عاد تدرين أنا الجبن كيري ما يضل عندي في البيت كله يخلص ...

ممكن تسوين فيه خلية النحل والفطاير ... يعني تسوين عجينتج وتحشينها جبن كيري بدون أي إضافات ... وحشوة لعجينة السمبوسة والبف باستري ...
وهذي كيكة شعيرية بجبن الكيري للأخت ( ام عزيزان ) :

3 بيضات
3 فنجان سكر ناعم (فنجان القهوه التركيه)
ثلث كوب زيت
6حبات جبن كيري
نص كوب طحين
نص م ص bb
رشة فانيليا
كيس شعريه باكستانيه
حليب مركز
يخفق البيض والزيت والسكر جيدا
ثم نضيف عليه الجبن
وبعد ذلك الطحين والبيكنج بودر
تصب في قالب الكيك
وترش بالشعريه حتى نغطيها تماما
تترك عشر دقائق ثم ندخلها الفرن حتى تنضج
نسقيها بالحليب المركز وهي حاره
ونتركها حتى تبرد.... واذا حطيتيها بالثلاجه لوقت التقديم راح تكون الذ
وبالعافيه

وهذا حلى دوم أسويه بالجبن كيري :

الطبقة الأولى :
بسكويت أولكر 200 جرام مطحون
زبدة 113 جرام
ا ملعقة قشطة

الطبقة الثانية :
12 حبة جبن كيري
1حليب مركز
1 قشطة

الطبقة الثالثة :
واحد ونص كوب حليب
2 كريم كراميل
1 ملعقة كبيرة كاكاو بودرة

الطريقة :
تخلط مقادير الطبقة الأولى وترص في صينية
نخلط مقادير الطبقة الثانية وتصب في الصينية وتدخل الفرن لمدة ربع ساعة حتى تجمد وبعدين دخليها الثلاجة على الأقل ربع ساعة قبل ما تحط عليها الطبقة الثالثة ..
نخلط مقادير الطبقة الثالثة وتوضع على النار إلى أن يغلي .. طفي النار عنها وصبيها شوي شوي في الصينية ودخليها الثلاجة حتى تبرد

وهذا حلى الرخام .. ماخذته من المنتدى لذيذ

المقادير:
أ- بسكوت شاي مطحون ((علبه واقل من نصف العلبه الثانيه)) -ملعقة باكينغ باودر.
ب- في الخلاط:
1\2 كاس سكر
1\2 كاس زيت
1\2 كاس ماء
3بيضات
فانيلا
جـ- في الخلاط(( 10حبات جبن كيري- علبه كبيره حليب مركز)) للتزيين: هيرشي شيره

الطريقه:
يخلط أ مع ب ويدخل الفرن على نار هادئه الى ان تستوي ثم نخرجها من الفرن وندعها تبرد قليلاً نضع عليها الجبن الكيري والحليب المحلى ثم نضع عليها الهيرشي شيره أو نضع نقط من الكاكاو ونوصلها مع بعض حتى تكون مثل الرخام وندخلها الفرن من فوق حتى تتماسك فقط ولا نحمرها وتوضع في الثلاجه حتى تبرد ثم تقدم وبالهناء والعافيه
19-09-1429 هـ, 07:30 مساءً
 
وزعيها علينا خخخخخخخخخخخخ

لا جد توي كتبت رد عن حشوة الكنافة فيها جبنه كيري

http://forum.hawaaworld.com/showthre...20923#poststop

وممكن بعد التراويح سوي للصغار فطاير جبن عيالي يحبونها مرة
19-09-1429 هـ, 09:07 مساءً
 
انا اقول لو ترسلين للي نصف الكميه هههههههههه وتفتكين

اضيفي الى الحشوات يطلع طعمها حلو وللقطايف وللتوست وللتونه وللحلا دوار الشمس والسبرنق رول وبالعافيه
19-09-1429 هـ, 10:32 مساءً
 
سوي تشيز كيك موجود فيه جبنه كيري
سوي حلى باسكن روبنز روعه وموجود فيه جبنه كيري
سوي كروسون بالجبنه الكيري
واي شي تبغي تسويه من باسكن روبنز او تشيز كيك
ارسلي مسج خاص لو تبغي الطريقه
وادعيلي بان يوفقني الله في زواجي
19-09-1429 هـ, 11:07 مساءً
 
عليك بالشيز كيك اعملي كل يوم وصفة بتخلص على طول

كل قالب تشيز كيك بدو 8 - 10 حبات كيري وعيشي حياتك بعدين لانك رح يزيد وزنك 30 كيلو على الاقل

ودمت بود
19-09-1429 هـ, 11:16 مساءً
 


الساعة الآن 09:24 .