نحن الآن في العشر الآواخر ...وقد تكون احداها هي القدر ..
اسأل الله واياكم ان يعوده علينا وعليكم وعلى امة محمد بالسلام والامن والخير والبركات
اللهم آمين ..
بس عندي ملاحظة صغيرونه ... احتمال اني اتوقف عن عرض الصور للسفر القادمه
يمكن باقي سفرة او سفرتين .. ( ان شاء الله وبحوله وقوته بنسافر الى مدينة الرسول)
يعني مب اكيد .. بس في نية ومناقشات ..
ادعوا لي اني اروح ..

عموماً انا جهزت كل شي .. وكل الامر على رب العالمين

الهريسه


اللقيمات


العيش ( الرز) المبخر ..
روعه وخيااال
طريقته من منتدى حواء الرائع

بهري الدجاج او اللحم مع الخضر وهي
جزر - بطاطس - كوسا - بصل - طماطم - فليفلة - ثوم مقطعين
وبهريهم بـ
لومي اسود - بهار مشكل - ملح -كمون - فلفل اسود ( كلهم مطحونين ) وشوي زيت

ونضعهم في مشخل (مصفاة) وونضع تحت المصفاة جدر فيه ماء وملح وشوية زيت وبهارات صحيحة ( حيل - قرفة - قرنفل - كزبرة - لومي اسود)
نقصدرهم تمام ونطبخهم .. اذا نضجوا نحمرهم في الفرن ..
نسوي العيش بالماء اللي حطيناه تحت الخضرة .. وخليه على نار هادئة وقدميه بطريقتك ...


افخاذ وجوانح الدجاج الحارة ..انصحكم تجربونها .. تراها اطعم واحسن من اللي يسوونه بيتزا هت ..


بس قعدوا على السفرة .. ما شفت منها ولا قطعه . . قلت بعد الصلاة وبعد ما انام شوي .. برجع واسوي لي كاسة شاي واخذ لي كم قطعه .. بس وين ..!!

اولاً بعد ما تسلينها ... حمريها في زيت بس يتغير لونها
انقعيها في عصير ليمون وثوم مدقوق وملح وشطة وفلفل أسود وشطة اندونيسيه حاره ( سومطره) وصلصلة خاصه لجوانح الدجاج وهذه صورتها

انقعيهم ليلة كاملة ..
وبعدين قصدريهم وادخليه الفرن مدة نص ساه
اكشفي القصديير وخليه يستوي ويتحمر وتبقى فيه صلصة
ما تشبعي منه .. طعم حاااااار ولذيذ

يتبع ...
22-09-1429 هـ, 05:02 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مطبق موجود في السفرة رقم 14 وبريد بالفلافل في السفرة 1


طريقة البريد بالفلافل
قطعي البريد دوائر وأدهنيه بالجبن السايل

وحطي على كل حبه بريد فلفله وأضغطي عليها بالراحه والصقي

كل ثنتين مع بعض.....غمسيهم بالبيض والبقسماط....أقليهم بالزيت

الغزير الحامي......وأقطعيهم نصفين.....وبس

خبزات الثوم موجودة في سفرة 14
ومعجنات حلزونيه في سفرة 8

سوي اي عجينه تعجبج وناجحه ومعتمدتها في مخبوزاتج
ولفيها على الأقماع المصنوعة من الستيل ..
احشيها بأي من الحشوات البارده .. قدميها

وهذا التشيز كيك ...بطبقات الكاكاو .. والمارس والتويكس

تشيز كيك




انا بصراحه لست من المؤيدين ولا من المحبين لهذه الحلويات التي تعتمد على .. الدريم ويب .. والقشطه .. والكاكاو ...
احس انها اشياء جاهزه كأنك اشتريتيها من السوبر ماركت وحطيتيها على السفره ..
ولا فيها فايده ولا فيتامينات .. بس انا سويتها كمكافأة للصغار لأنهم صايمين ولا يقصرون معاي في المساعده والمشاركة في كثير من الأعمال ...
انا بطبيعتي أحب الاكل البيتي المتعوب عليه وحلويات جداتنا وامهاتنا ...
لذلك احاول بقدر استطاعتي ان اعودهم على اكل البيت .. والله المعين ..
التشيز كيك هذا عادي
بس سويه 3 طبقات وشكلي فيها على كيفك من الشوكولاته

السفرة ...





ادعوا لي بالتوفيق وقضاء الحاجات .. وادعوا لي اروح مدينة رسول الله هذه السنه وكل سنه
22-09-1429 هـ, 05:04 صباحاً
 
jتسلمين غاليتي......سفرة لذيذة........
الله يسهل أمرك ويوصلكم باالسلامة للمدينة المنورة.......
22-09-1429 هـ, 05:15 صباحاً
 
سفره دايمه والله ينولك اللي في بالك
22-09-1429 هـ, 05:17 صباحاً
 
بارك الله فيك ووفقك ويسر لك كل امورك

سفرة روووعة تسلم يدينك
22-09-1429 هـ, 05:26 صباحاً
 


الساعة الآن 08:12 .