Analysis Services
مشكوووووووووره وما قصرتي اختي ام روابي تسلمين والله ،الا وش عشاكم البارح؟؟....بخخخخخخخخخخخخخ ترا امزح معك

سديم مشكوووووره على المشاركه يا عيوني..

غراااااام هلا والله بك واشكرك على المعلومات المفيده ونخدمك ان شا الله بالافراح....
05-11-1424 هـ, 11:02 مساءً
 
اهلين حبيبتي انا ساكنه بالرياض واهلي بالشرقيه
في حبيبتي شقق امام عمار الفيصليه الصراحه اخوي سكن فيها ويمدحهاا
والمطاعم انا معاك ماريز فضيع اكلهم وفي مطعم الخليج الصيني الي بطريق المللك فهد يهبل
05-11-1424 هـ, 11:15 مساءً
 
مساء الخير يا حلوين

انا أحلى وألذ مطعم رحتله((((البحصلي))) وهو على طريق الأمير عبد الله وأسعاره حلوة ومعقوله جدا

وترا لبناني ,, ولا تنسون تاخذون من عنده(( كبه)) والله روووووووووعه

وبالهنا والشفا
05-11-1424 هـ, 11:19 مساءً
 
هلا اختي ام رينو
اجل بتنور الرياض دامك بتجينا
شوفي حبيبتي الشقق ما اعرف انصحك اذا كنتي جايه تتمشين انك تسكنين في الشمال يعني في طريق الامير عبدالله او شارع العليا العام او على طريق الملك فهد لان هذي الاماكن حولها كل شيء

اما المطاعم اذا كنتي تحبين الهندي عندك افادو دوم بخت لا يفوتك خاصة البرياني و محلهم في التحليه و نفس الشيء كانتون سيزلر اكلهم منوع فيه صيني عندك بعد مطعم فيكيا روما مرررره رايق و اكله حلو عندك البيت الايطالي حلو في طريق الملك فهد - الريف اللبناني في التحليه - كريبا وي يشبه تشيليز في طريق التخصصي بجنب فدركرز - زعفران هندي في السليمانيه - بالاضافه الى مطاعم الفنادق مثل الفور سيزون و الفيصليه و الشيراتون و الفهد كراون .... فيه مطاعم كثيره بس نسيتهم عموما الرياض كله مطاعم ......

اما مطعم بيانو قفل

ررررررررررحله سعيده
06-11-1424 هـ, 04:33 صباحاً
 
أهلين حبيبتي مرحبا فيك في الرياض

منتظرتك أستقبلك على طريق الملك فهد ومعي ( انتحاااااااااااار)

الأكل الهندي أنا رحت لزعفران ودوم بوخت صحيح أماكنهم حلوة لكن الأكل مو لذيك الدرجة

لكن تبغين الهندي على أصوله روحي شيزان صح جلستهم أقل شوي لكن الأكل يمي يمي

برياني الدجاج رائع ودجاج تكا وخبز نان رووووووعة ونظيف

لبناني سعد الدين حلو جلستهم رايقة وخدمتهم رايقة ولاتنسين كبة الدجاج عندهم جنااااان لكن

نصيحة لاتروحي لما يكون عندهم بوفيه

البحصلي نصيحة لوجه الله عن خبرة كنت مدمنته بشكل لكن ماديين بشكل يقهر ومو نظيف

بصراحة ’’’’’’’’’

ماريز ماحبيته لا أنا ولا اللي أعرفهم كلهم أكلهم مو حلو (الحمدلله على النعمة )

الصيني حبيبتي ماأقدر أفيدك فيه لأني مااااااااااااااحبه

رحلة سعيدة ياقمر
06-11-1424 هـ, 05:01 صباحاً
 


الساعة الآن 03:56 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏