست ثم زيتونه للزينه
وتقدرين تسوينها بالبيض اسرع لك
انتي وراحتك

وعندك بانكيك كانهم يحبوونه رههيييييييييييي ب وكلن داخ عليه اسفنجي ولذيذ عمرك مارح تذوقي مثله

هذا المقادير

3 كاسات طحين
3 ملاعق كبيره حليب بودره
ملعقة كبيره بكينج بودر
ملعقة صغيره فانيلا
2 كاس ماء
نص كاس زيت
3 بيضات
5 فناجيل سكر فنجال قهوه طبعا مو فنجال شاي لان كثير سألوني (طبعا كل وحده حسب الطعم اللي تبيه)اليوم خليته خمس ونص

طبعا طريقته هنا
http://forum.hawaaworld.com/showthread.php?t=1383108
تقدرين تسوين بالة التوست بعد ماتدهنيها زيت او الة الدونات
لذيذ وسريع ومايحتاج تخمير

تقدرين تطلبين كيك امريكانا جاهز وتفتتينه بكاس يعني ربع الكاس وتحطين شوي ايس كريم او دريم ويب ...
وشوكولاته سايحه

اشياء كثييييييييره
وكذلك فيه معجنات زي السندوتشات صغار تفتحيها وتحشيها اللي تبين
لبنه ونعناع او لبنه وزعتر او تقلين نقانق او تحطين مرتدلا مع مايونيز وجين او كباب اي شي
وتقدرين تاخذين التوست بعد ماتقطعين اطرافه وترقينه بالمرقه حقت العجين
وتحطين شوي جبن وشوي مايونيز بالاطراف اللي يمين ويسار وتحطين النقانق او الكباب وتلفينه زي الرول
وبعدين تقطعينه مايل بالنص حركه حلوووه
وفيه ناس يزينون الاطرف بالصماغ او الزعتر
تقدرين تسوين اشياء كثيييييييره
وفيه صينية مرتدلا بالجبن سهله مره وسريعه
تحطين شوي بيض يمكن 2 وشوي زيت وتخلطينهم وتكبينهم بالصينية
وفوقهم بريد محشي جبن ومقطع اطرافه يعني طبقتين توست بينهم جبن
وترصينهم شوي وفوق كل بريده او توست قطعه مرتدلا انتي تقطعينه رقاق بس مو حيل
وتصفينه وبعدين تمسحين جبن حوالين المرتدلات وبعدين تكسرين 9 بيضات تقريبا وشوي زيت فوقهم كلهم
وتدخلين الفرن من فوق وتحت لين يحمرون وطلعيهم وقطعيهم يموتون الرجال عليها

وبشرينااااااااا ا
اقتباس مشاركة  (أهون عليك..!!)
شوفي حبيبتي

بصراحه الرجال ما احس انهم يحبون الخرابيط <<سوري عالكلمه

بس اهم شي الشوربه واللقيمات <<راس المال هههههههههه


موفقه يارب
صحيح أبوي من هالنوعية لكن مو كل الرجال ياقلبي ، ، و فشــلة قدام صديقة ، ومو أي صديق غالي عليه ،،


لذا نبغى سفرة تبيض الوجه



ويسلمو ياالغلا ،،


الساعة الآن 02:25 .