هلا فينوس لا بالله ما راح اروحه دام اكله ما هو زين ، وتبين الصراحه من كثر ما تكلمتي عن جزيرة الاحلام لاعت كبدي الظاهر لو امر من عنده صديت واشكرك على وصف بيض السمك مشكوره فينوس على التوضيييييييييييح

هلا ديما مشكووووووووووره على الرد وبغيت اسأل عن مطاعم عمو حمزه يسوى الواحد يتعنا له لاني احب البحري مره واحب السبايسي وهل فيه جلسات مريحه للعوايل والا لا وكيف خدمتهم ؟؟؟؟والوشم وين يعني بوسط الرياض او على طرف والا وين بالضبط يعني لو عنده شي مميز اذكريه لي واذا ذكرتي شي من المطاعم ارجعي للموضوع لاتنسيييييييين .... تحياتي لك ديما وعقبال الغساله اللي تغسل وتنشف وتكوي بعد كخخخخخخخخ وبيني وبينك لو فيه هالنوع كان اول من ياخذها انا .....
11-11-1424 هـ, 03:42 مساءً
 
من افضل المطاعم في الرياض الريف اللبناني بدون مبالغة,اكل نظيف خدمة راقية مكان مريح سرعة عجيبة في تقديم الطلبات لكن عندي نصيحة لا تروحين اخر الاسبوع الا اذا كنتي حاجزة لانه كم مرة رحت وما القى مكان يكون زحمة.
دوم بوخت حلو
زعفران حلو
شيراز حلو
فيه مطعم صيني على ما اعتقد اسمه القصر الذهبي في عماير السريكون حلو
مطعم الخليج الصيني في طريق الملك فهد حلو(ان كنتي تحبين الجمبري لا يفوتك الجمبري المقلي)
فيه الركن اللبناني في شارع الثلاثين حلو
اصفهان الايراني اكلهم ورزهم روعه (ودائما اخذه سفري)
عمو حمزة نفس الشيء اكلهم روعة لكن ما ادري مكانهم راقي ومريح او لا
سعد الدين يعني
ماريز يعني
واحذر من البيت الايطالي بطريق الملك فهد رحت له مره وكان يوم خميس للغداء (المفروض انهم مستعدين بما انه اجازة)والله بدون مبالغة انتظرنا ساعة كاملة ما قدموا لنا المقبلات ,واخرتها طلعنا ما تغدينا عندهم ,رحنا على طول للريف اللبناني(الحي يحييك والميت يزيدك غبن)
اعتذر على الاطالة واي سؤال انا في الخدمة.
12-11-1424 هـ, 04:04 صباحاً
 
حبيبتى ,,,,,,,,,,,, دوم بوخت دوم بوخت دوم بوخت


لا تتعدينه والله روووعه خصوصا دجاج مكنى اطلبيه شي خطير اطلبيه فلفل مره

بس لا تاخذين عيالك معك والله يتعقدون مثلى خذتهم ومعنا وجلسوا يطالعون فينا بس

ولما خلصنا طلعناهم لهمبرقر ( وش نسوي لهم بعد )

زعفران نفس دوم بوخت بس ان جلساتهم اقل مستوى شوي بس افضل شي فيه انه مافى زحمه

رايق يعنى ................... وبعد وبعد

الريف اللبنانى برضه نظيف بس ززززحمه ( مع اننا نحجز مسبقا ) واكلهم حلو

فى المطعم المكسيسكى قدام زعفران على طول ............ فى نوع مكرونه رررهيب نسيته والله

ورايقه جلساتهم جدا جدا ولذيذه مقبلاتهم بعد اكثر من روعه والله

والعجمى حليو اكلات خفيفه افضله فقط

وفى البرازيلي رحنا له انا وزوجى بس هذاك اذا تبين تتفرجين لكن اكلهم عادى صراحه

ومطعم الفورسيزون اللى فى المملكه رايق ونظيف صراحه

فى الفيصليه فوووووووووووق ( البلوره او اللوبي ) بعد رايق بس خفت على زوجى صراحه

من هالبنات اللى فيه

الريف الايطالى بعد جنب اللبنانى فى التحليه تراه بعد حلو اذا تحبين المكرونات

فى واحد يابانى يروح له حماى وزوجته بس الحمدلله على نعمه العقل ( اقولهم وش تبون به حتى جلستهم على الارض )

مندى صار ماعاد هوب صينى !!!

اذا حريصه عليه بسالهم على مكانه

هذا اللى اروح لهم صراحه ومدرى عن غيرهم اتمنى تكونى استفدتى

وان شاء الله تستمتعون فى رحلتكم هذى امين

ترى لالنسبه للشقق والله ماعرف وانا ترى انصحك فى الفنادق انظف وافضل لك
12-11-1424 هـ, 09:18 صباحاً
 
شاليمار...الله يعطيك العافيه ما قصرتي واشوى اني ما احب الاكل الايطالي ولا الستيك وانا افضل البحري وخاصة الجمبري والكل يمدح الريف اللبناني بس للاسف ما احب الاكل اللبناني حيل بس المقبلات حلوه ولو دخلته كلت مقبلات وشبعت وطلعت الا ما فيه سفري؟؟؟ ،و باسألك من ناحيه الاكل اي افضل في الصيني القصر الذهبي والا الخليج ؟؟ لان الخليج عندنا بالشرقيه ومليت منه بس الصراحه اكلهم مستواه راقي ومضبووووووووط ، الا وين الاصفهاني الايراني بالضبط وابي رقم الريف اللبناني على الخاص لو نبي نحجز فيه ...تسلمين ونخدمك بالافراح يا عيوني



هلا تسنيم....صراحه كفيتي ووفيتي يا مال العافيه ، وعلى فكره البلوره ما راح ادخله نهائيا وبرايك وش احسن المحلات في الفيصليه واحسن الادوار فيه واي ارقى الفيصليه والا المملكه وكل واحد منهم وين موقعه بالضبط.........وبالنسبه للفنادق افضلهم برا السعوديه بس داخل السعوديه افضل الشقق علشان الواحد ما راح يقعد بس وقت النوم صح كلامي؟؟؟
لا يأختي وش ابي بجلسات الارض ابي مطعم ارتز على الكرسي واكل من على الطاوله كخخخخخخخ، واذا ما عليك كلافه ترسلين لي رقم الريف اللبناني لو نبي نحجز فيه للضروره
ومشكوووووووره على الدعوه الحلوه وفعلا ما قصرتي يا عيوني
12-11-1424 هـ, 03:34 مساءً
 
فيه مطعم صيني مرة حلو اسمه تعال الصيني بجنب مكتبة الملك فهد وراقي كثير وهاديء حق ناس رومانسيين
وكمان سرايا التركي في العليا حلو بس زحمة
والبنات ماقصروا معك
واجازة سعيدة:24:
12-11-1424 هـ, 08:41 مساءً
 


الساعة الآن 01:46 .