شمس العمر وبيضتوا الوجه وفعلا الرياض حلوه ومطعم جزيرة الاحلام شفته على الطريق بس ما مدحته الاخت فينوس ولا تحمست له وان شا الله اجرب الزياره الجايه السفره الشرقيه واشكرك جزيل الشكر.....
******************************
ديم نجد فعلا شقق بودل ما عليها كلام وزين اللي قلتيلي عن افادو دوم بوخت من كثر ما مدحوه البنات دورته ونسيت بأي شارع ويوم رجعنا وشفت المطاعم اللي سجلتهم لقيته بالتحليه ولا ادري وين شارع التحليه هل هو قريب من طريق الامير عبدالله او شارع الملك فهد والا لا؟؟ لان ذيك المنطقه للي جايين من برا الرياض رووووعه .....واشكرك على المرور ....

وكل وحده تبي تزور الرياض ترجع للموضوع لان البنات فعلا ما قصروا.....................
السلام عليكم اهلين اخت ام رينو

والله افدتيني جدا بهالموضوع دائما الى بغينا نطلع نتمشى ونروح لمطعم قال وين تبين نروح وانا والله ما اعرف مطاعم كثير
بعض الاحيان يتصل على زملاه يسالهم هذا وحنا من سكان الرياض
واخواتي يحبون الايطالي والصيني وهو مايحبه
ما يحب الا اللبناني والهندي بسسسسس

والله المطاعم الل نروح لها دايم وتصير حلوه هي
الريف اللبناني على شارع الثلاثين ذوقي الكبه الصاجيه تجنن
السرايا التركي والله ما اعرف باي شارع بس والله يجنن
افادو دوم بخت هذا يجننننننن اكله وجربيه وشوفي على شارع التحليه وراااااقي وجلسه حلوه
وفيه الاندلسيه في العليا بس هو في وسط حاره مدري وين (هذا تغدينا فيه ثاني يوم من الزواج ) ودايم اقول لزوجي نروح له يذكريني باول يوم زواجنا
ماريز زحممممه والله اكلهم غالي ولا هوب زين(يمكن طلبنا اللي طلبناه)
وعمو حمزه بعد حلو
وفيه مطعم على طريق الامير عبد الله حلللللوه جلسته واكلهم غرررررريب بس نسيت اسمه هو على اسم فاكهه حلو تجربين اكل غريب
وفيه مطعم اسمه ضيعه الزيتون حلللو بس شكله قفل عشانه وسط حاره

وشقق بودل هذي جنب بيتنا مررره اطلع لها على رجليني الى جيتي مره ثانيه بسير عليك
خخخخخخخخخخخخخخخخ
[img]http://saaid.net/twage3/041.gifj[img/]
ما انصحكم تروحون لمطعم شيراز الايراني اكلهم غالي ومو حلوه
وماريز برضوه مو حلو اكلهم وصجه
والبحصلي ما ادري ليش ماصكوه مو نضيف كثير ناس تسممو منه

فندق صحارى المطار مره حلو الدور الثاني

فندق صلاح الدين مره حلوه بس المكان ما اتذكر بالضبط وين

وماما نوره الشاورما والفلافل وعصيراتهم مرره حلوه

فيه مطعم وجبات سريعه مره حلو الوجبه بـ 25ريال بس حلو اسمه طويل ونسيته بس جمب عبقرينو و2في 1

واذا بغيت اكل للبيت فلا تعدين الطيبات مشوياتهم وكبستهم وورق العنب مره رهيب في العليا




لينا مشكوووووووره على المرور والرد وفعلا الناس اذواق لان ماريز عجبنا خاصة الاكل السريع اللي تحت صراحه اسعارهم تمام وخاصة لطلبتي مشويات مشكله او روبيان او مقبلات بارده او شاورما صحن وغير عصيراتهم الطازجه .................انصحك تجربينه بمنتصف الاسبوع مو نهايته..........سلام
********************
الورده الجوريه اشكرك عزيزتي على ذكر تجاربك حتى الكل يستفيد.......


الساعة الآن 03:33 .