Analysis Services
  • «
  • <
  • 1
  • 2
  • 3
  • 4
  • >
  • »
هذي عجينة كتبتها وحدة من البنات من غير تخمير ومعتمدتها مررررره ممتازة

بخلاط الطماط تحطين
بيالة شاهي زيت زيتون
كوب طحين كويتي
ثلاث ملاعق حليب بودرة
ثلاث ملاعق سكر
ملعقتين خميرة فورية
كوب ونصف ماء دافئ
تخلطينها على الاقل سبع دقايق حسب كلام صاحبة الوصفة انا اخليها عشر دقايق
ثم تضعين عليها كوبين طحين وتعجنين وتزيدين الطحين حسب الحاجة
وافرديها واحشيها
ولو حبيتي حطي على العجينة شوي ملح
16-09-1429 هـ, 03:40 مساءً
 
شوفي ياقلب هذا رابط عجينتي..ضبطت مع اللي مايعرفون يعجنون والفاشلات من معارفي
فكيف بتكون معك انتي ,,وانتي ماشالله كانت تضبط معك

اذا ماضبطت اعرفي انو العيب بالدقيق حقك..انا استخدم الكويتي..ودقيق ثاني نجيبة من القصيم


http://forum.hawaaworld.com/showthread.php?t=1384119


16-09-1429 هـ, 04:35 مساءً
 
اختي انا مثلك يضبط معي الطحين السعودي بالمعجنات وبعدين صارت ماتنفع الابالكويتي وانا افضل السعودي وهالايام سويت عدة تجارب انجحها عجينة العشر دقائق بعد ما اتركها عشر دقايق واضيف الباقي اعجنها بيدي تقريبا من5الى عشر دقايق ثم قسمتها قسمين وغطيتها بسماط بلاستيك وتركتها نصف ساعة لاني مشغولة ورجعت لها لقيتها منتفشة وسويت منها امس فطاير وصارت ما شاء الله وسويتها اليوم وسويت منها خلية نحل واخذتها لاهل زوجي وطلعت ماء شاء الله اعجبتهم مرة طرية وهشة والحمد باعتمدها من بعد اليوم وللامانة اليوم حطيت كاس حليب سايل وكاس ماء وانت جربيها لو بعد العزيمة واذا شكلت الفطاير او الخلية لاتدخليها الفرن مباشرة اتركيها ترتاح عشردقائق نصيحتي جربيها انت عقدتك مثل عقدتي .
17-09-1429 هـ, 03:22 صباحاً
 
شوفي حبيبتي هذي عجينه تطلع معاك الفطائر مثل القطن ويشهد الله انك ما راح تتركينها من يوم تستعمليها،،

تحطي بزبديه ،،
ملعقة سكر
وملعقة خميره
ورشة ملح
وفنجان شاهي زيت
وثلاث ملاعق حليب بودره
وكاس ماء دافي يميل للساخن قليل

وتضربيهم بمضرب السلك لين تتجانس لمده دقيقه بس
بعدين حطي كاستين دقيق
واعجنيها زين لين ما يبقى بالزبديه شي وعلى طول استخدميها بدون تخمير بس حاولي بالفرد تكون العجينه مدبدبه شوي مو تخليها رقيقه وخليها بالصينيه من 10 دقائق الى ربع ساعه قبل تدخل الفرن

وصدقيني راح تدعيلي ،،


وربي يوفقك ،،
17-09-1429 هـ, 03:35 صباحاً
 
انصحك بعجينة العشر دقايق بس اعجنيها كثير اكثر من عشر دقايق واضربيها بيدك حتى يدخلها الهواء

و لمن تخبزيها وتحطينها في الفرن لاتخليها تتحمر زياده عن اللزوم يعني شوي وتنحرق لا خليها لين يجي لونها ذهبي ياادوب تحمير بسيط وحطيها على طول في حافظه وقفلي عليها مزبوط راح تجي هشه ولينه وقطنيه ضروري تغطيها بعد ماتخرجيها من الفرن جربي هالطريقه وقوليلي النتيجه
17-09-1429 هـ, 03:56 صباحاً
 


الساعة الآن 03:28 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏