ابي رايكم ؟؟..مع الشغاله- هل هذا شي من السحر؟؟ولازم اتصرف بسرعه؟؟او شي عادي الي صار!!

السلام عليكم ورحمة الله وبركاته

اتمنى ان الكل يكون بخير وصحه وسلامه

مارح اطول ..بدخل في الموضوع علطول

هو موقف وحاسه فيه بشي يقلق..وحبيت اخذ رايكم

احنا عندنا شغاله اندونيسيه مسلمه ..والحرمه تصلي فروضها في وقتها وماعليها ماشاء الله يعني مؤدبه ..وراح تسافر بعد فتره باقي لها تقريبا شهرين ..
المهم ..
اختي راحت بيت خوالي وقامت شغالتهم عطتها (كيس) قالت لها هذا عطيه شغالتكم ..ولا تقولين لماما مافي كلام حق احد ولا اختي انتي..ومااافي خووف هذا مافي شي طيب؟؟هذا مااافي شي مافي خوف ..بس انتي ماااافي قوول حق أحد..

جت اختي <<(عمرها 15 سنه) قالت لي ان شغالة بيت خوالي قالت لها كذا وعطتني الكيس وهي خايفه لما فتحناه لقينا
(علبتين فانيلا وعلبتين بكنج باودر وكيس ملياان بهارات )
جلسنا نفكر ليه!!
يعني الحمدلله بيتنا مو نااقصه ابد هالحاجات ..وهي اذا بغت شي تطلبه مننا ..اشمعنى يوصل بهاطريقه

المهم قلت لاختي نخبيه ونقول للوالده لما تصحى ان شاء الله

الشغاله من بكره ..جت وقالت لاختي(مافي احد في بيت خوالك اعطالك شي لي؟؟؟) >>مع العلم انها ماعندها جوال
قالت اختي الا ..فيه وجابته
خذته الشغاله وقالت شكرا ..لما سألتها اختي وشو هذا؟؟؟
قالت (ماااأدري)
وبعدها صارت تغير الموضوع ..

المهم في نفس اليوم قلنا للوالده..قالت امي لازم نسألها وبعدها بشوي قالت اصلا الشغالتين كلهم مسلمات وان شاء الله مامنهم خوف..

ماادري كيف سمعت شغالتنا كلامنا مع اننا نحكي بصوت واطي..
لما راحت اختي المطبخ قالت لها الشغاله ..معليش سألتيني امس عن الكيس وماعرف وش اقول لك لاني كنت مشغوله ..بس هذا (حنا) لشعري..

رجعت اختي مستغربه!!
ثم راحت قالت للشغاله
كيف انتي تقولين (حنه) وشغالة بيت خوالي تقول انه (بهارات)..!!!؟
قالت ايوااه هو بهارات وحنه ..وهو فيه بهارات للنعناع تجي كويسه يصلحونها هناك..وهو حنه<<<صارت تخربط

لما رجعت اختي قالت امي ..يكفينا نقول((اللهم اكفيناهم بما شئت))..وخلاص

>>الموضوع هذا أمس..واليوم اختي حلمت حلم وقامت خااايفه ووجهها متغير..وتقول انها حاسه انه بسبب هذا الشي مع انها ماافكرت فيه واجد وطنشت بعد كلام امي

حلمها كأنه بسم الله الرحمن الرحيم (جنيه ) لابسه عبايه داخله بيتنا من غير مانفتح الباب وتقول انا ضعيفه وتشحذ
تقول ان كل بيتنا يقول حراام مسكينه ..الا اختي خااايفه وتبكي..وتقول لا هي مو ضعييفه..
وبيتنا يتحمد الله على اختي ويقول ليش تبكين!!!! هذي مسيكينه ..
تقول بعدين لما شافوني خايفه قالوا لها معليش وطلعوها..وطلعت وهي تقول (انا ضعيييفه) مسيكينه وتناظر اختي بحقد من غير محد ينتبه!!

بعدها صحت وهي الخوف مازال فيها بقوه
اللهم اجعله خيــــــــــــر

أبي رايكم ..وشو التصرف الصحيح الي المفروض اسويه ؟؟؟او بالاصح نسويه عشان نتعامل مع هالموقف؟؟؟