Analysis Services
تسلمين علي الاصناف الحلووه والشغل النظيف
18-09-1429 هـ, 10:34 مساءً
 
الارز بالخلطه

هو طبعا له طرق كتيييييييير بس دي اسرعهم واسهلهم

هو انا استعجلت عليه شويه المفروض اغمق الكراميل شويه بس مش بيفرق اوي في الطعم

المهم اللوز يتقشر ويتحمر في سمن بلدي هو والمكسرات ونرفعه من السمن ونحط الزبيب يتقلب سريع جدااااااااا

ونرفعه هو كمان من السمن ونحط سكر انا باحط لكل كوب رز م سكر وتقلبي مع السمن عادي هتلاحظوا باه كراميل بس اوعوا

يتحرق على طول تضيفوا الارز المغسول وتقلبوا بسرعه وتضيفوا الملح والقرفه وتضيفوا الميه وتكملوا طبخه كالمعتاد وطبعا انا باستخدم

الرز المصري وتغرفوه وتزينوه بالمكسرات في ناس طبعا بتحط كبد وقوانص او لحم معصج او قطع فراخ بس انا بافضله كده
18-09-1429 هـ, 10:42 مساءً
 
الشوربه الليبيه الفظيعه ما لهاش حل بجد ادمااااااااااان

بالنظر هي كمان نحمر بصله مكعبات في الزيت ونضيف عليها قطع لحم ضان مقطعه في حجم عقلة الاصبع ونقلب لحد ما ميتها تنشف

نضيف حبة طماطم مبشوره وم طعام صلصة طماطم ونرش رشة كركم وهم ليهم توابل حلوه اوي اسمها حرارات انا باستخدمها بس

ممكن تستبدلوها بقرفه وشوية جوزة الطيب وقرنفل وفلفل اسمر وجنزبيل بودر ونضيف الميه وفلفله حاره خضرا ونسيبها تغلي لحد ما

اللحمه تستوي

نضيف شوية كزبره وبقدونس مفري وم طعام مكرونه لسان عصفور ولما يستوي لسان العصفور نفرك شويه نعناع ناشف ونطفي النار


على طول لانه بيمرر لو غلينا وممكن نعناع اخضر مفروم الموجود عندك وتغطى وتترك قليلا وعند التقديم يعصر عليها ليمون وتقدم مع


خبز التنور ممكن تاكلوها مع تميس بجد هتدمنوها
18-09-1429 هـ, 10:52 مساءً
 
اللحمه المحمره

اكيد عارفين الطريقه ما فيش داعي اكتب

اللحمه البارده

طبعا بتجيبي عرق تلبيانكو وتعملي فيه فتحات بالسكينه وتدخلي فصص توم كامل في كل فتحه حوالي 5 او 6 وفي ناس بتحط

جزر بس انا عندي ازمة جزر وخس من قبل رمضان ههههه مش لاقيينه خالص

المهم تلفيه بخيط دوباره كويس جدا وهو له طريقه معينه في اللف وتدعكيه بالملح والتوابل كويس جداااااااااااا

وتحمريه في طاسه مدهونه زيت من كل الجوانب وتحطيه في صينيه تكوني فرده فيها بصل شرايح وفلفله وجزره لو عندك بصراحه

بتدي طعم احلى وحبة بطاطس صغننه جدااااااااا وتلفي الصينيه بفويل وتدخليها الفرن هو هينزل ميته ويستوي

بعد ما يستوي تاخدي الخضروات اللي كانت تحت العرق وتضربيها في الخلاط هي دي هتباه الصوص وممكن تضيفيها على مشروم

متشوح في زبده ويغلي غلوه خفيفه

العرق تسيبيه يبرد خالص وتقطعيه شرايح وممكن تحفظيه بالفريز لانه بيتقدم بارد



يتبع
18-09-1429 هـ, 11:03 مساءً
 
اقتباس مشاركة
ماشاء الله تبارك الرحمن

الله يعطيك العافيه

سفره رووووووعه وشهييه00


19-09-1429 هـ, 12:35 صباحاً
 


الساعة الآن 01:28 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏