السلام عليكم ورحمة الله وبركاته


كل عام وانتم بخير

بنات طالبتكم واتمنى ماتردوني

زوجي عازم اخوانه للعشاء ويبيني انا اللي اطبخ له
وانا والله ماعمري طبخت فابي منكم تساعدوني ابي طريقة المكسر اللي دايم يسوونه بالزواجات

وابي تقولون لي على سلطات اقدر اسويها بس ابيها بسيطه يعني سلطه حاره وكذا اشياء سهله

هم ثلاثة وزوجي الرابع الله يسعدكم قولولي الكمية اللي تكفيهم




الله يسعدكم ردو علي لاتطنشوني

شوفي عندي طريقه حلو للكبسه وهي تنقعين الرز في ماء حار لمدة نص ساعه انا استخدم رز الوليمه وبعدين نجي للدجاج يتغسل زين وتكشنين بصل بالزيت وتحطين عليه شيبه وخولنجان وفلفل اخضر قرون وفلفل احمر فرون وبعدين تحطين الدجاج وبعدين المويه وخليه يطبخ تقريبا ثلث ساعه اوالى ان ينضج وبعدين تصفين المرق وتحطينه على الرز يكون مستوى المرق مرتفع شوي يعني توقفين ملعقة خشب في النص وتوقف ماتطيح انا اقيس كذا وبعدين تشيلي الملعقه موتخليها وبس خليه يغلي شوي لحد ماتنقص المويه شوي وقصري النار تكون هاديه مره وغطيه بالقصدير وبالتوفيق
السلطه عندي سلطه لذيذه ومكوناتها سهله وهي تقلين بطاطس وباذنجات كلهم مكعبات وتخلينهم على جنب تقطعين خيار وجزر مكعبات وملفوف ابيض شرلئح رفيعه وبعدين نجي للصوص تخلطين مايونيز مع طحينه سايله ملعقه صغيره ولبنه وشوي زبادي وملح وفلفل اسودوتحطين عليهم بصل مقطع صغير عادي او اخضر وهذا هو السر في نكهت السلطه يعني اول سوي الصوص وحطي عليه البصل والليمون وحطيه بالثلاجه وعند التقديم اخلطيه مع السلطه الكميه ممكن ثلاث حبات من كل شي وكثري ملفوف وادجاج اتوقع يكفيهم دجاجتين اودجاجه ونص والخلا سوي كريم كرمل اوجلي اومهلبيه وبس لاتكثرين في الطبخات ترى الرجال مايحبون الخرابيط زينا اهم شي الكبسه والسلظه والحلى والله يوفقك
الجوري جزاك الله خير حبيبتي



بس انا ابي طريقة لحم مو دجاج

ويعطيك الف عافيه يارب
شوفي اللحم نفس الطريقه تقريبا وبعد مايستوي اللحم خذيه في قدر ثاني وحطي عليه شوي من المرق مع بهارات مع معجون طماطم اذا كنتو تحبوه احمر اوتحطي عليه كركم اذ تبنه اصفر وسلامتك وترى المساله سهله هونيها وتهون ايه اذاكان اللحم قطع كبيره دخليه الفرن بعد الاستوةاء عشان يتحمر


الساعة الآن 02:14 .