.. وبه نستعين ..
السلام عليكم ...



اللهم صلي وسلم على سيدنا محمد وآله وصحبه وسلم
لا حول ولا قوة الا بالله ...
الله أكبر .. ما شاء الله
لا اله الا الله
اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير



" تمنياتي لكن اخواتي الحبيبات بصيام مقبول وإفطار شهي ... وأيام مباركه ان شاء الله علينا وعليكم وعلى جميع المسلمين ...

اذكرو الله وصلوا على محمد
وقولوا ما شاء الله تبارك الله
اللهم احفظ هذه النعمه من الزوال ...

السفرة ...


اليوم نسيت الهريسة ماصورتها

لقيماتنا


وهذه كبستنا ..كبسة دجاج ..
واعتقد مافي احد مايعرف يسوي كبسه
حتى الرجال يعرفون يسوونها
هههههههه


وهذه كبة الهريس ...
موجوده في سفرة 7 ..بس احطها على السفرة مايبقى منها شي

انقعي حب هريس مدة ليلة كاملة ..
صفيه من ماء النقع واطحنيه بماكينة اللحم واطحني معاه مرة ثانيه لحم مفروم
مقدار اللحم يساوي حب الهريس ...
افرمي بصل ناعم + بقدونس + كزبره خضره + ثوم ناعم مدقوق + بقل ناعم (كراث)
ملح + فلفل اسود + كمون + كزبره مطحونه + صفار بيض + شوي بكينج بودر ...
اخلطيهم مع بعض خلط زين ومرتب وسويم اقراص خفيفة واقليهم في الزيت
(انا مفرزة من اخر شعبان كميه تكفي لرمضان)

البيتزا .. بيتزا دوار الشمس ..موجوده في سفرة رقم 13






يتبع ...

وهذي كوسا محشية ....بصلصة المشروم .. صدقوني تهببببل



احشي كوسا مثل ما تحبين ..
اطبخيها بماء شوربة ( اي شوربه)
حضري شوربة ماجي بالمشروم واضيفي لها كوب كريمة خفق وشرايح مشروم ...مشوحة بالزبدة
واذا استوت صبيها على الكوسا اثناء التقديم ...
وذوقي الطعم العجيب

همبرجر لحم ...
وكلنا نعرف نسويه ..
واذا ما تعرفين تسوينه ... يباع في السوبر ماركي مثلج .. بس شغلج أحسن وافضل ..


هذي لفائف الجبن ... كما نسميها في البيت

موجوده في سفرة رقم 5
قطعي جبن شيدر اصابع
ولفي عليه ثلاث ارباع الشريحه السويتز ...
اقليها في الزيت ..
صبي عليها العسل وزينيها بالفستق المفروم والهيل ..

البسيمه ... حلا



اخلطي
1 كاس دقيق ..
1 كاس زيت
1 كاس جوز هند
1 كاس سكر
1 كاس سميد ناعم
ملعقة بكينج بودر
ملعقة ماء زهر
(انا حطيت 2 بيضه)من اجتهادي

صبي نصف المقدار في صينيه مدهونه ومرشوشة بالدقيق ...
حطي عليها قرفة مطحونه وهيل وصبي النص الثاني ..
زينيه بالمكسرات اللي ترغبين ..ادخليها الفرن
اذا استوت صبي عليها شيره ..

هذا اللي تشوفونه ... نسميه عندنا في منطقتنا ( ممروس أو خبيصه)

ودائماً أكثر ما يسوونه بكميات كبيرة في المناسبات السعيده ...
يتكون من التمر والطحين الأسمر
الزبده .. مع هيل وزعفران .. وقرنفل .. حلوة ( يانسون)

وهذه صورة السفرة كاملة
ماشاءالله
روعه تسلم ايدج
ما شاء الله

تسلم ايدينك
تسلم يدييينك لذيذ


الساعة الآن 05:10 .