القطايف

طريقة ومقادير ام عزيزان ربنا يكرمها

ك سميد ناعم_2 ك طحين-م ص خميره-2م وسط بيكنج بودر-رشة ملح-ربع ك سكر- 3ك او اكثر ماء حسب الطحين

يخلطوا في الخلاط وطبعا نخبز من ناحيه واحده بس على مقلاه تيفال

وده الشرح لميمسي القمر

والحشو حسب الرغبه لو عايزه تعمليها اقماع اقفلي لحد التلات اربع وحمريها في زيت غزير واسقيها شربات وبعدين احشي كريمه

او كاستر او قشطه


يتبع
19-09-1429 هـ, 02:33 صباحاً
 
مسك الختام الكريم كراميل والبسبوسه ههههه

الكريم كراميل


الكريم كراميل ده لو عملتوه بجددددد هتبطلوا العلب والحاجات التانيه وانا متاكده ان شاء الله انكم هتعتمدوه لانه سهل جدااااا

ولذيذ وبيدوووووووووووب وعلى فكره دي الطريقه الاصليه بتاعته وهي طريقة مامتي ربنا يخليها

طبعا بنجهز الكراميل

كوب سكر +نص كوب ماء +م فانيليا وعلى النار واول ما يغلي نعصر نص ليمونه عليه ونسيبه يتحول لكراميل بس لا يحترق لانه بيمرر

نوزعه في القوالب

الكريمه

لتر حليب +6 بيض +بشر ليمونه ناعم جداااااا بالمبشره الصغيره بتاعة التوابل+م فانيليا+رشة صغيره روح الموز

ونضرب كله في الخلاط لحد ما يختلطوا ونضعهم في القوالب وفي حمام ماء في صينيه وعلى فرن متوسط ونسيبه وكل شويه

نبص عليه هو بيطول شويه بس النتيجه رهيبه ولو وشه اتحمر ولسه كان سايل شويه هدي الفرن شويه بجد مش قادره اوصف لكم

طعمه كل اللي يدوقه عايز تاني ههههههه


يتبع
19-09-1429 هـ, 02:44 صباحاً
 
البسبوسه

طبعا دي طريقة الشيف حسن في برنامج من كل بلد اكله على قناة الاسره والطفل

والمقادير للاسف بالجرام ومش عارفه هي كام بالكوب وطعمها زي بتاعة المحلات بالزبط

900جم سميد سايب مش اللي بيجي اكياس للبسبوسه جاهز_450جم سكر+300جم ماء+125 جم شربات تقيل

وقال اللي عايز يضيف سمنه يضيف انا اضفت طبعا لانها بتدي طعم تحففففه للبسبوسه اضفت للمقدار ده 4 م سمن بلدي

نقلبهم كويس جدااااااا هتكون مرمله شويه مش سايله نفردهم في صينيه مدهونه زبده اوسمن وتخبز في فرن 160 لمدة نص

ساعه

الشربات(الشيره)

كيلو سكر+كيلو ماء +فانيليا على النار واول ما يغلي نعصر نص ليمونه وبيكون خفيف شويه بين الميه والعسل

نسقي البسبوسه ونلااااااااااااحظ الشربات سخن والبسبوسه كمان سخنه

المقدار ده عمل لي الصينيتين اللي في الصوره يعني تقدروا تقسموا المقدار


انا كده خلصت واتمنى اكون افدتكم بجد واتمنى تدعو لاخويا بالشفاء ولزوجي واطفالي ربنا يحفظهم ويبارك فيهم

وكل سنه وانتوا كلكم بخير وسعاده
19-09-1429 هـ, 02:56 صباحاً
 

الله يقويك ويعطيك الف عااافيه

اطباقك ولا اروع وشكلك سريعه بالطبخ مشالله تبارك الله عليكــِ

الله يسلمك من كل شر يارب

وتقبل الله صياااااامك
19-09-1429 هـ, 03:08 صباحاً
 
ماشاء الله ولا قوة ال بالله

طبخك هايل( على قولتكم يااخوانا المصريين

تسلم يدينك
19-09-1429 هـ, 03:51 صباحاً
 


الساعة الآن 10:14 .