Analysis Services
.. وبه نستعين ..
السلام عليكم ...



اللهم صلي وسلم على سيدنا محمد وآله وصحبه وسلم
لا حول ولا قوة الا بالله ...
الله أكبر .. ما شاء الله
لا اله الا الله
اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير



" تمنياتي لكن اخواتي الحبيبات بصيام مقبول وإفطار شهي ... وأيام مباركه ان شاء الله علينا وعليكم وعلى جميع المسلمين ...

اذكرو الله وصلوا على محمد
وقولوا ما شاء الله تبارك الله
اللهم احفظ هذه النعمه من الزوال ...

السفرة ...




الهريس ..


اللقيمات


ستيك الدجاج بالصوص .. في سفرتنا رقم 6..
اخذت طريقته من منتدى آخر ..
وكانت طريقة الدجاج لوحدها .. وطريقة الصوص لوحدها
كل وحده لطبق .. وانا سويتهم مع بعض
جزا الله صاحبته كل خير
والله يعطيها العافية

انقعي شرايح الدجاج ليلة كاملة في : ثوم - ليمون - فلفل احمر حار (بودرة) - بهار بيتزا واذا ماعندك حطي بداله زعتر - ملح - قرفه - بهار دجاج ..حمريها في زيت خفيف مع التقليب ..


الصوص ..
نحمر بصل جوانح حوالي 2 رأس .. وثوم في زيت وزبده .. نحط فلفل أسود .. قرفه .. بهار حلو .. نضيف مشروم .. ودبس رمان .. وصويا صوص .. وشوي ملح...
واخر شي كريمة خفق .. حوالي 2 كوب ونحرك ...


ونصبه على شرائح الدجاج...


مثلثات البريد ( كلوب ساندوتش)

سهل جداً ..
قطعي البريد مثلثات .. واحشيهم بأي شيء تفضلينه من الحشوات البارده ..
انا احشيهم ..
شريحه احط فيها جبنة كاس مع بيض وفوقها شريحه عليها مايونيز مع ملفوف والشريحه الاخيرة عليها لبنة مع شرائح خيار ..
واحطهم فوق بعض ..

يتبع ...
17-09-1429 هـ, 06:01 صباحاً
 

5.00

عدد التقييمات: 1
5
100%
4
3
2
1
هذا البف باستري ...

قطعيها مربعات .. واكشر كل قطعه جبن كيري .. وادخليه الفرن ... بعد ان يتحمر من فوق وتحت صبي عليه عسل ...

وهذه الجبة ..
موجودة في السفرة رقم 10


وهذا مندي .. على طريقة منال العالم
موجود في السفرة 3 ..
جربوه .. عاجبني حييييييل <----تحب العيوش (الرز)


هذي باستا .. صراحه طعمها اكثر من رائع ...
وطريقتها سهله ...

بقول لكم شلون عرفت طريقتها ... رحت مرة العثيم مول .. وطالعت الطباخ شيسوي ..لأنه يسوي الأكل قدامك وانتي واقفه ..
وتكلمت مع احد قريباتي وكانت مثلي تقول ..دائماً تحاول تعرف طريقتها ...
ها ... ومن هنا وهناك .. وصلت الى هذه الباستا ...

اسلقي الباستا كالمعتاد ..
حمرز جزر مقطع اعواد قصيرة شوي في زيت خفيف واضيفي له دجاج مفروم او شرايح وربيان وحركي ..
اضيفي فليفلة ألوان وملح وفلفل أسود وفلفل أحمر حار وفلفل اخضر حار ...
ابعديه عن النار .. اضيفي شرايح زيتون ..
اخلطي الباستا مع خلطة الخضروات .. صبي عليها بشاميل .. وصلصة البيتزا (بدون ماتخلطي ..
خليها على نار هاااااادئه .. وعلى الوجه حطي جبن موزاريلا .. وذوقي الطعم ... وشمي الرييييييييييحه الرائعه
حتى اللي ما ياكلون معكرونه عندي ذاقوها وعجبتهم ...





يتبع ...
17-09-1429 هـ, 06:03 صباحاً
 
وهذا تارت الفواكه .. طريقته من منتدى آخر

نخلط في الخلاط ثلاث ارباع كوب زيت + 1 كوب سكر
الى ان يصير كريمي ..
نضيف له 2 بيضات وفانيلا .. ونخفق الى ان ينتفش ويتغير لونه ...
نضيف 2 كوب دقيق وشوي بكينج بودر ...
ليصبح لدينا عجينه لينه تلتصق باليد واثقل من قوام الكيك ...
نضعها في اكواب الكب كيك ... يجب ان يكون الفرن محمى سابقاً وحار .. نخرم العجينه كي لا ينتفخ ونخبزها ....
صورتها بعد الخبز



اذ استوت نقص القبعه اللي فوق ونحشيها ...


كستر عادي ونحط عليه شوي قشطه ونزينها بالفاكهة اللي ترغبين..
وامسحيه بشوي جيلاتين .. مذوب بالماء الحار وشوي مرى مشمش ...
عجبني حييييل واعجب العائله ...









وهذه الكنافه
جابها الولد الله يحفظه ويصلحه وياه من سعد الدين


اسألكم الدعاء في ظهرة الغيب...
17-09-1429 هـ, 06:03 صباحاً
 
الله يحفظكم
ويلم جمعتكم دووووم

ولا اروع كل يوم متاااااابعك وماشاء الله تبارك الله
17-09-1429 هـ, 06:10 صباحاً
 
جزاك الله خير وماشاء الله بارك الله فيك
الله يسعدك ياشيخه دنيا واخره اللهم امييييين،،،،
17-09-1429 هـ, 06:10 صباحاً
 


الساعة الآن 10:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏