السلام عليكم ورحمة الله وبركاته
اهلين بنات اتمنى تكونون جميعاً بخير
ابغاكم تساعدوني في طرح مشاريع لا تكلف اكثر من 100 الف ريال
فكرت في الحضانة لحبي للاطفال احس في هالمجال اقدر اقدم ولكن مااعرف اتوقع التكلفة تزيد عن المية
و بمشغل ولكن المشغل وماني مرتاحة حلال وحرام وماحنا ناقصين الله يتوب علينا ويرحمنا برحمته
ومن ناحية المشاكل سواء من العاملات او من الزبائن
وبمشروع خدمات طالبة بعدين جا في راسي ان الاجهزة ممكن تكون غالية وماتكفي كمان المية
ابغاكم تساعدوني في اي شيء يخطر على بالكم
وربي يسعدكم

سُلاف
16-09-1429 هـ, 08:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي عزيزتي بالنسبه لفكرة المشغل مااشجعك عليه نهائي لان البلد مليان من المشاغل وياكثر اللي عندهم ركود على مااسمع
لان الحريم ببلدنا اذا بيسوون مشروع يتجهون اسرع شي لفكرة المشغل
اما خدمات طالبه ماعندي خبره فيه بس حاسه انه مو مجدي كثير الا اذا كان داخل جامعه او تجمع طالبات كبير لان محلات خدمات الطلاب ماليه الديره وفيه اقسام خاصه للطالبات
اما مشروع الحضانه حلو بس فيه مسؤوليه شوي ويبي له دراسه وترتيبات كثيره وماعندي خلفيه فيه
**************
انتي شوفي نفسك شاطره في ايش او تميلين لاايش واهم شي يكون مجال نادر عندنا عشان يلاقي نجاح
واهم شي استخيري والله ييسر لك الخير و يوفقك ويرزقك
16-09-1429 هـ, 08:46 صباحاً
 
الله يجزاك خير حبيبتي
ماشاء الله عليك ردك يدل على فهمك ومعاك حق في كل اللي كتبتيه
يختي انا حابة الحضانة لاني احب الاطفال حب ماتتخيلينه فااحس هالمجال ممكن اكون فيه
ومن ناحية انه مسؤولية طبعا مسؤولية وكبيرة لكن انا دقيقة جدا فكرت حتى انه لما يكون طفل مريض ممكن يعدي الاخرين وقلت ماراح ينحط طفل إلا لما يكون عنده كشف من المستشفى ان مافيه مرض
فيه شيء آخر لكن خايفة انه ماينجح
مشروع مكتبة للقراءة ولها مبلغ رمزي عند الدخول
ورعاية موهوبين كون ان عندي طفلين عندهم موهبة الرسم والثالث موهبة الإلقاء بس كمان يبغاله دراسة وماعندي عنه اي خلفية
احاول اني ادور شيء مو بس اكسب فيه مادة ولكن ادور الآجر فيه
وجودك كان مهم ربي يسعدك دنيا وآخرة
الله يوفقني وييسر لي ويرزقني وياك والجميع
16-09-1429 هـ, 01:20 مساءً
 
وش رايكم بنات
16-09-1429 هـ, 07:09 مساءً
 
لك رسالة على الخاص
16-09-1429 هـ, 08:11 مساءً
 


الساعة الآن 08:48 .