يعني المدرس يشرح من قلب.. ومابعطي الدرجة الا للي يستحقها.. يعني مو استاذه تعرف امي تعطيني الدرجة الكامله عشاني بنت صاحباتها وكدا..

كله ياخد حقه الي يستاهله :)

كل مكان له مميزاته ..
بس الدراسة هنا ترا الدكتور ما يشرح كانك بمدرسة، لا يقول كل واحد يقرا و يفهم اللي مكتوب و تعالوا نتاقش والا اكتبوا بحث عن هالموضوع او النظرية ... يعني التعلم عن طريق البحث الذاتي ..
كل جامعة لها نظامها وكل تخصص له متطلباته بس بشكل عام هذا اللي اعرفه ..

السعودية الواحد يحس بالامن و الراحة من جوا لان كل الناس حوالينك ، اهلك واصدقائك و ماتشيلين هم شي,,
هنا لا مهما كان الواحد يظل غريب ..
اذا الواحد قرر يتغرب فنصيحة يتغرب على تخصص يسوا وما يدرس في السعودية لان اولا واخرا الواسطة هي المحور في التوظيف ومارح يشفع لا اسم الجامعة ولا القدير ,, الا في حالة ان التخصص فعلا نادر وما يدرس في الجامعات السعودية ..

الفرق في الفرص الوظيفيه

طبعا اللي يبون يتوظفون بشركات فاكيد اللي معه شهاده من امريكا او غيرها
راح يكون له الاولويه
لكن الوظائف الحكوميه ما تفرق معك ماستر من السعوديه او من برا نفس الراتب
وهذا اللي قاطع قلبي لاني باذن الله ناويه ارجع ادرس بالجامعه لأن الشركات اختلاط
ومجتمعي ما راح يتقبل هالفكره لنه محااااااافظ


طبعا الاهم هو تعلم اللغه واكتساب الخبره
و الاعتماد على الذات
وبسسسسسس

انا تعبانه مره من الدراسه بالخارج فرق بين السعوديه وبرا الجامعات بالسعوديه سهله وما تعقد اما برا انواع التعقيد والطلبات اللي ما تنتهي من بحوث ... الخ
الله يعين بس

ممكن تكون الدراسه في الخارج هي الهدف الأساسي .. لكن فيه كثير مكاسب ثانويه لتجربه الغربه..
أنا تشكلت عندي قناعه إن الغربه تجربه ثريه ومهمه جدا .. تفتح للإنسان آفاق جديده من الصعب انه يعرفها في بلده ..
من تعلم لغة ثانيه .. الى تعلم الاعتماد على النفس .. إلى الخلوه بالنفس من الارتباطات الاجتماعيه .. إلى احترام وتقبل الناس بإختلاف ثقافاتهم وأديانهم وألوانهم .. إلى اشياء كثيره جدا جدا

أما بالنسبه للعلم في حد ذاته حكايه ثانيه .. لأن النهضه العلميه في الدول الغربيه هي اساس تقدم ورقي هذي الدول ..
التعليم هنا مختلف مختلف مختلف ...
يعجبني كيف يحثون الطالب على البحث والوصول للمعلومه بنفسه .. كثير من الواجبات والاختبارات تكون على هيئه مشاكل تحتاج إلى اقتراح حلول مناسبه لها .. أو على الأقل تطويرها ..
نادرا ما يعتمدون اسلوب الحفظ اللي أنهكنا للأسف ..
كتابه البحث العلمي هنا مختلفه جدا .. لها اسس وقواعد ..
في بعض الاساتذه يعتمدون على اختبارات الـ open book يعني بإمكانك تجيبين كتابك معاك .. لكن الأسئله نادرا ما تكون من الكتاب ..
ببساطه يعلمون الطالب كيف يفكر خارج الصندوق .. وكيف يتعامل مع المشاكل اللي ممكن تواجه في اثناء عمله ..