قولولي بالله هل هي معجزه

السلام عليكم

اول شي رجائي الحار لمشرفاتنا العزيزات ماينقلو موضوعي لقسم اخر لان اغلب الي اعرفهم بها القسم

نجي للموضوع :06:

انا يابنات بكتبلكم شي مضيق صدري مررررررررره وحابه تقولولي انا غلط ولا صح

السالفه ومافيها ان زوجي من اتزوجنا قال ترى مافي شغالات ومن هالكلام المهم اني دققت بالموضوع لان اصلا كنت دايم اجيب شغالات اهلي ينظفو ويمشو على فكره زوجي من النووع المرتب ومايحب الكركبه ومن بيت اهله ماعندهعم شغالات اخواتو هم قايمين بالبيت وانا طول عمري متعوده عالشغالات ببيت اهلي يعني جيت لزوجي انوااااااااااع الرفااااااااله;)

طيب بعد ثلاث سنين الله رزقني بالحمل وسار الكل يقولي مابتجيبي شغاله خلاص لازم تجيبي وماراح تقدري توفقي بعدين بين بيتك وزوجك والبيبي ومن هالكلام الين اقتنعت وكنت خايفه افاتح زوجي بالموضوع خايفه يرفض المهم انه ماقصر وفعلا قدملي على شغاله وجتني الشغاله

واعتمدت عليها بالبيت اعتماد كلي وصحيح كنت مرتاحه بس نفسيا لااااااااااااا لا اعرف البس ولا اعرف العب بنتي ولا اسوي ولاشي حتى زوجي بالليل لاجا يبغى (...) اتضايق لانها بالغرفه الي قبالنا واحسها تفكر ايش قاعد يسير بالغرفه

المهم بعد فتره حملت والظاهر الوحام طلع عليها لاني كرهتها كره موطبيعي لدرجة اذا شفتها احس كني شايفه وجه وجه جني<<<<شايفه شكل الجني قبل خخخخخ:hahaha:

فصرفتها من بيتي وسارت عند اهلي وماطيق اشوفها وطبعا البيت قعد فتره وسخ لاني لسى متعوده في من ينظف ورايا

المهم بدأت ادخل قسم التجارب والحلول ولقيت مواضيع كثيره مفيييييييييييده وقريت عن تجارب بنات بالهمال قبل وكيف نظمو وقتهم وسارو وصراحه جاتني زي الغيره وحسيت ان الموضوع ابسط من البساطه وبدأت اتعمق بالمواضيع واطبق الين فعلا حسيت براحه وانا اشتغل ببيتي

على فكره بيتي عباره عن 2غرفه وصاله ومطبخ وصالون يعني صغييييييييييييييييييييييير

المهم اني سرت احافظ على بيتي وانظفاول بأول ومانام الا الصاله شايله كل الاغراض الي فيها بالذات لان زوجي يقوم يلبس فيها الصبح
نجي للمفيد الحين انا اقتنعت تمااااااااااااااااااااااما اني ماعاد ابغى شغالات ببيتي اقلها لين يسير عندي بيت ملك كبير ساعتها فرج بس الحين بشقتي مابغى شغالات

بتقولو وين المشكله المشكله ان اهلي امي وخالتي مو مقتنعين بالذات خالتي تقولي هذا وحم ويروح:32:
وحم اني ابغى اشتغل ببيتي بنفسي ؟؟؟؟؟؟؟؟
وحم اني ابغى اسير ربة بيت يفتخر فيها زوجها؟؟؟؟؟؟
وحم اني مادخل وحده غريبه عيونها على كل شي فيني؟؟؟؟؟

بالله عليكم هذا منطق

للأسف ان حتى زوجي احسه زي تفكيرهم يحسب انها فتره وبمل وكل شوي يقولي جيبي الشغاله تساعدك وانا انجججججججججن من هالكلمه :angry2:

كلن يقولي انتي مجنونه لاجا البيبي كل هالكلام راح يتغير وماراح توفقي بين شي

متى راح تتفضي لزوجك؟؟؟؟ طيب سؤال معنى كلمة اتفضى لزوجي يعني البس واتكشخ واتمكيج و...الخ
طيب كيف بسوي ذا كله ووحده معاي بالبيت شايفه كل شي واكيييييييييد تتمنى تسير مكاني؟؟؟

قالولي اقلها تشيل عنك تنظيف المطبخ والحمامات طيب كل هالكلام ماراح ياخذ ساعتين بالكثيييييييييير وبعدها ايش بتقعد تسوي؟؟؟؟؟؟ والمشكله مكان نومتها بغرفة بنتي وفيها دولاب ملابسي اقسم بالله اني كنت اتعذب عشان ادخل اجيب لي قميص نوم افكر قبل لادخل وين اصرفها عشان اطلعلي ملابس
بنتي تستفرغ بالليل والست هانم نايمه واتورط ابغى ادخل اجيبلها ملابس ماقدر

بنات تعبببببببببببببت تعبت من النق فوق راسي كل ماحد شافني قال خبله ومجنونه وبتضيعي زوجك من يدك لانك ماراح تفضي؟؟؟؟؟

معقوله الحين كل وحده ماعندها شغاله انخرب بيتها؟؟؟
معقوله مافي ربة بيت سنعه وقايمه ببيتها وعيالها ولاقيه وقت حق زوجها؟؟؟

معقوله خلاااااااااص كل البيوت سار من أأسسها الشغالات؟؟

والله اني قريت عن وحده بمنتدى ثاني بيتها فله كبيره وعندها عيال وحاطه صور لبيتها يخببببببببببببببل لاقوة الا بالله نظيف وفوق هذا تقول القى وقت فراغ مادري ايش اسوي فيه


بنات الحين اترك المكرفون لان صوتي راح:11:

على فكره انا على دخلة التاسع وعلى ولاده وللحين يقولولي تترحمي؟؟؟؟؟:35:

سؤالي هو هل هي معجزه اني اعيش من غير شغاله؟؟؟؟:16: